Það er svo mengandi að vera grænn

Þetta er alveg kostuleg frétt. Málið er að mjög stór hluti orkunotkun og mengun við ljósaperur fer í að búa peruna til. Að henda perum sem þegar er búið að búa til er einfaldlega sóun á orku og sóun á peningum.

Miklu gáfulegra er að skipta yfir í nýju tegundirnar þegar hinar gömlu deyja út en ekki fyrr.  Þetta virkar eins og kjánaleg sýndarmennska borgaryfirvalda í Kaupmannahöfn sem hjálpar umhverfinu ekki neitt.

Það var skemmtileg umfjöllun um orku kreppuna hjá Penn og Teller í kvöld. Ég keypti þeirra rök alveg að kjarnorka væri málið.

Maður er samt svo heilaþveginn að mig langar ekki að hafa kjarnorkuver á Íslandi

 

Jólaljósin í Köben hanga á bláþræði

Athugasemdir

[Hörður Þórðarson, 16.9.2009 kl. 01:56]

Auðvitað hjálpar það umhverfinu ekki nokkurn skapaðan hlut að skipta yfir í þessar svokölluðu sparperur. Í raun eru þær miklu verri en venjulegar perur vegna þess að þær innihalda kvikasilfur sem berst síðan á óæskilega staði þegar þessar perur verða ónýtar eða brotna.

[Axel Þór Kolbeinsson, 16.9.2009 kl. 08:40]

Reyndar eru sparperur stórsniðugar á þeim svæðum sem orku er aflað með bruna á kolum þar sem það minnkar kvikasilfursmengun um allt að 36%.  En þá hefur framleiðslan á perunum ekki verið tekið inn í myndina.

Hér á Íslandi eru sparperur rugl nema fólk komi þeim í spilliefnagáma eftir notkun.

[Magnús Björnsson, 16.9.2009 kl. 09:47]

Menn eiga að fara með sparperur í endurvinnslu eins og allan annan mengandi úrgang (og endurvinnanlegan auðvitað). Kvikasilfur í sparperum á ekki að vera vandamál en því miður er fullt af fólki sem er alveg sama, nema kannski ef það sparar/græðir á hlutunum.

Auðvitað má segja að að það sé sóun að henda perum sem eru í lagi. Hvort orkan sem fer í framleiðsluna sé svona mikil er ég ekki viss um en ég stór efa að nái nokkurn tíma sparnaðinum við að nota sparperur.

Viðkomandi fyrirtæki mun aftur á móti spara með því að nota sparperur til lengri tíma. Kostnaður við nýjar perur og að skipta um ónýtar á næstu árum mun snarminnka vegna miklu betri endingar á perunum. Eins er spurning hvað mikið af perum frá síðasta ári eru nothæfar, þarf ekki að endurnýja góðan hluta hvort sem er?

Vandamálið er að sparperur kosta meira en glóperur og kallin virðist ekki hafa efni á þeim. Kaupmannahöfn mun spara stórar upphæðir með því að skipta yfir í sparperur og því mætti alveg spyrja sig hvort þeir ættu ekki að hjálpa aðeins til við kaupin?

[Mofi, 16.9.2009 kl. 10:00]

Minn aðal punktur er að það er bara mengandi að henda perum sem eru í lagi. Ef pera er biluð þá er um að gera að kaupa spar peru í staðinn og passa upp á að farga henni á viðeigandi hátt þegar hún deyr. En þetta rugl, að taka perur sem eru í góðu lagi og farga þeim til að líta út fyrir að vera umhverfisvæn er bara kjánalegt. 

[Mama G, 16.9.2009 kl. 10:06]

Sammála þér Mofi, sóun er óþolandi.

En hvaseiru, misstirðu af Darwin þættinum á RÚV á mánudaginn? Ég er búin að bíða í 3 daga eftir úthúðun á þessum þætti

[Mofi, 16.9.2009 kl. 10:10]

Mama G, mér fannst hann svo lélegur að það tæki því varla

Ég hefði átt að taka hann upp og síðan :)  úthúða hann eins og ég ætti lífið að leysa.  

[Mama G, 16.9.2009 kl. 10:24]

Já, þessi þáttur var nú reyndar bara flash back á háu stigi, held að þú sért búinn að taka fyrir hverja einustu setningu sem kom fram í honum

[Mofi, 16.9.2009 kl. 10:26]

Mama G, mig langaði dáldið að gera eina stutta færslu sem segði aðeins að ef þetta væru bestu gögnin sem þeir gætu safnað saman til að styðja þessa hugmynd þá væru þeir í miklu verri málum en ég hélt :)