Vandamálið er ekki miljarður Evra sem lagður inn á Icesave

Að það hafi verið lagðir inn miljarður af Evrum inn á reikninga Landsbankans er ekki vandamálið heldur hvað varð um þá. Það hlýtur hreinlega að vera glæpsamlegt að taka þá peninga og lána þannig að við eigum ekki séns að ná í þá til baka. Ég myndi líta á það sem algjöran þjófnað ef ég myndi láta vin minn fá pening til að geyma og hann spanderar honum einn tveir og þrír og mér er sagt að ég fái peninginn aldrei aftur.

Það þarf að rannsaka það sem glæpamál hvað var gert við þessa peninga og ef má segja að einhver beri ábyrgð á þessu þá á að taka af honum allt sem hann á; það er það minnsta sem hægt er að gera við þá sem gerðu landið nærri því gjaldþrota.

Dýrustu milljarðar Íslandssögunnar

Athugasemdir

[helgason, 2.7.2009 kl. 13:11]

Bankar eru ekki geymsluhólf: http://en.wikipedia.org/wiki/Fractional-reserve_banking. Bindiskyldan fyrir innlán hérlendis er 0-2%, sjá http://www.stjornartidindi.is/Advert.aspx?ID=5855bf1a-b655-409b-af10-16bc7b987719, 4.grein

[Mofi, 2.7.2009 kl. 13:18]

Helgi, ég veit það vel en þeir eiga heldur ekki að vera svarthol. Það sem mér finnst vera glæpsamlegt er hve hratt þessir peningar voru lánaðir út og hve erfitt það er að fá þá til baka. Mér finnst að við þurfum að vita hverjir fengu þessa peninga og hvað stendur í vegi fyrir því að við fáum þá til baka.

[Mama G, 2.7.2009 kl. 14:56]

Stór hluti af eignum Landsbankans sem eiga að fara upp í ICESAVE skuldina eru einmitt útlán. Það er ekkert ógjörningur að fá þær eignir til baka, þær skila sér bara ekki hraðar en lánasamningarnir segja til um.

Svo er væntanlega eitthvað af þessum peningum óendurheimtanlegt af því að skuldunautar Landsbankans eru farnir á hausinn, þá er náttúrulega ekki von á neinni endurgreiðslu.

[Mofi, 2.7.2009 kl. 15:00]

Mama G, góðir punktar hjá þér.  Það sem er líklegast mest áhugaverðast hérna er hverjir fóru á hausinn og hvort það hafi verið glæpsamlegt að lána þeim.