Eru stökkbreytingar tilviljanakenndar?

Stutta svarið er já en í þeim skilningi að einhverjar eru tilviljanakenndar en með aukinni þekkingu á DNA og stökkbreytingum gefur okkur ástæðu til að ætla að alls ekki allar stökkbreytingar eru tilviljanakenndar.  Hérna er myndband sem fer yfir þetta efni.

Meira hérna: Are Mutations Random?

Frá hönnun til Aðvent kirkjunnar

Stundum þegar ég bendi á hönnun í náttúrunni þá svara sumir með því að segja að þetta sýni ekki fram á að Guð Biblíunnar sé hönnuðurinn. Þetta er auðvitað alveg hárrétt, hönnunar rökin sýna aðeins fram á tilvist hönnuðar en ekki hver hann er; þeir sem trúa að geimverur hafi plantað lífinu hérna á jörðinni geta líka notað þessi rök.

Það sem mig langar að gera hér er að útskýra hvernig ég fer frá hönnunar rökunum til Aðvent kirkjunnar.

1. Hönnun er augljós.

Þar sem alheimurinn hafði byrjun verður sá sem orsakaði tilvist alheimsins að vera til handan alheimsins. Getur ekki verið inn í alheiminum eða af alheiminum, verður sem sagt að vera eilífur og ekki úr efni, að minnsta kosti ekki efni alheimsins. 

Lögmálin sem þessi alheimur hlýðir eru einnig fínstillt sem gefur til kynna að þau voru hönnuð fyrir lífið sem gerir það rökrétt að löggjafinn hafi verið gáfaður að geta gert þetta og einnig viljað orsaka fínstillt lögmál.

Lífið sjálft er síðan ógurlega flókin vél sem les forritunarkóða um hvernig á að búa sig til og athafna; lífið er verkfræðilegt undur sem við mennirnir munum líklegast aldrei ná að herma eftir. Betra dæmi um vitræna hönnun er ekki hægt að biðja um.

Síðan er náttúran full af meiriháttar dæmum, hérna eru nokkur þannig dæmi: Þeir sem eru án afsökunnar og Incredible creatures that defy evolution

2. Guð Biblíunnar.

Biblían lýsir Guði þannig að Hann er fyrir utan tíma, er eilífur og er andi eða ekki búinn til úr efni. Þetta er allt í samræmi við það sem kom hérna á undan. Biblían lýsir Guði einnig sem alvitrum og það sannarlega passar við snilldina sem við sjáum í náttúrunni.  Biblían segir einnig að heimurinn er undir bölvun syndar sem passar við hið vonda sem við sjáum í heiminum.  Þeir guðir sem rómverjar, grikkir og fleiri trúðu á voru ekki eins og Guð Biblíunnar því þeir tilheyrðu þessum heimi. Þeir voru ekki almáttugir og eilífir, oft voru þeir mjög mannlegir og mistækir enda skáldsögur síns tíma sem fæstir tóku alvarlega. 

Fyrst að hægt er að sjá að þessi heimur var hannaður þá er rökrétt að sá sem tók alla þessa orku og vitsmuni að búa þetta allt til myndi líka vilja hafa einhver afskipti af þessu sköpunarverki sínu. Af þeim opinberunum sem mannkynið hefur um Guð þá ber Biblían af að öllu leiti enda lang flestar tilraunir manna til að setja sig upp sem einhvern opinberanda Guðs hafa verið byggðar á Biblíunni, menn eins og Múhammeð og allir á þessum lista hérna: List of people claimed to be Jesus

3. Aðvent kirkjan

Þar sem að fjöldi kirkna sem flokka sig sem kristnar þá virkar það líklega mjög strembið fyrir marga að ætla að velja "réttu" kirkjuna.  Ég tel að vandamálið er í rauninni miklu minna en margir telja. Ég tel að ef menn fara eftir þessum fáu Biblíulegum leiðbeiningum þá ættu þeir að vera búnir að finna þá kirkju sem fer einna best eftir Biblíunni.

1. Biblían er orð Guðs sem trúarkenningarnar eiga að lúta.
2. Jesús er Guð og Hann er skapari himins og jarðar.
3. Við eigum að fylgja boðorðunum tíu og ekki gleyma fjórða boðorðinu sem er að halda hvíldardaginn, sjöundadaginn eða laugardaginn heilagann.
4. Guð er kærleiksríkur og myndi aldrei kvelja fólk að eilífu, hvorki í eldi eða á nokkurn annan hátt.

Þetta er ekki flókin eða löng leið og ekki skemmir fyrir að hún er einstaklega rökrétt. Tel að það eru aðalega langanir manna, hefðir og stollt sem lætur þetta líta út fyrir að vera flókið.

Meirihluti trúir á framhaldslíf

Þú hefur ekkert elst!

Fyrir þann sem trúir á Biblíulega sköpun þá kemur svona fundur ekki á óvart. Kóngulær hafa alltaf verið kóngulær eins langt og við getum séð. Góðar kenningar spá fyrir um hvað mun finnast þegar farið er út og heimurinn rannsakaður. Þeir sem aftur á móti aðhyllast slæmar eða rangar kenningar, þeir eru alltaf hissa á því sem þeir finna í sínum rannsóknum. Kenning sem gengur út á að dýrin smá saman þróast með tilviljanakenndum breytingum á DNA getur ekki búist við því að í setlögunum finnist forn dýr sem eru alveg eins og dýrin eru í dag. Þessi kónguló er ekki eina dæmið, þetta er hreinlega það sem einkennir steingervingana.

Meira hérna: Living Fossils - Portraits of the Fossilized Past

165 milljóna ára gömul kónguló