Og fjarlægja alla krossa og allt sem minnir á Biblíuna?

Nei, ég geri ráð fyrir að krossarnir fái að vera áfram og jafnvel  hálf Biblía en af hverju eru nemendur að heimsækja kirkju ef að kirkjan verður að hætta að vera kristin á meðan nemendurnir eru þarna?

Flestir aðilar í þessari deilu virðast vera sammála að fræðsla um trúarbrögð sé í lagi og hvað er þá að því að nemendur heimsæki kirkjur og sjái hvernig þær raunverulega eru og hvað er raunverulega predikað í þeim?  Og já, ég hefði ekkert á móti því að nemendur heimsæktu Moskvu og sæu hvað þar fer fram.

Vandamál okkar tíma er miklu frekar alger fáfræði um kristna trú og trúarbrögð heimsins almennt. Akkúrat rétta leiðin til að ala á fordómum og sá fræum ófriðar.  Ég er á því að ríkið á ekki að vera að kenna eina ríkis trú í skólum eða ríkis heimspeki eins og Þróunarkenninguna, þess vegna skil ég og styð Siðmennt og Vantrú í að losna við trúboð úr skólum. En fræðsla er nauðsynleg og menn þurfa fara að ná áttum í þeim efnum og það er ekki rétta leiðin að afkristna kirkjur á meðan nemendur koma í heimsókn.

Bannað að fara með faðirvorið á aðventu

Athugasemdir

[Linda, 29.11.2011 kl. 13:55]

Sæll Mófi- ég mundi ekki leyfa barninu mínu að heimsækja Mosku, mundi ætlast til þess að vera spurð, það er hægt að gera aðrar ráðstafanir. Sem Kristin kona, mundi ég ganga út frá því að barnið mitt fengi að upplifa kirkjuna í allri sinni mynd. En rétt eins og ég mundi segja nei við heimsókn í mosku, þá geta foreldrar sem trúlausir eru gert hið sama þegar það kemur að heimsóknum í hús Kristinna mann. Þeirra börn fá í staðinn að gera eitthvað annað á meðan.

[Mofi, 29.11.2011 kl. 14:39]

Góður punktur Linda. Auðvitað á ekki að vera skylda að fara í svona heimsóknir.

[Matthías Ásgeirsson, 29.11.2011 kl. 17:01]

"Vandamál okkar tíma er miklu frekar alger fáfræði um kristna trú og trúarbrögð heimsins almennt. "

Samt er heilmikil kennsla um kristni í skólum landsins, allt frá fyrsta skólabekk. Reyndar er kristinfræði fyrsta bókalega fagið sem börn hér á landi læra. Þau læra að lesa, skrifa, reikna og um kristni!

[Mofi, 29.11.2011 kl. 17:24]

Matthías, ég er að byggja þessa skoðun mína á minni persónulega reynslu úr skólakerfinu og síðan samtölum við fólk. Kannski er þetta ekki rétt metið hjá mér en hafðu í huga að frá mínum bæjardyrum séð er sú kristni sem þjóðkirkjan kennir ekki alvöru kristni heldur blanda af heiðni og grænsápu; hið síðar nefnda eitthvað sem þið hjá Vantrú eruð duglegir að benda á.

[Sigurður M Grétarsson, 29.11.2011 kl. 21:30]

Mofi. Það er ekki verið að banna að skólabörn fái að upplifa kirkjuna eins og hún er. Það má gera allt í skólaheimsóknum barna þar með talið að fara með faðirvorið. Það eina sem er bannað er að skikka þau eða hvetja til að taka þátt í athöfninni.

Linda. Þú vilt sem sagt að börnin þín lifi í fáfræði um Islam og séu jafvel full af þeim fordómum sem ganga um þau trúarbrögð í þjóðfélaginu. Þú villt jafnvel að þau séu uppfull af þeim fordómum og rangfærslum um Islam sem borin er á borð á trúarsjónvarpsstöðinni Omega?

[Mofi, 29.11.2011 kl. 21:56]

Sigurður, takk fyrir þá leiðréttingu, þetta kom ekki fram í fréttinni.