Hvað heilbrigð skynsemi segir okkur um ólíklega atburði

Oft tölum við um ótrúlega heppni um atburði sem voru í rauninni þannig að einhver lagði mikið á sig til að koma í veg fyrir hörmungar. Stundum er eitthvað svo ólíklegt að það þykir kraftaverk að ekki fór verr. Hvernig getum við vitað að um tilviljun eða heppni hafi verið að ræða? Ein leið þó ófullkomin er, því ólíklegri sem atburðurinn er því líklegra er að ekki sé um tilviljun að ræða. Ef t.d. starfsmaður Lottó vinnur tíu sinnum í röð fyrsta vinning þá held að við þyrftum ekki nein sönnunargögn til að sakfella önnur en að þetta er of ólíklegt til að geta verið tilviljun.

Þegar kemur að sólmyrkva þá út frá guðleysi þá getur líf kviknað á jörðinni án þess það þurfi sólmyrkva. Mannkynið gæti þróast ásamt öllum þeim dýrum sem lifa hér án þess að þurfa sólmyrkva.  Svo hvers konar fáránleg tilviljun er það, að eina plánetan í sólkerfinu sem hefur fullkomin sólmyrkva skuli vera sú sem er með verur sem geta dáðst að honum?

Þetta er aðeins ein af svo ótrúlega mörgum atriðum sem lætur mig álykta að okkar jörð og sólkerfi myndaðist ekki fyrir aðeins tilviljun. Fyrir neðan er mynd sem fjallar akkúrat um þessi atriði og hvað þau segja okkur.

 

Milljónir fylgdust með almyrkva

Ástæðan fyrir því að við munum aldrei velja besta frambjóðendann

Baráttan til að verða næsti leiðtogi Bandaríkjanna snýst að mjög miklu leiti um hver er besti ræðumaðurinn, hver er besti skemmtikrafturinn og hver er besti leikarinn. Það er áhugavert að leiðtoginn sem Guð valdi til að leiða Ísrael út úr Egyptalandi var svo lélegur ræðumaður að hann hreinlega neitaði Guði þegar kom að því að tala. Guð varð hreilega reiður og sagði að þá myndi Aron, bróðir Móses vera sá sem myndi tala en Móses yrði samt leiðtoginn. 

Ég hef svo sem ekki neina lausn á þessu, vegna sjónvarpsins þá viljum við sjá og heyra í frambjóðendum og við munum velja þann sem er mælskur, er skemmtilegur og talar tungumál sem við skiljum. Góður leiðtogi er gáfaður, auðmjúkur, heiðarlegur og vill það sem er best fyrir fólkið í landinu. Ég held að Bandaríkin áttu möguleika að kjósa slíkan einstakling en tóku ekki það tækifæri.

Nauðsynlegt eldsneyti fyrir Sanders