Hausar munu fjúka

Það verður forvitnilegt að fylgjast með þessu. Hvernig munu múslímar bregðast við. Líklegast munu flestir múslímar taka þessu með ró en öfgamennirnir eru það margir að það er ástæða að óttast hörð viðbrögð. Forvitnilegt hvaða Hollywood stjarna er til í að setja líf sitt í hættu fyrir að leika í þessari mynd.

Það væri gaman að vita af hverju Múhameð er eini af spámönnunum sem má ekki búa til mynd af... kannski af því að hann var falsspámaður og datt í hug að þetta væri sniðugt? 

Kvikmynd um Múhameð spámann í smíðum

Athugasemdir

[Sigurður Rósant, 2.11.2009 kl. 20:12]

Ég hef séð kvikmyndir, bæði um ævi Múhameðs og ævintýri Jesú. Í báðum tilvikum var ekki sýnd mynd af andlitum þeirra.

Svo það verður kannski ekki aðal vandamálið og sýna Múhameð án andlits. Það er fullt af annars konar lýsingum sem gætu sært múslima ef handritshöfundur ætlar að fara í viðkvæm atriði eins og val Múhameðs á eiginkonum, allt niður í 5 eða 9 ára aldur.

[Sveinn Þórhallsson, 2.11.2009 kl. 20:22]

Reyndar var það ekki Múhameð sjálfur sem bannaði þessar myndir

[Jón Steinar Ragnarsson, 2.11.2009 kl. 20:26]

Þú skalt engar líkneskjur gjöra þér né nokkrar myndir eftir því, sem er á himnum uppi, eður því, sem er á jörðu niðri, eður því, sem er í vötnunum undir jörðinni. Þú skalt ekki tilbiðja þær og ekki dýrka þær, því að ég, Drottinn Guð þinn, er vandlátur Guð, sem vitja misgjörða feðranna á börnunum, já í þriðja og fjórða lið, þeirra sem mig hata, en auðsýni miskunn þúsundum, þeirra sem elska mig og varðveita boðorð mín."

[Helga Ingólfsdóttir (IP-tala skráð) 2.11.2009 kl. 21:34]

Það  eru til  all  góðar  lýsingar  á  Múhameð  Sendiboða.

Hitt  er  annað  mál  að  hann  átti  sér marga  féndur  sem  áttu  harma  að  hefna  fyrir  morðæði  hans  og  gengis  hans.

Hann  var  því  mótfallinn  dreifingu  mynda  af  sér,  sem hefði  gert  óvinum  hans  auðveldara  með  að  drepa  hann.

[Mofi, 2.11.2009 kl. 23:03]

Rósant, kannski er hægt að gera mynd án þess að ergja þá... finnst eins og það væri kraftaverk.

Sveinn, veistu hver það var sem kom með þetta?

Jón Steinar, að teikna myndir og tilbiðja myndir eða styttur er tvennt ólíkt.

Helga, hljómar rökrétt.

[Páll Geir Bjarnason, 3.11.2009 kl. 01:47]

Af hverju telurðu Múhameð eitthvað meiri falsspámann en Jesú?

[Sveinn Þórhallsson, 3.11.2009 kl. 08:01]

Enginn einn maður, það kemur í ljós eftir stutta og einfalda leit á netinu. Bannið er hvergi að finna með berum orðum í Kóraninum heldur er bætt við (í svokölluðum hadith) mörgum árum eftir dauða Múhameðs þegar múslimskir fræðimenn voru að taka til, ef svo má segja, í öllum þessum mótstæðu frásögnum, boðum og bönnum islam þess tíma.

Það eru ekki einu sinni allir múslimar mótfallnir smekklegum myndbirtingum af spámanninum í dag.

[Mofi, 3.11.2009 kl. 09:06]

Páll Geir, allt líf Múhameðs einkennist af því sem ég tel einkenna fals spámenn. Boðaði trú sína með ofbeldi. Sagðist vera einn af spámönnunum eins og Elía, Jeremía og Móse en boðaði síðan annan boðskap. Var með helling af konum, þar á meðal barnungum stelpum. Allt atriði sem gefa mér ástæðu til að efast um hann, fyrir utan að verða að hafna öllum spámönnum Biblíunnar af því að það er ekki samræmi á milli þeirra og Múhameðs.

Sveinn, takk fyrir fróðleiksmolann.

[Sigurður Rósant, 3.11.2009 kl. 17:27]

Ég held að það geti verið hættulegt að gera heimildamynd um Múhameð spámann þó auðvelt sé að sneiða hjá andlitsbirtingu.

Það er svo óteljandi margt annað sem öfga-múslimar gætu æst sig yfir. Alveg ófyrirsjáanlegt hvernig þeir bregðast vi.

En eins og Jón Steinar bendir réttilega á, þá bannar Móse (í nafni Jahve sem síðar er nefndur Allah), alla myndlist, hverju nafni sem hún nefnist með þessari fyrirskipun:

 "Þú skalt engar líkneskjur gjöra þér né nokkrar myndir eftir því, sem er á himnum uppi, eður því, sem er á jörðu niðri, eður því, sem er í vötnunum undir jörðinni."

Sveinn - Þú verður að taka það með í reikninginn að múslimar rekja skipanir um umskurn og þá trúlega skipun um bann við allri myndlist, til fyrstu falsspámanna GT.

Allir spámenn eru falsspámenn skv. skilgreiningu GT., en hún er eitthvað á þá leið, að ef spádómur spámanns rætist ekki, þá er sá spámaður ekki frá Jahve, eða með öðrum orðum, falsspámaður.

[Sindri Guðjónsson, 4.11.2009 kl. 10:46]

Ég var að lesa færsluna þar sem Mofi spyr hvort það séu til heimildir sem stangist á við Biblíuna. Mofi er ekki enn búinn að svara ítarlegum svörum Brynjólfs. Mér finnst að Mofi ætti að reyna að gera það. Ég er annars ekki viss um að Mofi hafi lesið allt það ágæta efni sem Brynjólfur skrifaði.

[Mofi, 4.11.2009 kl. 11:23]

Rósant, kristnir hafa ekki skilið Móse þannig að þeir mega ekki búa til myndir heldur að þeir mega ekki tilbiðja myndir eða líkneski; kaþólikkar að vísu hafa enn annan skilning.

Allar spámenn Biblíunnar eru síðan auðvitað alvöru spámenn, þó að aðeins hluti þeirra voru spámenn að því leiti að þeir spáðu fyrir um framtíðina.

Sindri,  þetta var svo mikið efni hjá Brynjólfi.Ef það er einhver ákveðinn punktur sem þér fannst góður hjá Brynjólfi og ég svaraði ekki þá endilega bentu mér á hann og ég skal reyna að glíma við hann.

[Sindri Guðjónsson, 4.11.2009 kl. 11:38]

Þú gætir hrakið það sem hann bendir þér á (og ég hef gert áður, en ekki í eins ítarlegu máli), að frásögnin af flótta ísraela úr egyptalandi, og af meintu hernámi þeirra á Kananlandi í framhaldinu, sé fjarstæðukennd.

[Sindri Guðjónsson, 4.11.2009 kl. 12:00]

Annars tók ég eftir því að Mofi var að lesa bókina "The Greatest Show on Earth". Ég legg því til að menn fari varlega í athugasemdirnar, til að hann hafi tíma til að lesa þessa bók, og kannski læra örlítið af henni. Ég mæli annars með bókinni "Rlics of Eden", sem er held ég betur til þess fallin að sýna fram á þróun.

[Mofi, 4.11.2009 kl. 12:29]

Sindri, mér fannst nú rökin á móti þessum atburðum vera frekar léttvæg og hæpin. En, forvitnilegt að taka bara þetta efni fyrir í sér grein og þá reyna að svara þeim athugasemdum sem Brynjólfur kom með. Væri samt gaman að vita hvaða rök hann kom með sem þér fannst vera góð á móti því að þetta átti sér stað eins og Biblían segir frá.

[Sindri Guðjónsson, 4.11.2009 kl. 12:40]

Þú hefur ekki enn rökstutt hvers vegna rökin gegn þessum atburðum eru léttvæg eða hæpin, síðan Brynjólfur setti þau fram.

[Sindri Guðjónsson, 4.11.2009 kl. 12:42]

En ég skal fyrirgefa þér, að þú hafir ekki svarað Brynjólfi, ef þú ert að lesa "The Greatest Show on earth", og mæli eindregið með "Relics of Eden".

[Mofi, 4.11.2009 kl. 12:52]

Sindri, þú hlýtur þá að geta sagt mér hvaða rök þér fannst vera góð?  :)

Ég sé til með Relic of Eden, er tiltulega nýbúinn að fá bókapakka sem innihélt bækur sem ég hef líklegast meiri áhuga á.

[Tinna Gunnarsdóttir Gígja, 7.11.2009 kl. 15:41]

Ástæðan fyrir því að ekki er talið æskilegt að birta myndir af Múhameð (íslam er ekki eitt um að banna myndir af spámönnum - Baháí'ar gera það líka) er sú að það er talið koma í veg fyrir persónudýrkun.

Betur að Jesú hefði ítrekað þessi orð Móse/Guðs um bann við eftirmyndum, þá þyrftum við kannske ekki að þola myndir af hálfnöktum manni á pyntingartóli úti um allar trissur, auk þess sem Jesúdýrkun margra er komin út í öfgar: hinn meinti boðskapur skiptir þá minna máli en fegraðar og "evrópskaðar" myndir af manngreyinu.