Setti hann heilt land á hausinn?

Það væri gaman að vita hvort að forseti Íslands hefur svona vald. Ef einhver veit það þá væri gaman að heyra í honum. Það er auðvitað ekki hægt að segja að einhver einn ráðherra ber ábyrgð á því að Ísland fór á hausinn en þegar allt fer í steik þá eru það þeir sem áttu að stjórna, þeir sem bera ábyrgð. Þessi fjármálaráðherra Suður Kóreu bar örugglega ekki ábyrgð á jafn miklum hörmungum og þeir ráðamenn sem sitja núna við völd svo af hverju fá þeir ekki uppsagnarbréf eins og þessi maður?

Umheimurinn hefur misst allt álit á okkar litla landi og eins og er þá erum við ekki að gera neitt til að laga þetta bagarlega ástand. Við leyfum þeim sem settu okkur á hausinn að halda áfram að fá lán ofan á lán til að gera Guð má vita hvað; kæmi mér ekki á óvart ef það væri til að kaupa gröfu til að grafa okkur algjörlega niður í skítinn.

Þessir mótmælafundir eru svo sem fínir en ég er ekki að sjá að þeir eru að gera það að verkum að það verða kosningar.  Einhverjar hugmyndir um hvað á að gera til að knýja fram kosningar? 

Undirskriftalistar kannski? 

Ég hef lítið vit á pólitík en ég veit fyrir víst að við þurfum breytingar! 

Ráðherra rekinn

Athugasemdir

[Mofi, 19.1.2009 kl. 16:04]

Last þetta eitthvað vitlaust Dóra :)   Hann rak ráðherra til að auka traust á ríkisstjórninni.

[Mofi, 19.1.2009 kl. 16:56]

Kannski er þá málið fyrir okkur sem viljum kosningar að búa til undirskriftarlista og afhenda forsetanum og athuga hvort hann hlustar á okkur. 

[Arnar Geir Kárason (IP-tala skráð) 19.1.2009 kl. 17:17]

Mig minnir að það sé aðeins forsætisráðherra einn sem hefur vald til að boða til alþingiskosninga

[sth (IP-tala skráð) 19.1.2009 kl. 18:45]

Nei ekki rétt hjá þér Arnar, forseti getur rofið þing við sérstakar aðstæður.