William Craig svarar hvort Guð sé gild útskýring

Hérna svarar William Lane Craig einum einstaklingi varðandi hvort hægt sé að sanna ekki tilvist einhvers og hvort að svarið að Guð orsakaði eitthvað eins og alheiminn eða lífið auki við okkar þekkingu. 

Varúðar orð Biblíunnar við áfengi

Hver getur virkilega sagt að hans líf sé betra vegna áfengis?  Hver getur sagt að eitthvað samfélag sé betra vegna áfengis neyslu?  Hérna eru nokkur dæmi um varnarorð Biblíunnar um áfengi:

Orðskviðirnir 20:1
Vínið er spottari, sterkur drykkur glaumsamur, og hver sá, er drukkinn reikar, er óvitur.

^{Orðskviðirnir 23:20-21}
Ver þú ekki með drykkjurútum, með þeim, sem hvoma í sig kjöt, því að drykkjurútar og mathákar verða snauðir, og svefnmók klæðir í tötra.

^{Orðskviðirnir 23:29-30
29} Hver æjar? hver veinar? hver á í deilum? hver kvartar? hver fær sár að þarflausu? hver rauð augu? ³⁰ Þeir sem sitja við vín fram á nætur, þeir sem koma saman til að bergja á krydduðum drykkjum.

Ég gerði grein á svipuðum nótum fyrir stuttu þar sem ég velti því fyrir mér hvað samfélag sem þekkti ekki áfengi myndi vilja fá áfengi vitandi hverjar afleiðingarnar séu, sjá: Hversu mikils virði er áfengi?

 

Tíundu hverri nauðgað rænulausri

Hversu mikils virði er áfengi?

Ímyndaðu þér samfélag þar sem enginn hefur smakkað áfengi.  Síðan kemur gestur frá fjarlægu landi og hann kemst að því að það er ekkert vín þarna, fólkið þarna drekkur ekki áfengi og hefur aldrei prófað áfengi.  Leiðtogi samfélagsins vill hitta gestinn og þeir byrja að spjalla saman. Gesturinn segir leiðtoganum frá þessum undra drykk, áfengi og hve allt er miklu skemmtilegra ef maður drekkur þennan drykk.  Leiðtoganum líst mjög vel á þetta og spyr, er eitthvað neikvætt við þennan drykk.  Það kemur sérkennilegur svipur á gestinn og hann neyðist til að viðurkenna að það eru nokkur atriði sem eru neikvæð við þennan undra drykk.  Hann nefnir að stór hluti nauðgana virðast tengjast áfengi, stór hluti af dauðsföllum í umferðinni eru tengd áfengi, stór hluti morða og ofbeldis er tengt áfengi.

Ef að þú værir leiðtogi þessa samfélags, myndir þú telja þennan kostnað vera þess virði?

40% þolenda nauðgana yngri en 18