Darwin og fruman

Stutt brot frá myndinni Expelled sem fjallar um breytinguna frá hvernig menn á tímum Darwins héldu um frumuna og það sem við vitum núna um hana.

Minningargrein um þróunarkenninguna

Orðið "Eulogy" er vanalega notað yfir það sem fólk segir um hina látnu við jarðarför þeirra. Veit ekki hvort að Ólafur er að meina þennan titil á plötunni "Eulogy for Evolution" sem minningar grein um "þróunarkenninguna" en það má lesa þetta þannig.  Orðið sjálft þýðir lofgjörð svo kannski meinti Ólafur þetta sem lofgjörð til Þróunarkenningarinnar.   Á myspace síðunni hans þá má sjá auglýsingu um tónleika í Fríkirkjunni 18. des, kannski er það vísbending um viðhorf Ólafs sem kristins einstaklings en ég veit það ekki fyrir víst.

Ég get ekki neitað því að það er löngu kominn tími til að gera minningargrein um þessa mislukkuðu hugmynd hans Darwins sem hefur ekki gert mannkyninu eða vísindum neitt gott.  Ég svo sem býst ekki við að þessi hugmyndafræði hverfi neitt á næstunni ekki frekar en trú á álfa, mormónar eða Vísinda kirkjan. Ástæðan er sú að um er að ræða trúar afstöðu til heimsins þar sem sumir fylgjendurnir myndu frekar læsa sig inni á geðsjúkrahúsi en að samþykkja að Guð er til.

Ég fór á myspace síðuna hans Ólafs Arnalds og heyrði þar nokkur af lögum hans.  Mér fannst þessi lög vera mjög fín við fyrstu hlustun og það tel ég vera virkilega gott því vanalega þarf ég að hlusta á tónlist oftar en einu sinni til að líka vel við hana. Svo hvort sem Ólafur er þróunarsinni eða ekki þá tek ég ofan af fyrir honum, virkilega vel gert!

Eitt er alveg víst að þessi lög voru ekki gerð með neinum darwiniskum aðferðum, ekki röð af tilviljunum og náttúruval sem bjó þessa tónlist til. Enda er listinn af því sem við höfum séð tilviljanir og náttúruval búa til afskaplega lítill og aumkunarverður.

Ein af bestu plötum ársins

Iðrun í verki

Margir hafa rang hugmyndir varðandi iðrun en iðrun er ekki aðeins að sjá eftir einhverju heldur líka að bæta upp fyrir það og loforð til Guðs um að gera slíkt aldrei aftur.  Það væri magnað að hafa predikara eins og Jóhannes skírara starfandi í dag; efast um að hann væri aftur á móti vinsæll. Hérna dæmi um hvernig hann predikaði og talaði til prestanna í Ísrael og ég þori að veðja að presta stétt Íslands í dag fengi að heyra mjög svipaðan boðskap frá honum. Þeir sem bera litla virðingu fyrir boðorðum Guðs og þá sérstaklega hvíldardags boðorðinu og síðan eru á ofurlaunum þegar fólk er að missa vinnuna og heimili sín. 

Matteusarguðspjall 5
⁴Jóhannes bar klæði úr úlfaldahári og leðurbelti um lendar sér og hafði til matar engisprettur og villihunang. ⁵Menn streymdu til hans frá Jerúsalem, allri Júdeu og Jórdanbyggð, ⁶létu skírast af honum í ánni Jórdan og játuðu syndir sínar.

⁷Þegar hann sá, að margir farísear og saddúkear komu til skírnar, sagði hann við þá: "Þér nöðru kyn, hver kenndi yður að flýja komandi reiði? ⁸Berið þá ávöxt samboðinn iðruninni!

Þessi Austurríkis þjófur hefur látið undan samviskunni sem eru frábærar fréttir. Vona samt að hann haldi ekki að með því að bæta upp fyrir þjófnaðinn að hann hætti að vera sekur sem þjófur. Vona að hann hafi áttað sig á því að hann þurfti að iðrast og biðja Guð fyrirgefningar. Þótt að hann hafi bætt upp fyrir þennan þjófnað þá verður hann samt fundinn sekur sem þjófur á dómsdegi án fórnar Krists svo vonandi fer hann í auðmýkt til Guðs og biður um það réttlæti sem Kristur bíður öllum sem trúa á Hann.

Þjófur býðst til að greiða skaðabætur 25 árum síðar