Er ofbeldi einhvern tímann hið eina kærleiksríka í stöðunni?

Ef valið er milli þess að veita fólki hjálp með valdi annars vegar, og reyna þannig að koma í veg fyrir að tugþúsundir manna deyi eða að gera ekki neitt og sætta sig við illsku þeirra sem koma í veg fyrir hjálpina, hvor leiðin er kærleiksríkari? 

  Þetta gæti virkað einföld spurning fyrir suma og mjög flókin spurning fyrir aðra. Ég flakka á milli þessara tveggja valmöguleika. 

Stundum finnst mér svarið vera augljóst, að við ættum ekki að líða að einhver komi í veg fyrir að öðru fólki er hjálpað.  Hvað myndi lögreglan gera ef það væri maður sem kæmi í veg fyrir að sjúkrabíll kæmist að slysstað þar sem mörg líf eru í húfi?  Væri sá maður ekki fjarlægður og hent í steininn og réttilega svo?

Það er ekki auðvelt að beita ofbeldi þar sem menn eru drepnir af því að þú vilt bjarga lífum en er það kannski það sem er kærleiksríkt? 

Vonandi fer þetta samt allt vel og að hjálparstarf geti hafist þarna og þessi herforingjastjórn sjái að sér og komi ekki í veg fyrir hjálparstarf.

Langar aftur að minna á hjálparstarf ADRA á þessum slóðum, hérna er hægt að gefa til þessa hjálparstarfs: 

Myanmar Cyclone Fund

 

Matvælasendingar hindraðar

Athugasemdir

[Sigurður Þórðarson, 8.5.2008 kl. 10:39]

Góð heimspekileg spurning.  Þetta er í ætt við spurningar eins og á að leyfa líknardráp eða pynta fanga þegar mikið liggur við. Við getum alltaf búið til dæmi þar sem slíkt er réttlætanlegt og þó.  Reynslan sýnir að við mennirnir erum svo ófullkomnir að við kunnum ekki að fara með slíkt vald. Bandaríkjamenn þóttust t.d. vera að "frelsa" Íraka en hver er niðurstaðan?  Pyntingar hafa aldrei verið meiri og landið er orðið gróðrarstía fyrir öfgaöfl sem ekki þekktust þar fyrir.  Sé yfirþjóðlegu valdi beitt verður það að vera gert á fjölþjóðlegum grundvelli en ekki geðþóttaákvörðun eins og mörg sorgleg dæmi sýna.

[Mofi, 8.5.2008 kl. 10:42]

Við mennirnar sannarlega virðumst klúðra svona þegar við reynum að gera svona "góðverk".  En getur maður samt sitið hjá með góða samvisku?

[Sigurður Þórðarson, 8.5.2008 kl. 11:43]

Ég skil þig mjög vel og deili áhyggjum þínum af þessu. Lækningin má samt ekki valda meiri skaða en sjúkdómurinn, þá er til lítils unnið.

[Mofi, 8.5.2008 kl. 13:42]

Sammála Sigurður... öfunda ekki þá sem standa frammi fyrir svona ákvörðunum.