Ekki lengur drasl DNA

Frá því að menn öðluðust skilning á því að lífið væri byggt upp á stafrænum upplýsingum þá hefur þeim greint á um hvort að þau svæði í DNA sem þeir vissu ekki hvað gerði, hvort þau væru drasl eða innihéldu þýðingarmiklar upplýsingar.  Þeir sem aðhyllast þróun spáðu því að þetta væri drasl, leyfar af þróun og þar sem þróun er aðeins tilviljanir þá væri rökrétt að tilviljanir skildu eftir sig rusl. Þeir sem aðhylltust sköpun og vitræna hönnun þeir spáðu því að þetta hlyti að innihalda upplýsingar því að vitrænn hönnuður er ekki líklegur til að skilja eftir sig mikið rusl.

Núna virðumst við vita nógu mikið til að álykta að það sem menn hafa flokkað sem "junk DNA" er ekki lengur drasl.  Þróunarsinnar spáðu rangt fyrir um eins og svo oft áður.  Það er auðvitað nóg að lífið er byggt upp á stafrænum upplýsingum til að sanna lífið var hannað og gat ekki þróast. Þegar vantrúar menn geta sýnt fram á að dauð efni og náttúrulegir ferlar geta sett saman vélar og upplýsingakerfi þá hefur þeirra trú eitthvað gildi en þangað til er þessi trú þeirra lítið annað en lélegur brandari.

Þeir sem vilja lesa um þessar rannsóknir:

Genome Complexity Unveiled: No Junk, Only Function

Intelligent Design and the Death of the "Junk-DNA" Neo-Darwinian Paradigm

Athugasemdir

[Árni Steingrímur Sigurðsson, 19.6.2007 kl. 15:06]

Samkvæmt þinni skilgreiningu þá er Microsoft hugbúnaður ekki hannaður vitrænt þar sem hann inniheldur mikið af rusli.

[Mofi, 19.6.2007 kl. 16:52]

Þú gerir ráð fyrir því að það sé staðreynd að hann innihaldi mikið af rusli, ég er ósammála. Aftur á móti, því meira rusl, því minna vit er á bakvið hugbúnaðinn, tel það nokkuð rökrétt.  Þeir hjá Microsoft eru síðan aðeins mannlegir. En fyrir forritara þá er það hellings virði að fá að vinna hjá Microsoft, þeir eru það ríkir að þeir ráða aðeins til sín þá færustu.

[Tryggvi Hjaltason, 27.6.2007 kl. 03:24]

Skemtmileg blogg, vel framsett og rökstudd!

Ætla að fylgjast með þessari síðu

RSPCT

ICE

[Mofi, 27.6.2007 kl. 17:38]

Takk fyrir það Tryggvi. Kíkti á síðuna þína og þú virðist vera skemmtilegur penni. Ég þarf að taka þig til fyrirmyndir varðandi húmor, má ekki gleyma honum í öllum alvarleikanum.

Kv,
Mofi