Eru fóstureyðingar morð?

Ég fyrir mitt leiti segi já. Hvað er eiginlega hægt að kalla það annað þegar þú bútur í sundur mennska lífveru?  Ef að þú hefðir orðið fyrir fóstureyðingu, værir þú þá hér að lesa þetta?  Það er svo svakalegt að þetta skuli hafa orðið að sjálfsögðum hlut að það nær engri átt.

Mæli með að fólk kíki á þessa mynd hérna og meti þetta af einlægni.

Forsætisráðherra líkti fóstureyðingum við morð

Gott dæmi um fégræðgina

Það er hreinlega erfitt að segja þetta þar sem Eric Clapton virðist vera svo viðkunnalegur náungi en út frá greininni sem ég var að gera ( Peninga græðgi er rót alls ills )  þá er þetta dæmi um fégræðgi.

Það er skuggalegt að hugsa til þess hve mikið gott hefði verið hægt að gera fyrir svo mikið af fólki í staðinn fyrir Clapton að eignast enn annan Ferrari bíl.  Ég hefði ekki samvisku í þetta, svo mikið er víst þó ég skil vel freistinguna þegar ég horfi á myndina hérna til hægri.

Nýr Ferrari bíll Eric Clapton

Peninga græðgi er rót alls ills

Peningar eru eins og olía fyrir vél, þeir auðvelda fólki að skiptast á auðlindum eins og mat, olíu, verkfærum og vinnuframlagi. Þegar mikið er af peningum í umferð og þeim dreift með eðlilegum jöfnuði gengur samfélagið vel. Þess vegna er gífurlegt vald fólgið í því að stjórna því magni af peningum sem er í umferð. Það hjálpar mjög mikið til að skilja umræðuna um Evruna, krónuna og kanadíska dollarann með því að þekkja sögu peninga og hérna er fín mynd sem segir þá sögu The Money Masters

Það eru ekki peningar sem Biblían segir vera rót alls ills heldur græðgin í peninga og kannski frekar, græðgi almennt sem er brot á tíunda boðorðinu sem segir að maður á ekki að girnast það sem maður á ekki.

Það er búið að vera lærdómsrík reynsla fyrir mig að vera í London og týna veskinu mínu. Þar sem ég þekki nánast engan hérna og símanum mínum var stolið tveimur dögum áður þá upplifði ég mig sem alveg ótrúlega hjálparvana. Sem betur fer var ég með tvö pund í vasanum svo ég gat gengið í einhverja þrjá tíma að Victoríu stöðinni en þaðan fer strætó til bæjarins sem ég bý í og ef maður tekur þann sem fer frekar seint og kemur þar af leiðandi á áfanga stað seint um kvöldið þegar allt er lokað að þá kostar hann bara eitt pund.  En þessi upplifun að vera á stað þar sem allt er morandi í fólki og nóg er til af öllu, gnægð af mati og öllu sem hugurinn girnist en geta ekki gert neitt var mjög sterk og lærdómsrík. Fékk smá nasasjón af því hvernig það hlýtur að vera fyrir fólkið sem er þarna á götunni, situr með hundana sína við hliðina á sér og betlar peninga.

Án síma og peninga er eins og maður getur ekki neitt, getur ekki fengið sér að borða og nærri því getur ekki farið á klósettið þar sem aðeins kúnnar fá að nota klósettin sem eru á veitingastöðunum og það kostar einnig á almenningsklósettin.

Í ljósi þessa er dapurt að sjá hvernig við sóum peningum eða ætti ég að segja auðlindum í óþarfa. Sorglegt að hlusta á fólk tala um hvernig húsin þeirra og bílarnir gætu verið ennþá betri og flottari. Það sem er mest dapurt er maður sjálfur, að sjá þessa sömu græðgi í manni sjálfum.

Sem betur hefur Biblían góðar fréttir handa okkur, þrátt fyrir að vera sek um svona græðgi þá er fyrirgefning fyrir það í boði fyrir þá sem vilja. Fyrir þá sem vilja snúa við blaðinu og fá hjálp frá Guði til að vera betri manneskjur og síðan auðvitað, loforð Guðs um nýjan himinn og nýja jörð þar sem réttlæti býr þegar Jesú kemur aftur.

Opinberunarbókin 21
Og ég sá nýjan himin og nýja jörð, því að hinn fyrri himinn og hin fyrri jörð voru horfin og hafið er ekki framar til.
² Og ég sá borgina helgu, nýja Jerúsalem, stíga niður af himni frá Guði, búna sem brúði, er skartar fyrir manni sínum.
³ Og ég heyrði raust mikla frá hásætinu, er sagði: "Sjá, tjaldbúð Guðs er meðal mannanna og hann mun búa hjá þeim, og þeir munu vera fólk hans og Guð sjálfur mun vera hjá þeim, Guð þeirra.
⁴ Og hann mun þerra hvert tár af augum þeirra. Og dauðinn mun ekki framar til vera, hvorki harmur né vein né kvöl er framar til. Hið fyrra er farið."
⁵ Og sá, sem í hásætinu sat, sagði: "Sjá, ég gjöri alla hluti nýja," og hann segir: "Rita þú, því að þetta eru orðin trúu og sönnu."
⁶ Og hann sagði við mig: "Það er fram komið. Ég er Alfa og Ómega, upphafið og endirinn. Ég mun gefa þeim ókeypis, sem þyrstur er, af lind lífsins vatns.
⁷ Sá er sigrar mun erfa þetta, og ég mun vera hans Guð og hann mun vera minn sonur.

Peningar ekki rót alls ills