Ég fatta ekki Líkar þetta takann!

Ef maður smellir á "Líkar þetta" takkann sem er tengdur t.d. þessari frétt, hvað þýðir það eiginlega?  Líkar manni að einhver nennti að skrifa um þetta? Eða að 23 ára maður var handtekinn eða að lögmaður hans heldur því fram að hann er saklaus? 

Við sumar fréttir er þessi hnappur skiljanlegri eins og t.d. fréttin um 28,5% hækkun á gjaldskrá hitaveitunnar    Nei, kannski ekki gott dæmi nema einhver virkilega gleðst yfir þessari hækkun. Sá sem gerir það þorir örugglega ekki að sýna það.

Hérna er ein frétt sem ég væri til í að smella á "Líkar þetta", sjá: 35% fullorðinna Breta sofa með bangsa   Það er eitthvað krúttlegt við þetta :)    Svo þetta getur átt við en í flestum tilfellum finnst mér þetta mjög misvísandi.

Bara einhverjar pælingar rétt fyrir svefninn, ætti auðvitað að vera að gera eitthvað annað en að lesa mbl nú þegar hvíldardagurinn er byrjaður.

Gleðilegan hvíldardag!

Neitar sök í morðmáli

Athugasemdir

[H.T. Bjarnason (IP-tala skráð) 28.8.2010 kl. 02:00]

Sammála ... þessi takki er bæði bjánalegur og merkingarlaus.  Hví er ekki "líkar ekki" takki?

[Mofi, 28.8.2010 kl. 10:24]

H.T. Bjarnason, ég er nú alveg sáttur við að það er ekki boðið upp á "líkar ekki" takka.  Hef gaman að því hvað "facebook" er jákvæður staður.

[Mofi, 28.8.2010 kl. 10:25]

Samt nokkuð augljóst að mörgum finnst að það eigi að vera slíkur takki svo kannski vantar bara samkeppni...

[halkatla, 28.8.2010 kl. 10:31]

Í gær sá ég að 68 manns höfðu gert líkar við fréttina um 2 vikna barnið sem dó, það stuðaði mig algjörlega! Hversu sjúkur þarftu að vera til þess að ýta á þennan helvítis(sorri mofi) takka við þannig hryllingsfrétt? Svo um kvöldið var búið að taka burt möguleikann á að blogga um fréttina og takkann.

[Mofi, 30.8.2010 kl. 11:10]

pirrhringur, gott dæmi um hve fáránlegur þessi takki er!  Takk fyrir að benda á þetta, sum dæmi geta nefnilega virkað alvarlega sjúk.