Frá guðleysi til kristni - Saga Richard Morgans

Frá guðleysingja til kristins, saga Richard Morgan og hvernig hann fór guðleysi til kristni. Ég persónulega hefði viljað sjá að staðreyndir spiluðu aðal hlutverkið í þessari breytingu en það voru aðalega tilfinningar sem létu Richard Morgan skipta um skoðun. Ég er smá saman að sætta mig við það stóra hlutverk sem tilfinningar virðast spila í hvað mótar afstöðu fólks. 

Richard Morgan: From Atheist & Card-Carrying Richard Dawkins Fan to Born-Again Christian from Cosmic Fingerprints on Vimeo.

Athugasemdir

[Óli Jón, 2.10.2011 kl. 19:20]

Þetta er afar ánægjulegt að sjá! Þarna er fullorðinn einstaklingur sem tekur sjálfstæða og upplýsta ákvörðun um að verða handgenginn Guði. Ég tek ofan fyrir þessum náunga og fagna þessari ákvörðun hans. Staðfesta hans er sannarlega lofsverð!

Mikið væri nú gaman ef lítil börn í leik- og grunnskólum hér heima fengu sama tækifæri til þess að taka sjálfstæða ákvörðun fyrir sig þegar þau hafa aldur til. Nei, þess í stað er sótt að þeim úr öllum áttum og þeim talin trú um að einn Guð sé betri en annar og að trú sé betri en Guðleysi.

En kannski er það bara það sem þarf í þessu tilfelli? Hver veit?

[Mofi, 2.10.2011 kl. 20:27]

Óli Jón, miðað við hve algjör fáfræði er um kristni meðal ungsfólks þá virðist allt trúboð og fræðsla vera langt fyrir neðan frostmark. Ég er samt alveg sammála þér að það á hið opinbera eða einhver trúfélög eiga ekki að vera að fara inn á leik- og grunnskóla til að boða til barna. Foreldrar eiga að sjá um þetta.

[Tómas, 4.10.2011 kl. 20:17]

Mofi:
Ég persónulega hefði viljað sjá að staðreyndir spiluðu aðal hlutverkið í þessari breytingu en það voru aðalega tilfinningar sem létu Richard Morgan skipta um skoðun. Ég er smá saman að sætta mig við það stóra hlutverk sem tilfinningar virðast spila í hvað mótar afstöðu fólks.

Nákvæmlega. Daginn sem staðreyndir breyta trúlausum í kristinn, þá mun ég sömuleiðis verða kristinn. Allar sögur sem maður heyrir af eru persónulegar stögur.

Saga Morgans snýst um að hann hafi fengið þá flugu í höfuðið að guð elskaði sig. Það er náttúrulega gott og vel, ef honum líður vel með það, en það gerir afskaplega lítið fyrir mig.

Nema segja mér frá tröllunum sem vaða uppi á spjallsíðum richarddawkins.net - en tröllaskapur fyrirfinnst á hvaða netmiðli sem er sem býður upp á nafnleysi.

Hvað fáfræði um kristni varðar, þá bendi ég á að fáfræði um þúsundir önnur trúarbrögð virðast ekki hafa slæm áhrif á fólk. Reyndar held ég að ef fleiri Kristnir (þá hagstofukrisnir kannski, svo ég noti nýyrðin) læsu biblíuna, spjaldana á milli, þá myndu þeir snúast frá trú :) En það er nú bara mín skoðun.