Sköpunarvísindamaður hannar nýja tækni út frá byssu sérstakrar bjöllu

Ég býst við því að ég þurfi að útskýra hvað titill þessa bloggs eiginlega þýði. 

Þekktur sköpunarsinni, prófessor að nafni McIntosh og hans "lið" hefur hannað nýja tegund af sprautu búnaði.  Menn eru að vona að tæknin geti nýst í vélum bifreiða, þá sem betri innspýtingu, í slökkvibúnaði og lyfja skömmtunarbúnaði.  Búnaðurinn sem er um 2 cm getur tekið vökva og skotið honum fjóra metra langt eða búið til örsmáa dropa þar sem hver dropi er aðeins 2 míkró metrar.

Þetta er skemmtileg viðbót við listann af uppfinningum sem sköpunarsinna hafa gert í gegnum tíðina eins mótorinn, sjónaukar, smásjár, tölvur, frystitækni og bólusetningar svo dæmi séu tekin.  Skemmtilegast er að sjá alvöru vísindamenn rannsaka handverk skaparans og læra af því og að þannig vísindi bæti líf fólks.

Grein sem fjallar ýtarlegar um þetta:http://www.epsrc.ac.uk/PressReleases/BeetlesInspireNewGeneration.htm

Og grein sem skoðar þetta í ljósi sköpun þróunar: http://creationsafaris.com/crev200710.htm#20071002a

Athugasemdir

[Mofi, 3.10.2007 kl. 14:01]

Hann fékk einkaleyfi á þessu.  Það var án nokkurs efa að sköpunarsinni fann upp hjólið en ég var ekki þar svo...

[Mofi, 3.10.2007 kl. 18:26]

Elmar: Værirðu kannski til í að rökstyðja þessa fullyrðingu aðeins betur ..... ?

mótorinn: Michael Faraday

sjónaukar: Isaac Newton ( hefði átt að nota orðið "reflecting telescope" )

tölvur: Þeir sem lögðu grunninn að tölvu tækninni voru Charles Babbage, sjá: http://www.creationsafaris.com/wgcs_3.htm#babbage  og James Clark Maxwell

frystitækni: Michael Faraday

bólusetningar  Louis Pasteur

[Mofi, 3.10.2007 kl. 18:29]

Hafþór: Halldór, finnst þér í lagi að hann fái einkaleyfi á þessu?  Það er nú ekki eins og hann hafi fundið þetta upp.

Ætti þetta ekki að vera eign mannkyns (eða guðs, kirkjan kannski??).

Það er meira eins og að innblásturinn kom frá hönnuninni sem er að finna í þessari bjöllu. Eina leiðin til þess að vísindamenn haldi áfram að rannsaka náttúruna og græða á því starfi er að þeir geta fengið einkaleyfi á því sem þeir rannsökuðu.