Er kynlíf utan hjónabands synd?

Að kynlíf er aðeins í lagi ef það er innan hjónabands er ein óvinsælasta kenning kristinnar. Svo óvinsæl að margir sem flokka sig kristna kannast ekkert við hana. Þetta er nýleg breyting vegna samfélagsins enda ekki í fyrsta sinn sem samfélagið hefur áhrif á kirkjuna á meðan það er kirkjan sem á að hafa áhrif á samfélagið.  Það sem er svo erfitt við þetta er að flestir kristnir eru svo djúpt sokknir í samfélagið sem þeir búa í að megnið af þeirra upplýsingum koma frá samfélaginu en ekki Biblíunni.

Biblían er alveg skýr, kynlíf utan hjónabands er synd. Ekki beint regla sem er mér eðlislæg en ég ákveð ekki hvað er rétt og hvað er rangt. 

„Lífið er stutt, haltu framhjá“

Athugasemdir

[Egill, 18.12.2012 kl. 01:14]

gefur þér að fólki finnist "synd" vera eitthvað sem skiptir máli.

og restin af þessari færslu þinni er meira rugl en orðið synd.

eigðu góðan dag og æðisleg jól :)

[Mofi, 18.12.2012 kl. 09:54]

Egill, margir verða alveg brjálaðir þegar sagt er að samkynhneigð er synd svo ég held að staðreyndin er að þetta skiptir helling af fólki máli. Þetta er síðan eitthvað sem er fyrir kristna en ekki guðleysingja. Auðvitað ætti það ekki að skipta neinu máli fyrir guðleysingja hvað er synd og hvað er ekki synd.

[Hjalti Rúnar Ómarsson, 18.12.2012 kl. 19:29]

Ég skrifaði einmitt einu sinni grein um þetta á Vantrú (http://www.vantru.is/2012/02/23/12.00/), það væri afskaplega gaman að heyra núverandi biskup Þjóðkirkjunnar segja hvað henni finnst um þetta, því eins og þú segir þá er þetta almennt samþykkt núna, þvert á það sem kristnir menn hafa sagt frá upphafi.

[Mofi, 18.12.2012 kl. 22:57]

Fín grein hjá þér Hjalti; gaman að benda á hvernig viðhorf kirkjunnar hafa breyst í gegnum tíðina.

[Hörður Þórðarson, 19.12.2012 kl. 06:18]

Skrýtið að flokka sig sem kristinn og hundsa síðan kenningarnar. Getur verið að margir sem kalla sig kristna séu í raun eitthvað annað?

[Mofi, 19.12.2012 kl. 08:29]

Hörður, það væri í góðu samræmi við það sem Jesú fjallaði mikið um í mörgum af sínum dæmisögum. Það virðist fara framhjá ótrúlega mörgum kristnum að dæmisögurnar fjalla að mjög stórum hluta um hóp af kristnum þar sem sumir eru falskir. Það er auðvitað kærleiksrík viðvörun til okkra allra, hvatning til að skoða sjálfan í ljósi Orðs Guðs.

[Hörður Þórðarson, 19.12.2012 kl. 13:50]

Hvernig skyldi standa á því að margir vilja kalla sig kristna þegar þeir vilja síðan ekki fara eftir kenningum kristninnar? Að minnsta kosti lítur það þannig út fyrir mér. Ég get skilið fermingarbörnin sem vilja veislu og gjafir, en ég á erfiðara með að skilja fullorðið fólk sem hagar sér svona. Mér detta orð í hug eins og óheiðarleiki og hræsni.

[Mofi, 19.12.2012 kl. 13:56]

Kannastu við bókina "Prinsinn"?  Þetta er svona bók sem fjallar um pólitík og hvernig á að ná völdum og halda völdum. Ég las bók sem fjallaði um tíu verstu bækur mannkynssöguna, þ.e.a.s. bækur sem höfðu mjög slæm áhrif á samfélagið og þess bók var ein þeirra.  Ein af ráðunum sem Niccolò Machiavelli gefur í bókinni er einmitt að þykjast vera kristinn eða hvaða önnur trúarbrögð eru vinsæl á þínum tíma til að fá meiri vinsældir og trúverðugleika. Núna eru svo margir búnir að misnota þetta að segjast vera kristinn lætur fólk efast meira um þín heillindi frekar en að auka traust til þín.