Lexía og umræður á morgun í Loftsalnum í Hafnarfirði

28.3.2008 | 15:08

Lexía og umræður á morgun í Loftsalnum í Hafnarfirði

Ég á víst að vera með lexíuna á morgun 29. mars og vil bjóða alla velkomna. Þetta snýst aðalega um að leiða umræðu um lexíuna sem við förum yfir svo þetta er aðalega fólk að spjalla saman.

Staðsetningin er:
Hólshrauni 3, 220 Hafnarfirði
Fjölskyldusamkoma kl. 11:00 og Biblíurannsókn kl. 11:50.
Biblíuskóli fyrir börn kl. 12.00.
Sameiginleg máltíð að samkomu lokinni.

Ætla að fara stuttlega yfirlexíuna sem er að finna hérna: http://www.sda.is/?goto=lexia

Minnisvers: „Og hann sagði við þau: „Svo er skrifað að Kristur eigi að líða og rísa upp frá dauðum á þriðja degi“ Lk 24.46.

Lexían fjallar um hvernig Aðventistar trúa að boðskapur englanna þriggja er hlutverk okkar og hvernig það tengist fagnaðarerindinu og skipun Krists að boða fagnarerindið til allra. Skoðum aðeins boðskap englanna þriggja:

Opinberun Jóhannesar 14
6 Og ég sá annan engil fljúga um háhvolf himins. Hann hélt á eilífum fagnaðarboðskap, til að boða þeim, sem á jörðunni búa, og sérhverri þjóð og kynkvísl, tungu og lýð, 7 og sagði hárri röddu: "Óttist Guð og gefið honum dýrð, því að komin er stund dóms hans. Tilbiðjið þann, sem gjört hefur himininn og jörðina og hafið og uppsprettur vatnanna."
8 Og enn annar engill kom á eftir og sagði: "Fallin er, fallin er Babýlon hin mikla, sem byrlað hefur öllum þjóðum af reiði-víni saurlifnaðar síns."
9 Á eftir þeim kom hinn þriðji engill og sagði hárri röddu: "Ef einhver tilbiður dýrið og líkneski þess og fær merki á enni sitt eða hönd sína,
10 þá skal sá hinn sami drekka af reiði-víni Guðs, sem byrlað er óblandað í reiðibikar hans, og hann mun kvalinn verða í eldi og brennisteini í augsýn heilagra engla og í augsýn lambsins.

Svo að boðskapur englanna þriggja er:

Fagnaðarerindið
Stund dóms hans er runnin upp.
Tilbiðja skaparann.
Fallin er Babýlón.
Merki dýrsins.

Lexíu höfundur vísar í orð Ellen White og hvað hún hafði um þennan boðskap:

Ellen G.White, Review and Herald, 1. apríl, 1890
Margir hafa skrifað mér bréf og spurt hvort boðskapur englanna þriggja sé réttlæti fyrir trú og ég svarað þeim með því að segja: „Það er sannarlega boðskapur englanna þriggja.

Úr þessu er farið í Mt 25.31-46 þar sem Kristur fjallar um þá sem gerðu vond verk á jörðinni og þá sem gerðu góð verk á jörðinni. Lexíu höfundurinn spyr síðan hvernig ber að skilja þessi orð miðað við þessi orð Krists; tengingin milli góðra verka og síðan að boða fagnaðarerindið.

Mín afstaða hérna er að þegar einhver er fæddur af Anda Guðs þá vill hann gera góðverk; hann fær mikla löngun til að gera öðrum gott. En þar sem enginn öðlast eilíft líf vegna sinna verka alveg eins og glæpamaður getur ekki mútað góðum dómara með því að hafa gefið pening í Rauða krossinn þá getur enginn mútað Guði með góðum verkum til að fá sýknu dóm.

Vers sem ég tel varpa ljósi á tengingunni milli boðun fagnaðarerindisins og góðra verka.

Matteusarguðspjall 5:14-16
14 Þér eruð ljós heimsins. Borg, sem á fjalli stendur, fær ekki dulist.
15 Ekki kveikja menn heldur ljós og setja undir mæliker, heldur á ljósastiku, og þá lýsir það öllum í húsinu.
16 Þannig lýsi ljós yðar meðal mannanna, að þeir sjái góð verk yðar og vegsami föður yðar, sem er á himnum

Ef góð verk fylgja þeim sem boða fagnaðarerindið þá tekur heimurinn eftir því og tekur meira mark á því sem þeir eru að segja og þá "vegsami" Guð á himnum.

Síðan er farið út í skipun Krists til lærisveina sinna að boða fagnaðarerindið í Mt 28.18-20 og Mk 16.14-20. Lexíu höfundur spyr síðan "Hver er boðskapur Jesú til okkar í báðum þessum frásögnum?".

Síðan er farið út í tenginguna milli aðventista og boðun englanna þriggja og þá aðalega vers Opinberunnarbókarinnar 14:6. Þarna koma fram mjög sterk orð sem eru að þeir sem hafna fagnaðarerindinu að þeir munu glatast.

Lexíu höfundur segir þetta:

Það er algjört grundvallaratriði að við sem erum lærisveinar höfum góðan skilning og séum staðföst í fagnaðarerindinu. Heimurinn allur var sekur vegna syndarinnar, Jesús tók algjörlega og fullkomlega á sig sökina. Þess vegna er það að hver sem á hann trúir þarf ekki lengur að taka á sig sök og dóm syndarinnar heldur getur vegna náðar Guðs þegið fyrirgefningu og íklæðst réttlæti Jesú Krists, sama hver bakgrunnur viðkomandi er. Þetta verður að vera grundvöllurinn að öllu okkar starfi og prédikun í heiminum.

Ég er alveg sammála honum hérna þótt að þetta er ekki þægilegur boðskapur að boða. Læt þetta duga sem smá yfirferð en mig langar líka að rökræða þau rök sem Vantrúar meðlimurinn Hjalti kom með á móti fagnaðarerindinu á þessum blogg þræði hérna: Er krossinn get out of jail card?

Þetta ætti að verða athyglisvert og allir velkomnir.

Flokkur: Trúmál og siðferði | Breytt s.d. kl. 22:20 | Facebook

Athugasemdir

Viltu nú ekki stafsetja "Hafnarfirði" rétt :)

Þú mátt svo eyða þessari færslu

Sigmar (IP-tala skráð) 28.3.2008 kl. 18:35

Nei nei, takk fyrir leiðréttinguna Sigmar :)

Mofi, 28.3.2008 kl. 22:05

Takk fyrir það :) ég að vísu tók eftir því klukkan tíu í morgun að ég hafði verið að lesa vitlausa lexíu; las lexíuna fyrir síðasta hvíldardag. Svo ég renndi yfirl lexíuna á einum klukkutíma og reyndi að bjarga því sem bjargað varð. Fólk var óvenju mikið að þakka mér fyrir lexíuna. Grunar að það vildi reyna að láta mér líða vel miðað við þá raunverulegu hörmung sem þetta var. En... svona bara fara hlutirnir stundum.

Mofi, 29.3.2008 kl. 16:43