Tilraunir sýna að setlögin eru ekki miljónir ára

Hérna er farið yfir hvernig gögnin sýna að mismunandi setlög jarðarinnar, Eocene, Cretaceous, Jurassic og öll þessi setlög mynduðust ekki eitt lag í einu yfir miljónir ára.

Athugasemdir

[Brynjólfur Þorvarðsson, 9.10.2013 kl. 11:56]

Mofi, ég er að horfa á þetta myndband og við c.a. 20 mínútur missir hann alveg þráðinn. Hann sýnir hvernig þrjú lög myndast ofan á hvort öðru á mismunandi tímum (fyrst við hraðan straum, síðan við hægan straum, síðan við hraðan straum) og heldur því svo fram að öll þrjú lögin vaxi samtímis! Greinilega algjörlega rangt.

Höfundur sýnir aftur og aftur teikningu sem sýnir þrjú setlög vaxa jafnt og samtímis til hægri, en hann sýnir það alls ekki gerast í tilrauninni né skýrir hvaða kraftar geti búið til slíka lagskiptingu til hliðar. Ef þú sérð það ekki sjálfur, horfðu þá aftur á myndbandið og reyndu að finna upptöku af tilraun sem sýnir þrjú lög myndast samtímis til hægri.

Það er einfaldlega ekki hægt (og hann sýnir það heldur ekki gerast) að þrjú mismunandi lög vaxi samtímis til hliðar. Eitt lag í einu getur vaxið til hliðar, en ekki tvö ólík lög.

Annars er ekkert nýtt í þessu, það er vel vitað (og kennt t.d. í MR á 7. áratugnum) að straumborinn sandur leggst í hallandi lög við brún framburðarhjalla.

Það breytir því ekki að það gildir alltaf (líka hjá þessum blessaða manni) að lag sem liggur undir öðru lagi myndast fyrr en það sem liggur ofaná. Forsendur setlagafræðinnar standast algjörlega þrátt fyrir það sem aumingja maðurinn segir.

Langmest af setlögum jarðar eru mynduð af leirlögum og kalksteini, hvorugt er lagt niður í straumvatni og myndbandið hefur því ekkert um það að segja.

Allir með jarfræðiþekkingu vita að sandur er yfirleitt lagður niður í straumvatni þar sem það flæðir fram af setlagahjalla (t.d. svokölluð deltu), þess vegna leggjast sandlög oft í halla en ekki lárétt. En slík lög eru óstöðug og vilja skríða fram, oft með miklum neðansjávar jarðskriðum.

Þegar brún setlagahjalla hrynur niður með þessum hætti (t.d. við landgrunnsbrún) blandast sandurinn og streymir fram á jafnsléttu neðan brúnarinnar.

Allt í allt segir þetta myndband alls ekki það sem þú ýjar að í titli, og höfundur virðist ekki sjálfur sjá hvað hann ruglar saman hlutum (eins og áður sagði, uppúr 20. mínútu).

Allir sköpunarsinnar ættu að huga að því hvernig þeir geti skýrt Siccar point misfelluna, en það var þar sem nútíma jarðfræði leit dagsins ljós.

Undir misfellunni eru lóðrétt lög af leirblönduðum sandi. Myndun þessara laga hafa verið skýrð með því að setlagahjallar við landgrunnsbrún hrynji niður og blandi saman kornastærðum (frá leir til stærri sandkorna) sem síðan leggst á sjávarbotn. Þetta hefur verið staðfest með borunum undan landgrunnsbrúnum - nema lögin myndast lárétt, en eru lóðrétt undir misfellunni.

Yfir misfellunni er sandsteinn sem hefur myndast með hefðbundnari hætti, á svæði sem hefur ýmist verið undir vatni eða þurrt að mestu eða öllu (sjávarset neðst, síðan skiptist á vindborinn sandur, vatnaset og árset).

Þessi misfella er ein af mörgum sem finnast víðs vegar um allan heim. Það er auðvitað ljóst að það sem liggur undir misfellunni er eldra en það sem liggur yfir (allt öðruvísi efnasamsetning, t.d., og sú staðreynd að lögin liggja neðar!). Einnig að engir þekktir kraftar geta lagt lóðrétt lög. Loks að núvrandi yfirborð neðra lagsins (þ.e.a.s. það yfirborð sem yngra lagið leggst á) sem er að mestu slétt hlýtur að hafa veðrast talsvert áður en efra lagið tók að leggjast.

[Brynjólfur Þorvarðsson, 9.10.2013 kl. 11:57]

Annars er fyndið hvað maður með jafn tilgerðarlegan breskan hreim skuli þurfa að enda myndbandið með árás á sósíalisma og Demókrataflokkinn!

[Mofi, 11.10.2013 kl. 12:00]

Brynjólfur
Mofi, ég er að horfa á þetta myndband og við c.a. 20 mínútur missir hann alveg þráðinn. Hann sýnir hvernig þrjú lög myndast ofan á hvort öðru á mismunandi tímum (fyrst við hraðan straum, síðan við hægan straum, síðan við hraðan straum) og heldur því svo fram að öll þrjú lögin vaxi samtímis! Greinilega algjörlega rangt.

Hann er einfaldlega að lýsa hvað gerðist í tilraununum. Hérna er fjallað um þessar tilraunir: http://www.icr.org/article/473/

Síðan frá 16-18 sést þetta alveg ágætlega. Ég samt sendi einum vísindamanni sem er inn í þessu þar sem ég spurði hann hvort hann vissi um gott myndband sem sýnir þetta betur.

Brynjólfur
Það breytir því ekki að það gildir alltaf (líka hjá þessum blessaða manni) að lag sem liggur undir öðru lagi myndast fyrr en það sem liggur ofaná. Forsendur setlagafræðinnar standast algjörlega þrátt fyrir það sem aumingja maðurinn segir

Það var frekar ýtrekað sýnt hvernig lítil lög voru að myndast á sama tíma vegna þess að stærð steinana eða kornanna var að sortera sig í straumnum.  

Brynjólfur
Langmest af setlögum jarðar eru mynduð af leirlögum og kalksteini, hvorugt er lagt niður í straumvatni og myndbandið hefur því ekkert um það að segja.

Hvernig veistu það? 

Brynjólfur
Allir sköpunarsinnar ættu að huga að því hvernig þeir geti skýrt Siccar point misfelluna, en það var þar sem nútíma jarðfræði leit dagsins ljós.

Ég tel að við höfum mjög góða útskýringu á Siccar point og hvernig það styður synda flóðið betur en miljónir ára, sjá: http://biblicalgeology.net/Geological-Histories/Icon-Unmasked.html

Smá spurning varðandi Siccar point, er ekki skrítið að strúkturarnir í neðsta laginu í Siccar point eru fullkomnlega varðveittir?  Myndi ekki jarðvegsmyndun eyða þessum viðkvæma setmynstri ef það væri langur tími milli rofs og upphleðslu setlagsins?

Brynjólfur
Annars er fyndið hvað maður með jafn tilgerðarlegan breskan hreim skuli þurfa að enda myndbandið með árás á sósíalisma og Demókrataflokkinn!

Mér finnst alltaf pirrandi þegar menn eru að blanda trú og pólitík í svona umræðu; helst að halda sig við fræðin og láta annað í friði.

[Mofi, 12.10.2013 kl. 09:38]

Hérna er grein sem fer ýtarlega yfir svona tilraunir: Experiments on lamination of sediments   myndir og allt :)