Hver á þjóðkirkjuna?

Ég hélt að það lægi í nafninu þjóðkirkja sem þýddi að þjóðin ætti kirkjuna en það virðast vera skiptar skoðanir um það.  Annað nafn á þessa kirkju er ríkis kirkjan og maður hefði haldið að það ætti að segja allt sem segja þarf um hver á kirkjuna, sérstaklega þar sem laun prestanna koma frá ríkinu. 

Hvað segið þið góðir lesendur, hver á þjóðkirkjuna?

Þetta dæmi sem við sjáum hérna er alveg einstaklega óheppilegt fyrir ímynd kirkjunnar og allra kristinna manna.  Ég held að fólk sjái hérna aðeins græðgi og það frá fólki sem á að vera í þjónar Krists!  Hvernig ætli þeim myndi farnast ef eini peningurinn sem þeir fengju væru peningar sem fólk léti af frjálst af hendi en ekki í gegnum innheimtu ríkisins?  

Hérna er til alls að vinna. Fólkið í landinu gæti sparað u.þ.b. 5 miljarða með því að taka kirkjuna af spenum og í staðinn fengju þeir sem virkilega vilja þjóðkirkjuna tækifæri til að styrkja hana og fá presta sem verða að vinna vinnuna sína svo að fólk væri til í að leggja pening í viðkomandi kirkju.

Ég sé hreinlega ekkert slæmt við að aðskilja ríki og kirkju; allir myndi græða!

Sú græðgi sem ég sé í þessu máli hérna er afskaplega ósmekkleg í ljósi hvað er í gangi í samfélaginu og vil ég taka undir með blog vini mínum honum Hauki að ég biðst velvirðingar á hegðun "trúsystkina" minna.

Einnig vil ég benda á hvað Biblían segir um samskonar hegðun:

Orðskviðirnir 11
⁶Réttlæti hinna hreinskilnu frelsar þá en lygarar ánetjast eigin græðgi.

Lúkasarguðspjall 12
¹³Einn úr mannfjöldanum sagði við Jesú: „Meistari, seg þú bróður mínum að skipta með mér arfinum.“
¹⁴Hann svaraði honum: „Maður, hver hefur sett mig dómara eða skiptaráðanda yfir ykkur?“ ¹⁵Og hann sagði við þá: „Gætið ykkar og varist alla ágirnd. Enginn þiggur líf af eigum sínum þótt auðugur sé.“ 

Sálmarnir 10
³Hinn óguðlegi gleðst í græðgi sinni, blessar gróða sinn og lítilsvirðir Drottin.

Síðara Pétursbréf 2
¹En falsspámenn komu einnig upp meðal lýðsins. Eins munu falskennendur líka verða á meðal ykkar er smeygja munu inn háskalegum villukenningum og jafnvel afneita Drottni sínum, sem keypti þá, og leiða yfir sjálfa sig bráða glötun.
²Margir munu fylgja ólifnaði þeirra og sakir þeirra mun vegur sannleikans fá á sig illt orð.
³Af ágirnd munu þeir með uppspunnum orðum hafa ykkur að féþúfu. En dómurinn yfir þeim er löngu kveðinn upp og fyrnist ekki og glötun þeirra blundar ekki. 

 

Kirkjan krefur ríkið um milljónir

Athugasemdir

[Sigurður Þórðarson, 16.10.2008 kl. 10:41]

Ég hef nú ekki mjög sterkar skoðanir í þessum efnum. En trúin er persónuleg og það er eðlilegt og jákvætt að fólk með svipaða trú myndi söfnuði. En ég hef efasemdir um nauðsyn þess að ríkið þurfi að styðja sérstaka túlkun  á Guði eða guðdómnum. Ég held jafnvel að þetta leiði til áhugaleysis ungs fólks á trúarlegum gildum. Sjálfur er ég eintrjáningur í trúmálum en ef aðrir kjósa leiðsögn ríkisins þá er mér svo sem sama.

[Predikarinn - Cacoethes scribendi , 16.10.2008 kl. 11:06]

Eins og ég sagði á öðru bloggi hjá þér Mofi : ekkert mál. Aðskiljum ríki og kirkju og ríkið hættir að greiða laun presta. Þá skili ríkið í leiðinni eigum Þjóðkirkjunnar sem það fékk 1907 á móti launagreiðslunum. Það eru geysilega verðmætar eignir. Þjóðkirkjan myndi græða á því að fá eignir sínar til baka og ávaxta sjálf sitt pund.

[Matthías Ásgeirsson, 16.10.2008 kl. 11:16]

Þá skili ríkið í leiðinni eigum Þjóðkirkjunnar sem það fékk 1907 á móti launagreiðslunum.

Segðu okkur predikari, hver var staða ríkiskirkjunnar fjárhagslega árið 1907?

[Rósa Aðalsteinsdóttir, 16.10.2008 kl. 11:35]

Sæl og blessaður.

Tek heilshugar undir með þér. Það á að aðskilja ríki og kirkju. Við eigum auðvita öll þessa kirkju á meðan ekki hefur verið aðskilnaður því þessi kirkja er ríkiskirkja og við öll stöndum að ríkissjóði.

Svo finnst mér nú þessi prestastefna til háborinnar skammar þegar þar er verið að semja og semja lög sem eru í andstöðu við heilagt Guðs orð sem Guð gaf okkur til leiðbeiningar.

Guð veri með þér.

Baráttukveðjur fyrir réttlætinu.

[Sigurður Þórðarson, 16.10.2008 kl. 12:09]

Þetta er bara ekki rétt hjá þér prédikari. Eina jörðin sem þjóðkirkjan hefur átt var Skálholtsjörð sem ríkið gaf henni. Það voru einstakir söfnuðir sem áttu jarðir víðs vegar um landið. Það vill til að ég hef kynnt mér þetta dálítið.

[Sigurður Þórðarson, 16.10.2008 kl. 12:16]

Ef þið viljið fara enn aftar á var öllum goðorðsjörðum var breytt í kirkjujarðir en vel að merkja ekki þjóðkirkjujarðir. Ríkisvaldið hefur alltaf haft tilburði til að stýra trúarlífi. Hvað sagði meistarinn um það mál: "Gjaldið keisaranum það sem keisarans er og Guði það sem Guðs er" Amen.

[Predikarinn - Cacoethes scribendi , 16.10.2008 kl. 12:18]

Sigurður Þórðarson :  Já , menn nota þennan samnefnara sem Þjóðkirkjan er í svona fréttum. Ég hef áður á vefsvæði Mofa einmitt sýnt mönnuym fram á eignarhald safnaðanna hvers um sig.

[Sigurður Þórðarson, 16.10.2008 kl. 12:19]

Prédikari, þar erum við sammála.

[Mofi, 16.10.2008 kl. 13:14]

Sigurður
Ég held jafnvel að þetta leiði til áhugaleysis ungs fólks á trúarlegum gildum. 

Ég held einmitt að þetta er verst fyrir kirkjuna sjálfa. Þá á ég við á andlegu nótunum, ekki peningalega séð en kirkja á ekki að vera skrumskæld peninga stofnun.

Rósa, takk fyrir góð rök og stuðningin  

 

Predikari
Eins og ég sagði á öðru bloggi hjá þér Mofi : ekkert mál. Aðskiljum ríki og kirkju og ríkið hættir að greiða laun presta

Hvað er að því að prestar fái sín laun út frá því sem fólk velur að borga í Lúthersku kirkjuna eins og allar aðrar kirkjur hér á Íslandi?

[Rósa Aðalsteinsdóttir, 16.10.2008 kl. 13:37]

Sæll aftur.

Langar að rifja upp atburð sem gerðist hér á Vopnafirði.

Prestur stóð yfir konu sem var látin. Prestur sagði: "Er hún nú enn að gefa." og svo sagði hann: " og besta hestinn til vinnumannsins." Vinnumaðurinn var nefnilega þarna líka og var vitni af þessu. Ég þarf endilega að fá þennan atburð orðréttan. Svona var nú farið að í denn. 

Baráttukveðjur/Rósa

[Predikarinn - Cacoethes scribendi , 16.10.2008 kl. 14:43]

Rósa :  Þetta er gömul þjóðsaga og harla lífsseig.

Við erum svo lánsöm að eiga Fornbréfasafnið sem hver og einn getur kynnt sér. Það er skrifað upp eftir frumheimildum löggerninga eins og afsöl eigna aftur til grárrar forneskju má segja. Þar má finna vottaða og undirritaða gjafagerninga bænda og höfðingja sem sanna eignarhald kirkjunnar á eigum sínum. Nýrri löggerninga er að finna vitaskuld hjá Sýslumönnum um land allt í þinglýsingarbókum embættanna.

[Mofi, 16.10.2008 kl. 15:04]

Það er nokkuð víst að sem stofnun þá á þjóðkirkjan mjög margt en stóra spurningin er hver á þjóðkirkjuna. Ef menn myndi slíta á þetta með að fólk greiddi sjálfkrafa sóknargjöld í gegnum ríkið og þeir sem vildu viðhalda þjóðkirkjunni yrðu að greiða fyrir það sjálfir, hvað myndi þá gerast? 

[Rósa Aðalsteinsdóttir, 16.10.2008 kl. 16:15]

Sæll Predikari.

Þetta er ekki gömul þjóðsaga. Kirkjan átti ekki land sunnan megin við Hofsá hér áður fyrr hvort sem þú vilt trúa þessu eða ekki og það er ekki svo langt síðan að þetta gerðist.

Drífðu þig að predika Guðsorð, predikari góði.

Shalom/Rósa

[Sigurður Þórðarson, 16.10.2008 kl. 18:37]

Ég þekki fleiri en einn guðfræðing sem hefur ekki sömu skoðun eða trúarsannfæringu og ríkiskirkjan og vill heldur vera í frjálsu samfélagi trúaðra en ganga gegn sannfæringunni vegna atvinnuöryggis. 

Ekki þjónar þetta kristindómnum.

[Eiríkur Ingvar Ingvarsson, 16.10.2008 kl. 18:59]

Það þarf ekki Guðfræðing í þetta. Ríkið braut á kirkjunni...Gróflega og þarf að borga fyrir það bætur óháð tímasetningu

Hafa kirkjur ekki rétt til að sækja sinn rétt samkvæmt lögum...Hefur ríkið rétt til að stela hlunnindum kirkjunnar? nei auðvita ekki. Réttarríkið er enn til staðar óháð kreppu

[Sigurður Þórðarson, 16.10.2008 kl. 21:15]

Eiríkur, mig grunar að þú hafir ekki sett þig inn í umræðuna sem á undan er gengin. Ég held að enginn hér sé tilbúinn að réttlæta að það sé stolið frá einhverjum. Nú finnst mér þú eiga skilið að ég sé  dálítið kvikindislegur við þig og spyrji þig eftirfarandi: Hvenær (u.þ.b.ártal) stal ríkið jörðum frá þjóðkirkjunni?

[Mofi, 17.10.2008 kl. 09:41]

Sigurður
Ekki þjónar þetta kristindómnum.

Mjög góður punktur Sigurður!  Þetta er einfaldlega ómöglegt ástand; ég sé ekkert gott við núverandi fyrirkomulag nema aðeins þægindi og öryggi fyrir þá sem eru prestar með góð laun.  Sumir halda því fram að sumir þeirra hafa hátt í miljón á mánuði... ef það er rétt þá er það hreinlega viðbjóðslegt. Held að þessi saga Krists eigi við þannig presta:

Lúkasarguðspjall 16
¹⁹Jesús sagði þeim þessa dæmisögu: „Einu sinni var maður nokkur ríkur er klæddist purpura og dýru líni og lifði hvern dag í dýrlegum fagnaði. ²⁰En fátækur maður, hlaðinn kaunum, lá fyrir dyrum hans og hét sá Lasarus. ²¹Feginn vildi hann seðja sig á því er féll af borði ríka mannsins og jafnvel hundar komu og sleiktu kaun hans. ²²En nú gerðist það að fátæki maðurinn dó og báru hann englar í faðm Abrahams. Ríki maðurinn dó líka og var grafinn.
²³Og í helju, þar sem hann var í kvölum, hóf hann upp augu sín og sá Abraham í fjarska og Lasarus við brjóst hans. ²⁴Þá kallaði hann: Faðir Abraham, miskunna þú mér og send Lasarus að hann dýfi fingurgómi sínum í vatn og kæli tungu mína því að ég kvelst í þessum loga.
²⁵Abraham sagði: Minnstu þess, barn, að þú hlaust þín gæði meðan þú lifðir og Lasarus böl á sama hátt. Nú er hann hér huggaður en þú kvelst. ²⁶Auk alls þessa er mikið djúp staðfest milli vor og yðar svo að þeir er héðan vildu fara yfir til yðar geti það ekki og eigi verði heldur komist þaðan yfir til vor. ²⁷En hann sagði: Þá bið ég þig, faðir, að þú sendir hann í hús föður míns, ²⁸en ég á fimm bræður, til þess að vara þá við svo þeir komi ekki líka í þennan kvalastað. ²⁹En Abraham segir: Þeir hafa Móse og spámennina, hlýði þeir þeim. ³⁰Hinn svaraði: Nei, faðir Abraham, en ef einhver kæmi til þeirra frá hinum dauðu mundu þeir taka sinnaskiptum. ³¹En Abraham sagði við hann: Ef þeir hlýða ekki Móse og spámönnunum láta þeir ekki heldur sannfærast þótt einhver rísi upp frá dauðum.“

[Sigurður Þórðarson, 20.10.2008 kl. 00:41]

Mofi þetta var fín saga. Ég er nú ekki Biblíuufróður en rifjaði samt upp nokkrar tilvitnanir sem sumir sem kenna sig við Krist hafa ekki í miklum hávegum nema til hátíðarbrigða:

Matteus 6:20 Safnið yður heldur fjársjóðum á himni, þar sem hvorki eyðir mölur né ryð og þjófar brjótast ekki inn og stela.

og ennfremur: //Matteus 6: 24-34 //Matt 19: 24 //Lúkas 6:24 //Mark 10:21-23

[Mofi, 20.10.2008 kl. 10:19]

Kannski ekki mjög Biblíufróður ( ég er ekki dómbær áþ að ) en þetta eru mjög viðeigandi og góð vers, takk fyrir þau :)

[Sigurður Þórðarson, 21.10.2008 kl. 14:21]

Það er löngu búið að afvegaleiða umræðuna. Kjarni málsins er sá að þjóðkirkjan átti engar jarðir. Það er hægt að endurtaka svo oft rangfærslur að fólk almenn trúir þeim. Eiríkur vinur okkar er týpískur Íslenduingur sem hefur bitið á agnið. Kristin vinkona okkar hún Rósa Aðalsteins sem er mun fróðari mér þessa leiðréttingu og þakka ég henni kærlega fyrir það:

1. Matteusarguðspjall 19:24
   Enn segi ég: Auðveldara er úlfalda að fara gegnum nálarauga en auðmanni að komast inn í Guðs ríki."
   Matteusarguðspjall 19:23-25 (in Context) Matteusarguðspjall 19 (Whole Chapter)
2. Markúsarguðspjall 10:25
   Auðveldara er úlfalda að fara gegnum nálarauga en auðmanni að komast inn í Guðs ríki."
   Markúsarguðspjall 10:24-26 (in Context) Markúsarguðspjall 10 (Whole Chapter)
3. Lúkasarguðspjall 18:25
   Auðveldara er úlfalda að fara gegnum nálarauga en auðmanni að komast inn í Guðs ríki."
   Lúkasarguðspjall 18:24-26 (in Context) Lúkasarguðspjall 18 (Whole Chapter)

 

    24Enginn getur þjónað tveimur herrum. Annaðhvort hatar hann annan og elskar hinn eða þýðist annan og afrækir hinn. Þér getið ekki þjónað Guði og mammón. Matt. 6. 24

 

Matt. 6. 25.-34

4.      25Því segi ég yður: Verið ekki áhyggjufullir um líf yðar, hvað þér eigið að eta eða drekka, né heldur um líkama yðar, hverju þér eigið að klæðast. Er lífið ekki meira en fæðan og líkaminn meira en klæðin?

5.       26Lítið til fugla himinsins. Hvorki sá þeir né uppskera né safna í hlöður og faðir yðar himneskur fæðir þá. Eruð þér ekki miklu fremri þeim?

6.       27Og hver yðar getur með áhyggjum aukið einni spönn við aldur sinn?

7.       28Og hví eruð þér áhyggjufullir um klæði? Hyggið að liljum vallarins, hversu þær vaxa. Hvorki vinna þær né spinna.

8.       29En ég segi yður: Jafnvel Salómon í allri sinni dýrð var ekki svo búinn sem ein þeirra.

9.       30Fyrst Guð skrýðir svo gras vallarins, sem í dag stendur, en á morgun verður í ofn kastað, skyldi hann þá ekki miklu fremur klæða yður, þér trúlitlir!

10.                   31Segið því ekki áhyggjufullir: ,Hvað eigum vér að eta? Hvað eigum vér að drekka? Hverju eigum vér að klæðast?`

11.                   32Allt þetta stunda heiðingjarnir, og yðar himneski faðir veit, að þér þarfnist alls þessa.

12.                   33En leitið fyrst ríkis hans og réttlætis, þá mun allt þetta veitast yður að auki.

13.                   34Hafið því ekki áhyggjur af morgundeginum. Morgundagurinn mun hafa sínar áhyggjur. Hverjum degi nægir sín þjáning.

 

Lúkasarguðspjall 6:24
En vei yður, þér auðmenn, því að þér hafið tekið út huggun yðar.
Lúkasarguðspjall 6:23-25

1. Lúkasarguðspjall 16:20
   En fátækur maður, hlaðinn kaunum, lá fyrir dyrum hans og hét sá Lasarus.
   Lúkasarguðspjall 16:19-21 (in Context) Lúkasarguðspjall 16 (Whole Chapter)
2. Lúkasarguðspjall 16:23
   Og í helju, þar sem hann var í kvölum, hóf hann upp augu sín og sá Abraham í fjarska og Lasarus við brjóst hans.
   Lúkasarguðspjall 16:22-24 (in Context) Lúkasarguðspjall 16 (Whole Chapter)
3. Lúkasarguðspjall 16:24
   Þá kallaði hann: ,Faðir Abraham, miskunna þú mér, og send Lasarus, að hann dýfi fingurgómi sínum í vatn og kæli tungu mína, því ég kvelst í þessum loga.`
   Lúkasarguðspjall 16:23-25 (in Context) Lúkasarguðspjall 16 (Whole Chapter)
4. Lúkasarguðspjall 16:25
   Abraham sagði: ,Minnstu þess, barn, að þú hlaust þín gæði, meðan þú lifðir, og Lasarus böl á sama hátt. Nú er hann hér huggaður, en þú kvelst.
   Lúkasarguðspjall 16:24-26 (in Context) Lúkasarguðspjall 16 (Whole Chapter)

 

    16Þannig verða hinir síðustu fyrstir og hinir fyrstu síðastir."

 

1. Matteusarguðspjall 19:30
   En margir hinir fyrstu munu verða síðastir og hinir síðustu fyrstir.
   Matteusarguðspjall 19:29-30 (in Context) Matteusarguðspjall 19 (Whole Chapter)
2. Matteusarguðspjall 20:16
   Þannig verða hinir síðustu fyrstir og hinir fyrstu síðastir."
   Matteusarguðspjall 20:15-17 (in Context) Matteusarguðspjall 20 (Whole Chapter)
3. Markúsarguðspjall 10:31
   En margir hinir fyrstu munu verða síðastir og hinir síðustu fyrstir."
   Markúsarguðspjall 10:30-32 (in Context) Markúsarguðspjall 10 (Whole Chapter)
4. Lúkasarguðspjall 13:30
   En til eru síðastir, er verða munu fyrstir, og til eru fyrstir, er verða munu síðastir."
   Lúkasarguðspjall 13:29-31 (in Context) Lúkasarguðspjall 13 (Whole Chapter)