Eru guðleysingjar fróðastir um Biblíuna?

Ég segi hiklaust nei. En, það er ekki hægt að neita því að það er mjög algengt meðal þeirra sem kalla sig kristna að þeir lesi Biblíuna afar sjaldan. Svo þannig geta margir flokkað sig sem kristna en síðan vita afskaplega lítið um hvað Biblían kennir.

Viðhorf einstaklings sem hefuð öðlast lifandi trú gagnvart Biblíunni er löngun til að vita meira um hana því í gegnum orð Guðs getur þú kynnst Guði betur. Þeir sem leita inn á við, kynnast aðeins sjálfum sér betur og því miður halda sumir að það sem þeir kynntust er Guð.

Svekkjandi að sjá ekki aðventista þarna á listanum en í gegnum árin þá voru aðventistar þekktir fyrir að þekkja Biblíuna einstaklega vel en þetta er ekki jafn gott í dag því miður.

Það kemur mér aftur á móti ekki á óvart að svona könnun skuli leiða í ljós að guðleysingjar eru fróðastir um þessa hluti af almenningi. Þeir hafa oftar en ekki leitað og kynnt sér þessi mál á meðan hinn venjulegi þjóðkirkju meðlimur hefur ekkert hugsað út í þessi mál. Það er samt sorglegt að lesa Biblíu "útskýringar" guðleysingja eins og maður sér þær t.d. hérna: http://skepticsannotatedbible.com/   Maður sér ákveðinn vilja til að misskilja eða löngun til að láta Biblíuna líta illa út. Allt of lítið hjá þeim að reyna að skilja hvað höfundurinn er að meina.

Trúleysingjar fróðastir um Biblíuna

Athugasemdir

[Alexander Steinarsson Söebech, 30.9.2010 kl. 12:21]

"Trúleysingjar fróðastir um biblíuna"

 Vissulega er margt til í því að margir kristnir eru ekki að lesa biblíuna eins og þeir ættu að vera að gera. En hinsvegar þá rangtúlka trúleysingjarnir biblíuna og fá ekki réttan skilning á henni. YHWH er sá sem gefur fólki visku til að skilja hvað stendur í ritningunni. Mig langar að benda hér á eitt gott vers sem mér finnst svara þessari frétt mjög vel:

^{1Kor 2:14 "}Maðurinn án anda veitir ekki viðtöku því, sem Guðs anda er, því að honum er það heimska og hann getur ekki skilið það, af því að það dæmist andlega."

[Hjalti Rúnar Ómarsson, 30.9.2010 kl. 12:48]

Það er samt sorglegt að lesa Biblíu "útskýringar" guðleysingja eins og maður sér þær t.d. hérna: http://skepticsannotatedbible.com/ Maður sér ákveðinn vilja til að misskilja eða löngun til að láta Biblíuna líta illa út. Allt of lítið hjá þeim að reyna að skilja hvað höfundurinn er að meina.

Á þessari síðu er bara verið að benda á ljótu staðina, mistökin og bullið sem að trúaðir vilja ekki viðurkenna. Þarna er meira að segja flokkur sem heitir "Good stuff", hvar sér maður aðventista viðurkenna að sumir staðir í biblíunni séu ljótir? Hvergi. Annar hópurinn virðist ekki geta sætt sig við biblíuna eins og hún er.

[Mofi, 30.9.2010 kl. 13:24]

Alexander, akkúrat.

Hjalti, við erum bara ekki sammála um að þarna er bull og mistök. Þú finnur alveg nóg af aðventistum sem finnast margir staðir í Biblíunni ljótir. Mér finnst margt sem Biblían lýsir ljótt en hún verður ekki ljót af því að lýsa hinu illa.

[Hjalti Rúnar Ómarsson, 30.9.2010 kl. 13:34]

Hjalti, við erum bara ekki sammála um að þarna er bull og mistök. 

Auðvitað ekki, þú neitar að viðurkenna það. 

Mér finnst margt sem Biblían lýsir ljótt en hún verður ekki ljót af því að lýsa hinu illa.

Mofi, ég var ekki að tala um það. Það er ljótur boðskapur þarna. 

[Mofi, 30.9.2010 kl. 13:44]

Hjalti, ósammála :)   Ekki að þetta er mín skoðun og ég neita að viðurkenna hana.

Hjalti
Mofi, ég var ekki að tala um það. Það er ljótur boðskapur þarna

Hvaða boðskapur í Biblíunni finnst þér ljótur?

[Styrmir Reynisson, 30.9.2010 kl. 13:47]

Það er auðvitað átt við með niðurstöðum rannsóknarinnar að að meðaltali hafi trúleysingjar svarað fleiri spurningum rétt en aðrir um hvað stendur í biblíunni.

Það þýðir bara það. Að þegar spurt var. hvað segir biblían um X þá var það tölfræðilega líklegra að trúleysingi svaraði rétt en aðrir. Það þýðir hvorki að allir trúleysingjar viti meira en aðrir eða að t.d. allir kristnir viti minna en allir trúleysingjar. Þetta er tölfræði svo þetta snýst um meðaltal.

[Mofi, 30.9.2010 kl. 14:00]

Góður punktur Styrmir...

[Andri (IP-tala skráð) 30.9.2010 kl. 14:49]

Ég man eftir einum vinnufélaga mínum sem ég spurði hvort væri kristinn.  Hann svaraði eitthvað á þessa leið: "Tja, ég er ekki múslimi og ekki búddisti  og ekki neitt annað, þannig að já ég er kristinn."

Ég skil niðurstöður þessarar rannsóknar vel ef það eru mörg dæmi um svona "kristið" fólk sem segist bara vera kristið af því það er ekki neitt annað.

Svo er líka spurning hvernig er spurt í þessum könnunum.  Hvort það sé verið að spyrja um guðfræðina eða nákvæmar staðreyndir eins og hvað einhverjar borgir og fólk heita.

[Mofi, 30.9.2010 kl. 15:01]

Andri, jebb... fyrir þá sem eru forvitnir þá er hægt að lesa spurningarnar hérna, sjá: http://pewforum.org/Other-Beliefs-and-Practices/U-S-Religious-Knowledge-Survey.aspx

[CrazyGuy (IP-tala skráð) 30.9.2010 kl. 15:31]

Finnst þér það ekki böggandi Mofi þegar fólk sem kallar sig kristna og tala sig upp sem kristna hafa svo ekki nóga virðingu fyrir trúnni að lesa handritið sem trúin er byggð á..?

Ég á nú 2 vini sem telja sig vera kristna og 6 vini sem telja sig vera utan trúarfélags og allir þeir trúlausu vita meira um biblíunna heldur en þeir kristnu.

Þú hefur örugglega séð þetta en mér finnst þetta svo mikill sannleikur um flesta kristna hér á Íslandi....

To most Christians, the Bible is like a software license. Nobody actually reads it. They just scroll to the bottom and click “I agree.”

 

[Jón Ragnarsson, 30.9.2010 kl. 15:47]

Svo er líka húmor í biblíunni:

 Og Drottinn var með Júda, svo að þeir náðu undir sig fjalllendinu, en þá, sem bjuggu á sléttlendinu, fengu þeir eigi rekið burt, því að þeir höfðu járnvagna. 

 Járnvagnar: Slá við Drottni.

[Mofi, 30.9.2010 kl. 16:10]

CrazyGuy, hehe... fyndið og sorglegt. Góð samlíking þarna á ferðinni.

Jón Ragnarsson, :)

[Guðsteinn Haukur Barkarson, 30.9.2010 kl. 19:21]

Nokkrar spurningar útaf þessari "könnun" sem vel má velta fyrir sér Dóri.

1. Af hverju eru Vottar Jehóva ekki nefndir? Þeir eru afar fjölmennur hópur í BNA, og kunna biblíuna eins og páfagaukar.... enda er stór og virk heilaþvottastöð sem boðar að trúa á Mikka erkiengil.
   
   
2. Var talað við aðventista? Þið virðist vera hvað fróðust rétt eins og Vottarnir.
   
   
3. Hvar er heimildin fyrir þessu? Hvar er að finna þessar niðurstöður svart á hvítu?
   
   
4. Auðvitað vita guðleysingjar meira um trú en aðrir, þeir sem gefa sig út að þeir séu að tala gegn "hindurvitnum" verða að vera lesnir. Þetta segir sig sjálft, á meðan trúuðum nægir oft að vita um trú sína, á þessu liggur stór munur.

Annars sýnist mér á öllu að þetta hafi stigið mörgum guðleysingjum til höfuðs þessi "könnun", og hlakkar duglega í þeim vegna þessa.

[Theódór Gunnarsson, 30.9.2010 kl. 21:53]

Fyndið.  Fyrst segir Mofi þetta:

Ég segi hiklaust nei. En, það er ekki hægt að neita því að það er mjög algengt meðal þeirra sem kalla sig kristna að þeir lesi Biblíuna afar sjaldan.

Svo segir hann þetta:

Það kemur mér aftur á móti ekki á óvart að svona könnun skuli leiða í ljós að guðleysingjar eru fróðastir um þessa hluti af almenningi. Þeir hafa oftar en ekki leitað og kynnt sér þessi mál á meðan hinn venjulegi þjóðkirkju meðlimur hefur ekkert hugsað út í þessi mál.

Er þetta ekki dálítið á skjön?

[Theódór Gunnarsson, 30.9.2010 kl. 21:54]

Mofi,

Eru það einhver mistök af þinni hálfu að ég get núna gert athugasemdir hjá þér?  Þú þyrftir kanske að skoða stillingarnar þínar aftur.

[Jón Ragnarsson, 30.9.2010 kl. 23:27]

“I have heard many times that atheists know more about religion than religious people,” Mr. Silverman said. “Atheism is an effect of that knowledge, not a lack of knowledge. I gave a Bible to my daughter. That’s how you make atheists.”

[Theódór Norðkvist, 1.10.2010 kl. 01:15]

Jón Ragnarsson, miðað við þetta þá er óskiljanlegt að guðleysingjar séu að setja út á að Gídeon gefi tíu ára börnum Nýju testamenti.

[Hjalti Rúnar Ómarsson, 1.10.2010 kl. 07:49]

Hvaða boðskapur í Biblíunni finnst þér ljótur?

Hmm... til dæmis að maður átti að grýta fjölskyldumeðlimi sína ef þeir boðuðu manni aðra trú.

[Hjalti Rúnar Ómarsson, 1.10.2010 kl. 07:49]

Theódór, við erum á móti trúboði í skólum, þess vegna erum við á móti starfsemi Gídeonfélagsins.

[Svanur Gísli Þorkelsson, 1.10.2010 kl. 09:55]

Guðsteinn; Þeir sem stóðu fyrir þessari könnun kalla sig "Pew Forum on Religion & Public Life" Könnunin var gerð þannig að 32 spurningum var svarað af rúmlega 3000 manns og aðeins átta svöruðu öllum spurningum rétt. Hér getur þú reynt við 10 þessarar spurninga.

[Mofi, 1.10.2010 kl. 10:17]

Haukur
Af hverju eru Vottar Jehóva ekki nefndir? Þeir eru afar fjölmennur hópur í BNA, og kunna biblíuna eins og páfagaukar.... enda er stór og virk heilaþvottastöð sem boðar að trúa á Mikka erkiengil.

Mig grunar að í svona úrtaki þá geti það vel komið þannig út að alveg örfáir vottar eða aðventistar séu í úrtakinu. Fréttin segir að úrtakið hafi verið 3400 manns en það eru alveg agnarsmá prósenta af þeim fjölda sem býr í Bandaríkjunum. Held að til að svona sé eitthvað að marka þá þarf að tala við kannski 200 manns úr sérhverjum hóp.

Haukur
Var talað við aðventista? Þið virðist vera hvað fróðust rétt eins og Vottarnir.

Ég ætla nú rétt að vona að við erum fróðari :)    En við vorum ekki á listanum...

Haukur
Auðvitað vita guðleysingjar meira um trú en aðrir, þeir sem gefa sig út að þeir séu að tala gegn "hindurvitnum" verða að vera lesnir. Þetta segir sig sjálft, á meðan trúuðum nægir oft að vita um trú sína, á þessu liggur stór munur.

Mér finnst mjög eðlilegt að kristnir viti um önnur trúarbrögð líka því að annars er ekki eins og einhver hafi leitað og fundið heldur að honum hafi verið rétt eitthvað og hann meðtók það gagnrýnislaust án þess að vita hvaða aðrir möguleikar eru fyrir hendi.

[Mofi, 1.10.2010 kl. 10:20]

Theódór
Er þetta ekki dálítið á skjön?

Ég held ekki því að í svona úrtaki þá er einmitt líklegra að rekast á einhvern sem kallar sig kristinn en síðan les ekkert Biblíuna. Margir kristnir sem ég þekki lesa Biblíuna í gegn á hverju ári eða lesa hana daglega. Það þarf enginn að segja mér að þeir eru margfallt fróðari um hana en hinn venjulegi guðleysingi.

Theódór
Eru það einhver mistök af þinni hálfu að ég get núna gert athugasemdir hjá þér?  Þú þyrftir kanske að skoða stillingarnar þínar aftur.

Mig minnir að þú hafir beðið mig um þetta og ég ákvað að það væri gott mál.

[Mofi, 1.10.2010 kl. 10:23]

Hjalti
Hmm... til dæmis að maður átti að grýta fjölskyldumeðlimi sína ef þeir boðuðu manni aðra trú.

Já, ég get vel skilið að refsilöggjöf fyrir Ísrael lítur út fyrir að vera grimm í þínum augum. Hún endurspeglaði það sem á að gera á dómsdegi og án efa finnst þér það sem þar á að gerast líka mjög grimmt.  Þegar kom að Ísrael þá var höfnun á lögum Guðs höfnun á Guði sjálfum og á dómsdegi yrði það eilíf glötun en í Ísrael til forna þá kom sá sami dómur fram í þeirra dómskerfi.

[Mofi, 1.10.2010 kl. 10:25]

Hjalti
Theódór, við erum á móti trúboði í skólum, þess vegna erum við á móti starfsemi Gídeonfélagsins.

Allir ættu að lesa Biblíuna því að menning stór hluta heimsins mótaðist af henni. Að þekkja ekki hvað stendur í henni er fáfræði. Að gefa bækur Dawkins væri aftur á móti að mínu mati meira trúboð en að gefa Biblíuna.

[Svanur Gísli Þorkelsson, 1.10.2010 kl. 10:40]

Mofi.

Ef þú villt meina að fólk sem kallar sig kristið sé í raun og veru ekki kristið, hvað er það þá?

Kannski er það í raun guðleysingjar, eða hvað?

Ef slíkt fólk eru guðleysingjar, ætti fyrirsögnin þá ekki að vera; "Guðleysingjar vita minna um..." eða hvað :)

[Mofi, 1.10.2010 kl. 11:11]

Svanur, það er ekki að mínu mati það sem mætti kalla "frelsað" eða endurfætt. Það kannski trúir eitthvað af því sem það heldur að kristni kennir en hefur litla þekkingu á því.  Ég held ekki að það fólk er guðleysingjar því að flestir af þeim trúa að Guð er til en þetta bara skiptir litlu sem engu máli í þeirra daglega lífi.   Ég læt fyrirsögnina vera í bili en ég skil hvert þú ert að fara :)

[Elín Árnadóttir (IP-tala skráð) 1.10.2010 kl. 16:08]

Segir þessi könnun okkur ekki að ef "almennur" borgari kynnir sér biblíuna sé líklegra að hann segist vera trúlaus en almenni borgarinn sem kynnir sér hana ekki.. en segist vera kristinn án þess að vita nákvæmlega hvað í því felst?

Semsagt... ef venjulegur maður sem ekki hefur verið "heilaþvegin" í æsku til að trúa tekur upp biblíuna og kynnir sér hana þá sé líklegra að hann samþykki hana ekki

Á meðan venjulegi maðurinn sem ekki hlaut neitt sérstakt kristilegt uppeldi annað en þetta hefðbundna kynnir sér hana ekki þá sé hann líklegri til að segja bara "já, ætli ég sé ekki kristinn - eins og hinir"

[Mofi, 1.10.2010 kl. 16:09]

Elín Árnadóttir, af hverju heldur þú að heilaþvotturinn gildi aðeins til trúar á Guð en ekki til guðleysis?

[Elín Árnadóttir (IP-tala skráð) 1.10.2010 kl. 17:41]

Hvað kemur það því sem ég var að segja við?

Og já, það er tvennt ólíkt að fá einhvern til að trúa einhverju og að gera það ekki...

[Mofi, 4.10.2010 kl. 09:42]

Elín, allir trúa einhverju varðandi stóru spurningar lífsins, hvort sem það er kristni, guðleysi eða hindúismi.