Er hægt að nota Gamla Testamentið til að réttlæta kynlífsánauð?

Ég er mjög forvitinn að vita hvaða vers í Gamla Testamentinu Rob Johnson á að hafa notað til að réttlæta svona viðurstyggilegan glæp.  Það kemur mörgum á óvart að þegar Jesús segir að elska náungan eins og sjálfan sig þá er Hann að vitna í Gamla Testamentið. Einn af frægari rabbínum gyðinga, maður að nafni Hillel útskýrði Gamla Testamentið svona: "That which is hateful to you, do not do to your fellow. That is the whole Torah; the rest is the explanation; go and learn.".   Sem sagt, að koma fram við aðra eins og maður vill að sé komið fram við mann sjálfan er kjarninn í boðskapi Gamla Testamentisins. Því má ekki gleyma að Boðorðin Tíu eru í Gamla Testamentinu þar sem boðorðið "þú skalt ekki drýgja hór" er að finna.

Það er engin spurning í mínum augum að ef að þetta fólk hefði verið að fara eftir leiðbeiningum Gamla Testamentisins þá hefðu þau komið fram við þessa stúlku af kærleika og aldrei gert þessa hluti.

Í kynlífsánauð í fimm ár