TED - Aðventistar og lengra líf

Það eru oft mjög skemmtilegir fyrirlestrar á TED talks og ég rakst á þennan sem fjallar um langlífi í heiminum. Eins og alltaf þegar kemur að langlífi þá eru aðventistar nefndir. Heilsuráðgjöf Ellen White hefur gert það að verkum að aðventistar lifa lengur. Fyrir mig er þessa árangur heilsuráðgjöf hennar góður vitnisburður um að Guð hafi sent okkur spámann fyrir þessa síðustu tíma. Nýbúinn að fjalla um Ellen White, sjá hérna: Ellen White og spámenn Biblíunnar

Hérna er fyrirlesturinn á TED þar sem Dan Buettner 

http://www.ted.com/talks/dan_buettner_how_to_live_to_be_100.html

Athugasemdir

[Jón Steinar Ragnarsson, 25.1.2010 kl. 09:25]

Heldur vildi ég deyja á besta aldri en að verða gamall Aðventisti.  Annars skil ég ekki hvað þið eruð að brasa við að tór lengur öllum öðrum til leiðinda.  Ég hélt þið ættuð fyrir höndum eilífa sæluvist um leið og þið krókið. Er ekki mál að drífa sig bara handanyfir?  Hvað segirðu um það, ha?

[Mofi, 25.1.2010 kl. 09:56]

Jón Steinar, þetta er nú ekki bara að lifa lengur heldur að flest árin er mögulegt að vera við góða heilsu, lifa lífinu. Síðan er dauðinn óvinurinn og þess vegna eðlilegt að vilja lifa sem lengst. Í þessu lífi hérna er hægt að gera eitthvað gott sem hefur eilífan árangur og ekki hægt að sóa því af því að maður vill komast til himna

[Hjalti Rúnar Ómarsson, 25.1.2010 kl. 14:14]

Gaman að þarna er minnst á Nuoro í Sardiníu, en ég var skiptinemi þar í hálft ár og borðaði brauðið og drakk vínið sem hann minntist á :)

[Baldur Blöndal, 25.1.2010 kl. 17:23]

Þetta er áhugavert ég tek þessu samt eins og boðskapi Biblíunnar; ég er sammála mörgu í Biblíunni enda margt sniðugt að finna þar- það þýðir samt ekki að ég verði Kristinn. Á sama hátt má vera að mataræði aðventista sé ekkert óvitlaust, en það þýðir ekki að ég verði aðventisti.

Svo eru lífslíkur hæstar í Japan, en þar er einmitt mjög mikið trúleysi- og allt önnur „trúarbrögð“ en þú aðhyllist. Fyrir mig er þessi niðurstaða góður vitnisburður um það að Guð sé að verðlauna Japani fyrir trúleysi þeirra. Annars var þetta grín, getur ekki bara verið að einhver hópur fólks lifi lengur án þess að Guð sé að verðlauna hann?

(svo má líka vera að aðvetistar séu betur stæðir en flestir aðrir og búi í löndum með betri heilsugæslu, ég er að flýta mér og náði ekki að horfa á myndbandið en þetta gæti verið fylgnivilla)

[Sigurður Rósant, 25.1.2010 kl. 20:57]

Til hamingju, Mofi. Það má að sumu leyti taka trúaða til fyrirmyndar, en þessar niðurstöður segja mér ekki endilega að Ellen White hafi verið í meira sambandi við 'Almættið' , en næsta eikartré.

[Mofi, 25.1.2010 kl. 21:15]

Hjalti, snilld að gerast skiptinemi. Vildi að ég hefði haft þor og vit til að gera það á sínum tíma.

Baldur, ég tengi þetta ekki beint við trúnna heldur heilsuráðgjöfina sem...einhverjir aðventistar fara eftir. Það er að vísu frekar slappt hérna á Íslandi sem er miður.

Rósant, mjög margir að reyna að öðlast betri heilsu og lengra líf og Ellen White kemur með ýtarlegan heilsuboðskap sem nú meira en hundrað árum seinna hefur sýnt ótrúrætt gildi sitt. Þetta hlýtur að segja eitthvað að minnsta kosti?

Ég hafði nú engar vonir að guðleysingjar sæju þetta sem ástæðu til að trúa á Guðs en vonaði að þetta gæfi öðrum kristnum ástæðu til að skoða boðskap Ellen White nánar.