Þegar staðreyndir og gögn eru á móti þér þá...

Þá er um að gera að bara þvinga fólk og heilaþvo.  Þegar þú aðhyllist skoðun sem þolir ekki gagnrýni, þolir ekki samanburð við aðrar hugmyndir, þá ættir þú að kveikja á perunni og átti þig á því að kannski hefur þú einfaldlega rangt fyrir þér.

Jafnvel margir þróunarsinnar hafa áttað sig á þessu og bent á að besta leiðin fyrir nemendur til að skilja þróunarkenninguna er að læra um rökin með kenningunni og rök á móti kenningunni. Þannig hafa vísindin dafnað í meira en tvö hundruð ár, með opinni umræðu og frelsið til að efast.  Núna hafa þessir menn sem þykjast vera að berjast fyrir vísindin byrjað að berjast fyrir heilaþvætti og heimsku; allt til að vernda sína uppáhalds vísindakenningu.  Hvaða kenning innan vísindanna þarf svona vörn?  Svarið er auðvitað engin.

Ef að kenningin er eðlileg og nálægt sannleikanum þá er ekkert mál að benda á staðreyndirnar sem styðja hana, benda á rökin og benda á velgegni hennar til að spá fyrir um framtíðar rannsóknir. Allt þetta er eitthvað sem þróunarkenningin hefur fallið algjörlega á svo það er ekki nema von að sumir sem aðhyllast þetta sjái þvingun og heilaþvott sem lausn.

Hin vísindalega aðferð kemur frá sköpunarsinnum og nokkurn veginn megnið af vísindalegum framförum sögunnar kom frá sköpunarsinnum. Þegar við tökum saman lista af mönnum sem hafa lagt einna mest til framfara í vísindum þá væru þróunarsinnar varla finnanlegir og sköpunarsinnar með höfuð og herðar yfir þá alla saman.

Þetta er aumingjalegt hjá David Attenborough svo ekki sé meira sagt og alvöru árás á vísindin.

Hérna er gott dæmi um hve óvísindalegt þessi trú David Attenborough's er, sjá: Ida - Sköpunarspá reynist rétt

Vilja banna sköpunarkenninguna