En er líf án morða nokkuð skemmtilegt?

Þegar maður skoðar venjulega dagskrá hjá t.d. Skjá einum þá virðist allt snúast um morð; eins og að ef það væru engin morð þá væri lífið ekkert skemmtilegt. Law and Order, Flashpoint, Harpers Island og fleiri snúast allir um einhvers konar morð.  Ég sá svipað í myndinni "Demolition man" þar sem engin morð voru lengur til í því samfélagi og ein af aðal söguhetjum myndarinnar fannst lífið svo leiðinlegt út af því og fagnaði þegar loksins einhver var myrtur.

Er smekkur samfélagsins orðinn þannig að ef maður sér ekki kynlíf, morð eða glæpi í kvikmynd eða sjónvarpsþætti þá er hann leiðinlegur?

Hvað með himnaríki?  Ef það eru engir glæpir þar og engin morð og engin stríð; væri það þá leiðinlegur staður?

Deilt um bók eftir dæmdan morðingja

Athugasemdir

[Matthías Ásgeirsson, 22.9.2009 kl. 11:04]

Af hverju hoppaðir þú allt í einu úr morðum yfir í kynlíf?  Setur þú þetta í sama flokk?

Er ekkert kynlíf í himnaríkinu þínu?

[Kristinn Theódórsson, 22.9.2009 kl. 11:10]

Eru þetta ekki leifarnar af frumskógareðlinu? Við eigum enga náttúrulega óvini lengur svo við leitum í efni þar sem hlutirnir eru hættulegir og lífið hangir á bláþræði.

[Mofi, 22.9.2009 kl. 11:12]

Að horfa á annað fólk stunda kynlíf og að stunda það sjálfur innan hjónabands er stór munur. Hreinlega veit ekki með kynlíf á himnum. Kristur talar um að það verða ekki hjónabönd svo það má lesa það sem ekkert kynlíf en ég er ekki viss. Kristur segir einnig að við verðum sem englar en ég veit ekki hvað þeir gera sér til skemmtunar.

[Mofi, 22.9.2009 kl. 11:15]

Kristinn, eða áhrif syndugseðlis og allt of margir hafa mikla list á svona hlutum. Ég er bara að velta því fyrir mér, ef samfélagið elskar svona mikið þennan hasar; vill það þá ekki þennan sama hasar í þeirra eigið líf? 

[Kristinn Theódórsson, 22.9.2009 kl. 11:18]

Ég er bara að velta því fyrir mér, ef samfélagið elskar svona mikið þennan hasar; vill það þá ekki þennan sama hasar í þeirra eigið líf? 

Nei, nei. Fólk les bækur um sorglega atburði, t.d. sálarstríð syrgjandi foreldra. Það er eitthvað sem vekur tilfinningar og þroskar andann, en er ekki ávísun á að það vilji sjálft missa barn.

[Mofi, 22.9.2009 kl. 11:44]

Kristinn, góður punktur. En það er samt stór munur á sorglegum atburði og síðan siðferðislega röngum atburði. Það fer síðan alltaf eftir hvaða siferði viðkomandi hefur. Samfélagið hefur lengi glímt við t.d. kynlíf og nekt í kvikmyndum og núna erum við komin á það stig þar sem þetta er orðið mjög lítið mál. Samt viljum við ekki að ung börn sjái þetta.  Af hverju viljum við ekki að ung börn sjái morð og kynlíf ef það er í góðu lagi hvort sem er?

[Kristinn Theódórsson, 22.9.2009 kl. 12:25]

Við viljum ekki að börn horfi á ofbeldi af sömu ástæðu og við látum þau ekki leika með klósetthreinsi. Þau hafa ekki þroskann til ákvarða hvað gera skuli við hreinsinn frekar en hugmyndina um ofbeldi.

Það sama á að flestra mati við um kynlíf.

Það er ekki stór munur á sorglegum atburðum og siðferðilega tæpum aðgerðum hvað skemmtana og fræðslugildi snertir. Við viljum sjá og skilja hlutina þó við ætlum ekki að gera þá eða upplifa sjálf.

En hvort rétt sé að upphefja og poppa upp hugmyndir á borð við ofbeldi, þjófnað og vitleysu, það er önnur spurning.

[Rebekka, 22.9.2009 kl. 16:26]

Mér finnst þessir þættir frekar fjalla um hvernig réttlætið nær fram að ganga (eða reynir allavega sitt besta til að ná glæpamanninum),  heldur en að þeir séu einhver morðadýrkun.  Spennu- og glæpaþættir veita manni útrás, svipað og góðar grínmyndir, nema á hinum enda tilfinningaskalans.

[Mofi, 22.9.2009 kl. 16:53]

Góðir punktar; slatti til að hugsa um.  Ég er forvitinn, hvað ef að það væru engir glæpir eða morð í heiminum; væri heimurinn þá leiðinlegur?  Myndum við samt horfa á þætti um svona hluti þó að þeir gerðust ekki lengur?

[Jóhannes H. Proppé (IP-tala skráð) 23.9.2009 kl. 04:01]

Er nekt núna slæm í kristni?

Var hún ekki til siðs meðan heimurinn var ennþá syndlaus í ímynaða aldingarðinum?

[Mofi, 23.9.2009 kl. 08:22]

Jóhannes, þegar heimurinn var syndlaus þá var nekt ekki slæm en í dag þá vakna alls konar hugsanir þegar að minnsta kosti venjulegir karlmenn sjá nakta konu.  Er samt ekki viss að ég hafi einhver vers sem segja þetta beint út enda verður samviska sérhvers kristins að meta þetta fyrir sjálfan sig.

[Stefán sv, 6.10.2009 kl. 15:21]

Helling af morðum í biblíunni, kannski fengu þeir innblásturinn þaðan?