Ætli Bandaríkin verði gjaldþrota?

Mér finnst þetta vera mjög sannfærandi rök frá Þórólfs og að ástandið á Íslandi er svart. Núna fáum við að sjá náttúruvalið að verki í íslensku samfélagi þar sem verður örugglega ekki svo mikið um miskunnsemi af hálfu okkar "vina" þjóða.  Ég skil vel okkar nágranna þjóðir, þeirra þegnar setja inn miljarða inn á reikninga íslenskra banka sem þeir síðan geta ekki borgað til baka.  Vonandi eru einhverjar eignir sem slá upp í þetta en þetta lítur illa út.

En hvernig er ástandið í Bandaríkjunum?  Ég er á því að við höfum góðar ástæður til að ætla að ástandið þar er hræðilegt þó það sé kannski er ekki komið á yfirborðið. Bandaríkin eru núna búin að vera í tveimur stríðum í langan tíma og almennt er þjóðin búin að vera eyða en ekki spara í langan tíma svo það getur ekki verið annað en uppskrift af hörmungum.  Gjaldþrot er kannski ekki líklegt og ég tel að Bandaríkin muni frekar grípa til vopnavalds en að sætta sig við mikið fjárhagslegt tjón.

Hérna er síða sem fer yfir fjármál og kemur með sýn á hvað er í gangi í Bandaríkjunum og gefur mjög góðar ástæður fyrir því að miklar breytingar eru yfirvofandi og að dollarinn muni falla svo um munar þegar þessar breytingar gangi í garð, sjá: http://www.chrismartenson.com/crash-course/chapter-1-three-beliefs

Vil benda á að þetta eru 20 kaflar og fyrir suma þá kannski eru sumir af köflunum eitthvað sem þeir þegar vita en nauðsynlegir fyrir fólk eins og mig sem hefur ekki kynnt sér þessa hluti almennilega.

Ástandið verra en þjóðargjaldþrot

Athugasemdir

[Mama G, 13.10.2008 kl. 18:25]

Ég er búin að vera að bíða eftir 20. kafla frá þessum gaur since God knows when. Ætli hann sé að endurvinna hann út af heimskreppunni? Bíða eftir að hún líði hjá til að geta komið með hugmyndir um það hvað fólk eigi að gera!?

[Mofi, 14.10.2008 kl. 09:34]

Erlingur, mig grunar það og það á bara eftir að koma upp á yfirborðið.

Mama G, alveg sammála!  Dáldið pirrandi en kannski varð hann að endurhugsa þetta eitthvað eftir ósköp síðustu daga.  Engin spurning að ég hefði getað sparað mikinn pening ef ég hefði fengið góð ráð fyrir mánuði síðan

[Guðmundur Ásgeirsson, 27.10.2008 kl. 00:14]

Bandaríkin eru í rauninni búin að vera gjaldþrota frá að Nixon afnam gullstaðalinn 1971, restin hefur bara verið seðlaprentun (innistöðulausar ávísanir) sem þeir hafa getað komist upp með því enginn þorir að rukka þá og þeir eru sjálfir heimsins öflugasti handrukkari hvort sem er. Núna eru hinsvegar blikur á lofti, stærsti hlutinn af uppsöfnuðum vöruskiptahalla BNA er í eigu Kínverja, og þeir sitja því á fjalli af dollurum sem brennur nú upp í verðbólgubálinu sem prentvélar bandaríska seðlabankans spýta út úr sér. Óstaðfestar fregnir herma að þolinmæði risans í austri verði brátt að þrotum komin...

[Mofi, 27.10.2008 kl. 11:24]

Bofs, þetta hljómar mjög rétt Bofs. Það er einmitt málið, hvað gera ríki heims sem eiga gífurlega auð í formi dollara þegar menn sjá að þetta er einskis virði... Hvað gerir risinn í austri og hvernig bregðast Bandaríkjamenn...

Ég trúi að þarna erum við að sjá öllu stillt upp til að spádómar Biblíunnar rætast um að Bandaríkin muni neyða heiminn til að taka upp merki dýrsins en það kannski hljómar mjög undarlega fyrir hvern þann sem hefur ekki stúderað þá hluti.