Hvernig á að vera guðleysingi

Dawkins sagði eitt sinn:

Richard Dawkins 
Although atheism might have been logically tenable before Darwin, Darwin made it possible to be an intellectually fulfilled atheist

Dáldið svona eins og fyrir Darwin þá leið guðleysingjum dáldið kjánalega, eins og þeir vissu að þeirra afstaða var heimskuleg. Sumir halda að Darwin bjargaði þeim, í mínum augum þá er frekar eins og Darwin blekkti þá og sjálfan sig. En já, svo hvernig á að vera guðleysingi, þessi gaur hérna fræðir okkur um það. Ég hafði gaman af þessu, guðleysingjar hafa örugglega, aðeins minna gaman af þessu.

 

Athugasemdir

[Hallvarður Jón Guðmundsson, 12.5.2016 kl. 21:39]

Eitt stykki guðleysingi hér.
Glósur sem ég tók niður við að horfa á þetta YouTube-myndband frá JP Sears:

"You're gonna need to become nothing like the close minded, under-developed religious people that you are obviously better than."
Ég tel mig ekki vera betri en þeir sem eru trúaðir, né tel ég mig vera betri en nokkur annar.

"Thou shalt not believe in anything that can't be proven."
Það er nú bara almenn skynsemi að trúa ekki hlutum án sannana. Að vísu er Sears ekki alveg að tala um það vegna þess að hann segir að maður eigi ekki að trúa á eitthvað sem ekki er hægt að sanna. Það minnir mig á það þegar ég sat á miðilsfundi í Sálarrannsóknarfélagi Reykjavíkur (það er löng saga á bak við það sem er ekki þess virði að fara út í núna), "andinn" sem var að tala í gegnum miðilinn hélt því fram að hann hefði þekkti Jesú Krist persónulega, það fyrsta sem fundarstjóranum datt í hug var að spyrja um hæð Jesú. Ekki veit ég hvaða máli það átti að skipta en þetta var greinilega hitamál hjá herra fundarstjóra. Miðillinn, tja eða "andinn", svaraði um hæl að Jesús hefði verið 1.78.
Fundarstjórinn tók þessu sem gefnu og punktaði þetta niður hjá sér og spurði miðilinn svo hvað Jesús hefði verið þungur....
Ég sver að þetta gerðist! Það er m.a.s til myndbandsupptaka af þessum fundi.
Þetta er dæmi um staðhæfingu sem er ekki hægt að sanna, þannig að ég sé enga ástæðu til að trúa henni. Né trúi ég því að einhver andi hafi verið að blaðra í gegnum þennan miðil.
Annars er ekkert sem segir að maður geti ekki verið guðleysingi ef maður trúir hlutum sem ekki hafa verið sannaðir eða geta ekki verið sannaðir. Guðleysi er bara það sem orðið lýsir, vantrú á guð/guði. Guðleysingjar geta þess vegna alveg trúað á geimverur, drauga, jólasveininn eða níu tommu Subway-bát.

"Thou shalt not have any religion."
Ekki endilega. Margir Búddistar eru guðleysingjar. Líka Jaínistar. Svo eru þeir sem aðhyllast engin skipulögð trúarbrögð en trúa á æðri máttarvöld án þess að kalla þau "Guð."
Athugasemd Sears um að án trúarbragða hafi maður ekki frjálsan vilja er ekki svaraverð. 

"Thou shalt not be dogmatically close minded."
Endurtekning á fyrsta punktinum. Ég get bara talað fyrir sjálfan mig en ég tel mig ekki standa þeim fremri sem trúa á guð. Það eru til fullt af vísindamönnum, sem eflaust eru mörg þúsund sinnum gáfaðri en ég mun nokkurn tímann verða, sem trúa á guð/guði. Þeir vísindamenn myndu sennilega taka undir með Dale, strámanns-guðleysingjanum sem Sears leikur, að vísindin geti kennt okkur hvað sé raunverulegt og hvað ekki. Eða réttara sagt, vísindamenn geti með vísindalegri aðferð dregið rökréttar ályktanir um hvað sé raunverulegt og hvað ekki. Vísindin sjálf segja ekki neitt vegna þess að þau taka ekki afstöðu. Vísindin bara eru. Eins og eldurinn sem fargar Ikea-geitinni á hverju ári. Hann bara er.

"Thou shalt believe no one knows what happens after death."
Sjálfur trúi ég því ekki að það sé líf eftir dauðann. Ég er líka alveg frekar andskoti viss um það að enginn veit hvort eitthvað taki við eftir að maður hrekkur upp af. Fólk sem heldur því fram að það viti alveg með vissu að það sé líf eftir dauðann hittir reyndar alveg á einhverja taug hjá mér. Tveir fjölskyldumeðlimir mínir létust með stuttu millibili fyrir nokkrum árum og í bæði skiptin ákvað yfirmaður minn (fundarstjórinn sem rætt var um hér að ofan) að besta leiðin til að stappa í mig stálinu væri að segja mér að "það væri nú líf eftir dauðann." Þegar ég brást við því með afar takmörkuðum áhuga þá ítrekaði hann fyrir mér að kynna mér málið almennilega. 
Í fyrsta lagi, þá veit hann alveg að ég trúi ekki á líf eftir dauðann þannig að ég kæri mig andskotann ekkert um það að hann nýti sér mitt annarlega ástand til að vera með eitthvað trúboð.
Í öðru lagi, þá veit Hr. Fundarstjóri ekkert frekar en ég eða nokkur annar hvort það sé líf eftir dauðann. Þetta er gjörsamlega innistæðulaus fullyrðing sem gerir ekkert gagn. 
En auðvitað má fólk alveg trúa því að það sé líf eftir dauðann ef það er þeirra sannfæring og það eru örugglega til guðleysingjar sem trúa á einhvers konar eftirlíf þannig að það hefur eiginlega voða lítið með guðleysi að gera. T.d. trúir Hr. Fundarstjóri ekki á Guð biblíunnar og þar af leiðandi ekki á himnaríki eða helvíti, hann trúir hinsvegar á einhvern óræðan gvuð. En það er önnur saga. Hann trúir líka á íslensku Jólasveinana.

"Thou shalt not believe in saviors and their holy books."
Eiginlega frekar spot on. Ef maður trúir ekki á guð/guði þá tekur maður væntanlega ekki mikið mark á heilögum trúarritningum. Ég hef reyndar lesið mikið í biblíunni af sjálfsprottnum áhuga. Hef líka lesið Passíusálmana.
Sú bók, eða bókaröð réttara sagt, sem hefur haft mest áhrif á mitt líf er samt myndasöguserían The Invisibles eftir Grant Morrison og fjölda teiknara. Ég bara vissi ekkert hvað ég ætti að gera við mig þegar ég var búinn með síðasta bindið.
Hef ekki lesið The God Delusion eftir Richard Dawkins í heild sinni, en mér finnst Dawkins oft mjög fínn en leiðinlegur þegar hann er í alveg brútal oldmanyellsatcloud.jpg-mode. Twitter-feedið hans er bara frekar vandræðalegt.

"Thou shalt view creationism as an insultingly childish idea."
Um daginn var ég að lesa Facebook-þráð þar sem heiftarlega var rifist um það hvort maðurinn hefði þróast eða hvort hann hafi verið skapaður. Ekkert nýtt þar svosem, fyrir utan það að í þessum þræði var guðleysingi sem hafnaði þróunarkenningunni. Man ekki orðrétt hvað hann sagði en það var einhvern veginn svona "Hvað með mann eins og mig sem trúir hvorki á Guð né þróunarkenninguna?" 
Allt er nú til.
Semsagt, í þessum töluðu orðum er verið að útskrifa svín úr flugskólanum, leigusalinn er byrjaður að hýsa hunda og ketti undir sama þaki og nú voru að koma þær fréttir að árlega Íshokkímótið verður haldið í helvíti.

"Thou shalt not believe in invisible forces influencing you."
Ég var búinn að kovera þetta, en af því að Sears minnist á Páskakanínuna þá vil ég bara ítreka þetta: Ef ósýnilega aflið sem þú trúir á er Páskakanínan en þú trúir ekki á guð/guði, þá ertu guðleysingi. Ef ósýnilega aflið sem þú trúir á er guð/guðir, þá ertu ekki guðleysingi.
Nú er kannski rétti tíminn til að taka það fram að ég trúi á Jólaköttinn.

"Thou shalt replace flimsy faith with reason."
Þetta er alveg voðalegur strámaður hjá þessum unga manni. Ég er reyndar að gera mig að algjöru fífli með því að taka þessu alvarlega og svara þessu en hey, ég hafði svosem ekkert betra við tímann að gera.
En allavega, ég hef t.d. ekki trú á því að það sé líf eftir dauðann, þrátt fyrir fullyrðingar Herra Fundarstjóra og þrátt fyrir það að hann sveifli einhverjum miðli fyrir framan mig sem fabúlerar um hæð, þyngd og líkamsrækt Jesú Krists. Ég hef ekki séð neitt sem bendir röklega til þess að það sé einhvers konar eftirlíf.
Herra Fundarstjóri er augljóslega á annarri skoðun, hann beitir samt alveg rökhyggju í sínu daglega lífi eins og við gerum öll.

"Thou shalt not believe that God is a "loving God", that is if there really was a God."
Ég trúi ekki á Guð til að byrja með þannig að mér er svosem sama um hvort hann sé vondur eða góður. Guð biblíunnar er hins vegar augljóslega snarbilaður en skánaði kannski örlítið eftir að hann fór í meðferð við skapofsa og hömlulausri kókaínfíkn eftir blóði drifna atburði Gamla Testamentsins.
Allt var þó fyrir ekki vegna þess að hann uppgötvaði undur og dásemdir ofskynjunarsveppa þegar Opinberun Jóhannesar var færð í rit. Ein skemmtilegasta bókin í Biblíunni að mínu mati.