Hið sorglega við trú gyðinga

Frá upphafi gyðinga þá hafa þeir haft musteris þjónustu þar sem fólk sem iðraðist synda sinna gátu fengið fyrirgefningu með því að færa fórn í musterinu.  En afhverju stunda gyðingar þetta ekki í dag?  Það eru aðallega tvær ástæður fyrir því. Ein er sú að musteri gyðinga var eyðilagt árið 70 e.kr. af rómverjum svo án musteris er ekki hægt að framkvæma fórnirnar. 

Öll musteris þjónustan benti til þess tíma er Guð myndi skaffa fórn sem fórnarkerfið benti til. Svo gyðingar eru að bíða eftir einhverjum til að frelsa þá þó að samkvæmt spádómum þá er tíminn löngu liðinn. Ef Jesús var ekki frelsarinn þá rættust spádómar Biblíunnar um frelsara ekki og þar með eru gyðingar sem hafna Kristi í afskaplega sorglegri stöðu.  Ég hef áður fjallað um þennan tíma spádóm um Krist, sjá: Spádómurinn um Föstudaginn Langa

Því miður er misskilningur meðal kristinna á spádómum Biblíunnar varðandi gyðinga sem hefur gert það að verkum að þeir styðja þá frekar blint í þeirra baráttu. Sumar túlkanirnar eru á þá leið að gyðingar verða að byggja aftur musterið og þá mun Antikristur koma á staðinn og út frá því verður heimsendir.  Fyrir þá sem vilja kynna sér skilning Aðventista á þessu þá geta þeir hlustað á fyrirlestur um þetta mál, sjá: http://www.hopevideo.com/david_asscherick.htm  / sá sem fjallar sérstaklega um Ísrael er fyrirlesturinn Who is Israel

Hérna fjallar Jesaja í Gamla Testamentinu um það sem musteris þjónustan fjallar um átta hundruð árum fyrir Krists:

Jesaja 53
¹Hver trúði því sem oss var boðað
og hverjum opinberaðist armleggur Drottins?
²Hann óx upp eins og viðarteinungur fyrir augliti Drottins,
eins og rótarkvistur úr þurri jörð.
Hann var hvorki fagur né glæsilegur ásýndum
né álitlegur svo að oss fyndist til um hann.
³Hann var fyrirlitinn og menn forðuðust hann,
harmkvælamaður og kunnugur þjáningum,
líkur manni sem menn byrgja augu sín fyrir, 
fyrirlitinn og vér mátum hann einskis.
⁴En vorar þjáningar voru það sem hann bar
og vor harmkvæli er hann á sig lagði.
Vér álitum honum refsað,
hann sleginn og niðurlægðan af Guði.
⁵En hann var særður vegna vorra synda,
kraminn vegna vorra misgjörða.
Honum var refsað svo að vér fengjum frið
og fyrir benjar hans urðum vér heilbrigðir.
⁶Vér fórum allir villir vegar sem sauðir,
héldum hver sína leið
en Drottinn lét synd vor allra
koma niður á honum.
⁷Hann var hart leikinn og þjáður
en lauk eigi upp munni sínum
fremur en lamb sem leitt er til slátrunar
eða sauður sem þegir fyrir þeim er rýja hann,
hann lauk eigi upp munni sínum.
⁸Hann var fjötraður, dæmdur og leiddur burt
en hver hugsaði um afdrif hans
þegar hann var hrifinn burt af landi lifenda?
Vegna syndar míns lýðs var honum refsað.
⁹Menn bjuggu honum gröf meðal guðlausra,
legstað meðal ríkra
þótt hann hefði ekki framið ranglæti
og svik væru ekki í munni hans.
¹⁰En Drottni þóknaðist að kremja hann og þjaka.
Þar sem hann færði líf sitt að sektarfórn
fær hann að sjá niðja sína og lifa langa ævi
og vegna hans nær vilji Drottins fram að ganga.
¹¹Að þjáningum sínum loknum mun hann sjá ljós
og seðjast af þekkingu sinni.
Þjónn minn mun réttlæta marga
því að hann bar syndir þeirra.

Lohan gerist gyðingur

Athugasemdir

[Vilhjálmur Örn Vilhjálmsson, 13.8.2008 kl. 12:35]

Mikið er þér nú niðri fyrir Mofi, ef ekki undir fyrir. Takið þið bara Messías líka, gyðingum er alveg sama.

Strax þegar þú skrifaðir um þetta, hringdi aðvörunarkerfið mitt. Ég tek þitt sérfræðingsálit alvarlega og tel nú öruggast fyrir Lohan litlu, sem ég hef aldrei lesið um eða séð fyrr en ég sé þig vasast um gyðinga út af henni, að ná sér í almennilega sjöunda dags Aðventistalessu í stað þessarar gyðingakynvillikonu sem ekki viðurkennir Messíasinn eins og þú vilt hafa hann.

[Mofi, 13.8.2008 kl. 12:45]

Vilhjálmur, þú hefur einstaka hæfileika til að tjá þig án þess að neitt efnislegt komi frá þér. Ekkert nema háð án þess að koma með mótrök gegn greininni eða rök fyrir...hvaða málstað það er sem þú vilt verja.

[Vilhjálmur Örn Vilhjálmsson, 13.8.2008 kl. 13:09]

Með allri virðingu Halldór Magnússon, þá varst það þú sem bloggaðir um "hið sorglega við trú gyðinga" við blaðursfrétt um trúarlegar samfarir Lohans og Samönthu kveikjara.

Ef það er ekki hæfileiki til að tjá sig um eitthvað sem ekki kemur efninu við, þá veit ég ekki hvað það er.

Það sem þú skrifar er líka út í hött og telst á mínu heimili til fordóms, sem byrjar á g.  Það er orðið mjög greinilegt, Halldór, að þú "styður ekki gyðinga frekar blint í baráttu þeirra", eins og og þú segir að aðrir kristnir geri. En hvaða "baráttu" ertu að tala um? Samskipti Ronson við Lohan? Lítur þú ekki bara yfirleitt á gyðinga sem óvininn?

Jesúsinn ykkar sjöunda dags manna, sem sést í myndabókum ykkar og á biblíumyndunum sem þið berið ábyrgð á, er arískari en draumagermani Hitlers. Það sýnir ef til vill að þið getið ekki sætt ykkur við að Jesús var gyðingur sem þið stáluð. Þið eru því ekki Guðs útvalda fólk, því samkvæmt fyrri færslu þinni, mega þeir útvöldu ekki stela.

[Arnar, 13.8.2008 kl. 13:41]

Mófi, veistu ekki hvað þú ert að kalla yfir þig!

Það er eitt að gagnrýna 'guðleysis darwinisma' en að gagnrýna gyðinga og kalla yfir sig reiði VÖV.

[Mofi, 13.8.2008 kl. 13:53]

Vilhjálmur, svakalega er erfitt að skilja þig; hvaðan eiginlega kemur þú?

Ég styð gyðinga fyrir þeirra rétt til að lifa eins og annað fólk og rétt til að verja sig.  Auðvitað lít ég ekki á gyðinga sem óvini, hvernig eiginlega dirfistu að koma með svona ógeðfellda athugasemd?

Auðvitað var Jesú gyðingur og ég ber enga ábyrgð á því hvernig einhverjir aðventistar hafa búið til myndir að Jesú.  Ef þú last hvað þarf til að vera Guðs útvalda fólk þá ættir þú að átta þig á hvað málið snýst um.

[Mofi, 13.8.2008 kl. 13:55]

Arnar, hann Vilhjálmur kemst nú ekki með tærnar þar sem darwinisku prestarnir hafa hælana :)

[Vilhjálmur Örn Vilhjálmsson, 13.8.2008 kl. 14:05]

Þá hætti ég hér í vinsemd. Mér finnst þó engin tengsl á milli Lohan-gálunnar og þess "sorglega við trú gyðinga". Reyndu að skilja mig.

[Mofi, 13.8.2008 kl. 14:11]

Vilhjálmur, einu tenglsin eru að hún ætlar að verða gyðingur og ég get ekki neitað því að ég var bara að nota tækifærið til að fjalla um trú gyðinga eins og ég sé hana.

Með vinsemd,
Mofi

[Mofi, 13.8.2008 kl. 15:09]

Andrés, það getur varla verið svo illa statt fyrir þeim. Ég að vísu ekki enn rökrætt við gyðing um hans trú, kannski ekki margir hérna á Íslandi. Kannski ekki margir gyðingar sem virkilega trúa Gamla Testamentinu. Líta kannski frekar á sig sem þjóð með merka sögu en trúa ekki því sem stendur í Gamla Testamentinu... bara að hugsa upphátt.

[Vilhjálmur Örn Vilhjálmsson, 13.8.2008 kl. 15:13]

Trú manna er einkamál, og þeir ákveða sjálfir hvort þeir vilja ræða trú sína við aðra. Vantrúarmenn álíta að þeir geti sest upp á alla með kjaftæði sínu og brotið ákvæði stjórnakrárinnar og neitt fólk til að ræða um fordóma vantrúarinna á trúarbrögðum. En beinar árásir á trú eru hins vegar alvarlegri hlutur og getur flokkast undir brot á hegningarlögum, þegar verið er að gera lítið úr trú manna og uppruna, eins og oft gerist hér á moggablogginu. Ég vona að Andrés nái sér í sund í "gulla-gulli" sínu.

[Vilhjálmur Örn Vilhjálmsson, 13.8.2008 kl. 15:14]

Hvað mikið þekkir þú til Gyðingdóms, Halldór Magnússon? Nóg til að dæma hið sorglega í henni?

[Mofi, 13.8.2008 kl. 15:20]

Trú einstaklinga getur verið þeirra einkamál og þá ættu þeir bara að halda sig frá umræðu um trúmál því að það er ekki bannað að rökræða trúmál.  Ef það er brot á hegningarlögum að gagnrýna trú einhverra þá ætti Vantrú að vera löngu komin í steininn. Svo ég efast um að það er hægt að segja að trú sé ofar gagnrýni.

Ég tel mig þekkja ágætlega til Gyðingdóms þó að mig grunar að margir hafa mismunandi sýn á hvað Gyðingdómur er en ég miða við boðskap Gamla Testamentisins.

[Matthías Ásgeirsson, 14.8.2008 kl. 10:37]

Vantrúarmenn álíta að þeir geti sest upp á alla með kjaftæði sínu og brotið ákvæði stjórnakrárinnar og neitt fólk til að ræða um fordóma vantrúarinna á trúarbrögðum.

Vilhjálmur Örn, var ég búinn að segja þér að þú átt dálítið bágt?

[Vilhjálmur Örn Vilhjálmsson, 14.8.2008 kl. 12:45]

Matthías, þú ert illa upp alinn galgopi. Ég held að foreldrar þínir séu mér alveg sammála. Eða ertu haldinn þessum sjúkdómi, sem ég las um einu sinni, sem lýsir sér þannig að menn sem eru haldnir honum hafa óstjórnlega mikla löngun til að segja eitthvað ljótt svo aðrir sjá og heyri? Þriðji möguleikinn er, eins og sumir trúaðir geta haldið fram með góðum rökum, að í þér og þínum vantrúarvinum hafi sest einhvern orðljótur skratti, sem þið ráðið ekkert við.

[Arnar, 14.8.2008 kl. 13:52]

VÖV, mig langar bara að spyrja:

1. eru allir þeir sem eru ekki sammála þér óvinir þínir?
2. og þú virðist ofurviðkvæmur fyrir hverskonar gagnrýni á það sem þér þykir kært, td. gyðingdóm, finnst þér í lagi að hrauna yfir allt og alla sem eru ekki sammála þér með hvers kyns skítkasti og ærumeiðingum en um leið og einhver svarar þér þá ásakarðu þá um gyðingahatur?

[Vilhjálmur Örn Vilhjálmsson, 14.8.2008 kl. 15:37]

Arnar, hef ég lýst því yfir að einhver sé óvinur minn? Ekki man ég eftir því.

Ég hef hins vegar oft lent í rökræðum við menn sem ekki vilja eða geta sætt sig við að einhver styðji Ísrael. Þeir vilja ekki hætta fyrr en þeir eru búnir að "kristna" slíkt fyrirbæri. Svo er líka aftur orðið töff og í tísku að hata Ísrael og kenna gyðingum um allt sem fer miður í heiminum.

 Ásakanir þínar eru út í hött. Ég leyfi mér gjarnan að gagnrýna þá múgæsingu sem er oft í gangrýni vinstri manna á Ísrael og gyðingum, og þegar á við, að sýna fram á að gyðingahatur getur búið undir. Svör þau sem ég hef uppskorið eru oft gyðingahatur og menn sem hafa fengið mig á heilann upp á síðkastið eru freka frumstæðar verur og ég hef látið þá eina um skítkast og ærumeiðingar. Hér um daginn var ég t.d. ásakaður um barnaníð á bloggi kvikmyndagerðarmanns á ríkisstyrk.  Ritfrelsi fylgir ábyrgð, en margir telja að ef þeir opna blogg geti þeir notað það sem forarpytt sálarkrampa sinna. Matthías kemst örugglega nærri Íslandsmetinu í skítkasti og ljótu orðbragði.

Hvar í þessum athugsemdum mínum við Mofa hér á ofan "hrauna ég yfir" hann með skítkasti og ærumeiðingum. Lát heyra, eða "haltu kjafti og éttu skít", svo ég noti nú orð eins af þeim sem finnst ég vera leiðinlegur í stuðningi mínum við ríki, sem er uppáhaldsverkefni tuga hryðjuverkasamtaka sem vilja Ísrael feigt.

[Arnar, 14.8.2008 kl. 16:48]

Var meira að tala um eins og td.:

Matthías, þú ert illa upp alinn galgopi. Ég held að foreldrar þínir séu mér alveg sammála. Eða ertu haldinn þessum sjúkdómi, sem ég las um einu sinni, sem lýsir sér þannig að menn sem eru haldnir honum hafa óstjórnlega mikla löngun til að segja eitthvað ljótt svo aðrir sjá og heyri? Þriðji möguleikinn er, eins og sumir trúaðir geta haldið fram með góðum rökum, að í þér og þínum vantrúarvinum hafi sest einhvern orðljótur skratti, sem þið ráðið ekkert við.

Og svo vísa í fleirri umræður sem ég hef lesið víða á blogginu þar sem þú tekur þátt í og ert frekar stóryrtur og fljótur að grípa til uppnefninga.

[Arnar, 14.8.2008 kl. 16:51]

Btw, að vera á móti Ísraelsríki er ekki gyðingahatur.  Ísraelshatur væri betra orð yfir ef þú villt það þar sem ekki er hægt að segja að allir gyðingar séu Ísraelar.

[Matthías Ásgeirsson, 14.8.2008 kl. 17:25]

Vilhjálmur Örn, hættu bara að ljúga.