Hugvekja um hugvekju Ásthildar

Ásthildur Cesil Þórðardóttir skrifaði hugvekju sem virtist sannarlega vera beint að Gunnari í krossinum þó að hún dragi úr því.  Ég og Gunnar erum ekki skoðanabræður í mjög mörgu þó að við erum báðir segjumst vera kristnir.  Ég ætla hérna aðeins að fara yfir þessa hugvekju hennar Ásthildar og hvernig ég sé hana.

Ásthildur Cesil Þórðardóttir
http://asthildurcesil.blog.is/blog/asthildurcesil/entry/598544/

Gamli presturinn.

Æ hvað ég á gott, hugsaði hann.  Ég get glaður kvatt þetta líf.  Ég hef verið prestur í rúmlega sextíu ár, og alla tíð haft orð biblíunnar að leiðarljósi.  Aldrei hefur borið skugga á trúarlíf mitt, og aldrei hafa freistingarnar hlaupið með mig í gönur.  Ég hef verið góður og gegn maður.  Með öll prinsipp á hreinu.  Ég hef verið samviskuksamur, umburðarlyndur, auðmjúkur þjónn drottins og góður við alla, sem til mín hafa leitað.  Sælir eru þeir sem eiga slíka trú. 

Þetta er ekki viðhorf sem á að finna hjá kristnum einstaklingi sem stendur andspænis dauðanum. Páll postuli kemur inn á þetta hérna: 

Fyrra Tímóteusarbréf 1
¹⁵Það orð er satt, og í alla staði þess vert að við því sé tekið, að Kristur Jesús kom í heiminn til að frelsa synduga menn og er ég þar fremstur í flokki. ¹⁶En Guð miskunnaði mér til þess að ég yrði fyrstur þeirra sem Kristur Jesús sýnir allt sitt mikla langlyndi og þar með yrði ég dæmi handa þeim sem á hann munu trúa til eilífs lífs.  

 Páll sýnir hér hið kristna viðhorf sem er að hann er sekur gagnvart Guði og þarf á fyrirgefningu Guðs. Páll trúir að hann öðlist eilíft líf ekki vegna þess að það er eitthvað gott við hann heldur að Guð hefur sýnt honum miskun.

Ásthildur Cesil ÞórðardóttirGamli maður, kom þú með mér, sagði röddinn. Hver ert þú ? spurði hann undrandi.  Hafði ekki ennþá vaknað almennilega.Ég er einn af þeim ungu mönnum sem þú afhommaðir hér um árið, sagði ungur maður glaðlega.Afhommaði ? sagði gamli maðurinn, en þú varst svo ungur, af hverju ert þú þá hér ?Jú sagði ungi maðurinn, þegar sjálfið er tekið frá manni, þá er lítið eftir til að lifa fyrir.  Ég trúði því að þú segðir mér satt, og biblían væri rétt.  Svo ég gerði eins og þú sagðir mér. Já það var alveg rétt af þér góði minn, sagði presturinn.  Þú hefur örugglega orðið miklu hamingjumari á eftir. Ekki get ég sagt það, sagði ungi maðurinn blíðlega. Svo eftir nokkrar vikur gat ég ekki horfst í augu við sjálfan mig lengur, og endaði líf mitt.  

Hérna er verið að kenna kristnum og Biblíunni um sjálfs morð samkynhneigðra; vægast sagt gróf árás.  Það virðist ekki hvarla að sumum að kannski er samkynhneigð af hinu vonda og það væri mikil vonska að vara ekki fólk við þessum lífstíl.  Hérna er það þannig að ég vildi óska þess að versin um samkynhneigð væru ekki í Biblíunni en þarna eru þau og ég treysti frekar Biblíunni til að vita hvað er rétt í svona máli en fólki sem aðeins finnst hitt og þetta.

Ásthildur Cesil Þórðardóttir
Gamli presturinn þagði nokkra stund.  Svo sagði hann, ég held að ég vilji fá einhvern annan til að sækja mig, en þig.  Ég er heiðvirður maður, sem hef helgað líf mitt öðrum, og á skilið að vera sóttur af einhverjum sem er æðri en þú.

Ekki í samræmi við boðskap Biblíunnar.

Markúsarguðspjall 9
³⁵Hann settist niður, kallaði á þá tólf og sagði við þá: „Hver sem vill vera fremstur sé síðastur allra og þjónn allra.“ ³⁶Og hann tók lítið barn, setti það meðal þeirra, tók það sér í faðm og sagði við þá: ³⁷„Hver sem tekur við einu slíku barni í mínu nafni tekur við mér og hver sem tekur við mér tekur ekki aðeins við mér heldur og við þeim er sendi mig.“

Ásthildur Cesil Þórðardóttir
Sæll, sagði kvenrödd rétt hjá honum. Hann leit upp, og sá brosandi unga stúlku.  Honum fannst hann eitthvað kannast við svipinn á henni.  Ég kem þér ekki fyrir mig, sagði hann. Nei það veit ég, okkar samfundum bar við fyrir löngu.  Nú ? sagði hann spyrjandi.Já sagði stúlkan, ég leitaði ráða hjá þér sem sálusorgara, með að nota smokkinn, og þú bannaðir mér það alfarið.  Sagðir að ef ég vildi stunda kynlíf, sem ég ætti auðvitað alls ekki að gera, nema giftast, þá væri það bannað í biblíunni að stemma stigu við því lífi sem Guð vildi senda í heiminn.  Já það er alveg rétt, sagði presturinn.  Það er synd að treysta ekki almættinu fyrir slíku.

Í fyrsta lagi, eru það slæm ráð að stunda aðeins kynlíf með aðila sem þú hefur gifst?  Hve margir hafa dáið vegna HIV smita eða börn fæðast í sundraðar fjölskyldur vegna þess að þetta ráð var ekki haft að leiðarljósi? Í öðru lagi þá segir Biblían ekkert um að nota ekki smokkinn, það er erfðakenning manna sem ekki er að finna í Biblíunni.

Ásthildur Cesil ÞórðardóttirJæja, sagði stúlkan, það varð til þess að ég varð eyðninni að bráð.  Það tók reyndar fljótt af hjá mér, því ég var viðkvæm fyrir.

Eins og ég benti á þá er það einmitt brot á Boðorðunum Tíu, þú skalt ekki drýgja hór, sem orsakar HIV faraldur heimsins.

Ásthildur Cesil Þórðardóttir
Þetta hefur nú ekki verið neitt annað en þú áttir skilið, fyrir lauslætið, sagði presturinn argur. Farðu og segðu almættinu að ég vilji fá einhvern annan til að sækja mig.

Ef einhver syngar og það fer illa fyrir honum þá gleðst ekki barn Guðs yfir óförum annara.  Þegar kemur að dómsdegi þar sem syndarar farast þá er það gífurlega sorlegt. 

Síðara Pétursbréf 3
⁹Ekki er Drottinn seinn á sér með fyrirheitið þótt sumir álíti það seinlæti, heldur er hann langlyndur við ykkur þar eð hann vill ekki að neinn glatist heldur að allir komist til iðrunar.

Ásthildur Cesil ÞórðardóttirÞú þekkir mig ekki, sagði drengurinn, en ég átti föður sem var drykkjumaður og ofbeldisfullur.  Móðir mín vildi fá skilnað.  En þú komst í veg fyrir það. Sagðir að það sem Guð hefði tengt saman, mætti ekki sundur skilja.  Það endaði því með að faðir minn, drap bæði mig og móður mína í bræðiskasti. 

Eitt af hlutverkum hjónabandsins er að skapa ástríkt umhverfi fyrir börn. Að heimta að kona yfirgefi ekki eiginmann sem beitir hana ofbeldi er ekki kærleiksríkt og samningur hjónabandsins brotinn af eiginmanni sem beitir eiginkonu sína ofbeldi.  Synd getur verið að gera ekki það sem maður veit að er gott og að forða barni frá ofbeldi og hatri er af hinu góða. 

Ásthildur Cesil Þórðardóttir
Hver er að hlæja sagði hann dálítið smeykur.

Það skiptir ekki máli, sagði einhver úti í tóminu.  En þú hefur nú hrakið burtu þá sem áttu að sækja þig og færa til ljóssins, með þeim sama hroka sem þú varst haldinn í lifenda lífi. Vitleysa, sagði presturinn reiður.  Ég hef alltaf lifað eftir Guðsorði, og því sem í biblíunni stendur.  Það er hinn eini og sanni sannleikur.

Jakobsbréfið 3
¹³Hver er vitur og skynsamur á meðal ykkar? Hann sýni það með því að vera hóglátur og vitur í allri breytni sinni 

Ásthildur Cesil Þórðardóttir
Hvurslags vitleysa er þetta eiginlega ? þrumaði presturinn, hvar eru englarnir sem sækja þá sem lifa sínu lífið samkvæmt lögmáli Drottins ?

Biblían talar ekki um einhverja engla að sækja fólk þegar það deyr. Biblían er alveg skýr á því að hinir dánu hvíla í gröfinni þangað til dómsdags þar sem fólk rís upp til dóms og glötunnar eða til eilífs lífs.  Þeir sem öðlast eilíft líf gera það heldur ekki vegna þess að þeir héldu lögmál Drottins heldur vegna Guð fyrirgaf þeim að hafa brotið lögmál Drottins.

Ásthildur Cesil ÞórðardóttirGjörðu svo vel, vesæli maður, sagði röddinn.  Þetta er alveg dæmigert fyrir þá sem eiga blinda trú.  Þú hafnaðir öllum þeim sem vildu leiða þig rétta veginn, samt sem áður var það fólk sem þú hafðir gert illt með trúarofstæki þínu.  Gefið þeim falskar vonir og afvegaleitt þá í nafni Guðs. Síðan, þegar þú færð tækfæri til að stíga beint inn í ljós kærleikans, þá færðu ofbirtu í augun og villt ekki sjá þar sem þar er að finna. 

Það sem Ásthildur gefur hérna sterklega til kynna að þeir sem fylgja Biblíunni skilja eftir sig sviðna jörð með trúarofstæki sínu.  Ef vonin sem Biblían boðar er ósönn þá eins og Pétur kallar það, þá eru kristnir vesælastir allra manna.  Það væri ekki eitthvað sem einhver sækist eftir af vondum vilja.  En ef Biblían segir rétt frá varðandi lögmál Guðs og eilíft líf þá er fólk eins og Ásthildur að gefa fólki falska von og jafnvel leiða einhverja til glötunnar.  Svo hvað er það sem gefur Ásthildi einhvern áreiðanleika, að það sem hún segir um hvað er satt og rétt varðandi siðferði, Guð og eilífðina?  Ég fyrir mitt leiti tel að Jesús Kristur hefur meiri áreiðanleika en hún. Hvaða von er það sem hún er að bjóða upp á og á hvaða grundvelli er sú von?

Ásthildur Cesil ÞórðardóttirLoks fellurðu fyrir tálmynd af því sem þú vilt sjá, og heldur að sé rétt.  Gamli maðurinn staulaðist inn eftir ganginum, og sá að þetta var satt.  Þessi helgimynd var bara það.  Líkneski.  Bak við þau var bara að sjá myrkur.  Ekkert hljóð. Ekkert.  Hann fann að hann hafði týnt sjálfum sér, vegna þess að hann hlustaði ekki á sína eigin rödd, heldur trúði því sem hann las. Og hann hafði framkvæmt í blindri trú á að hann væri að gera rétt, þó oftast hefði hann átt að sjá, að sú leið var ekki leið umburðarlyndisins, eða réttlætisins.

Þannig að það sem presturinn las þaggaði í hans "eigin rödd" og trúði því sem hann las. Ekki hefur presturinn þá verið að lesa Biblíuna sem hvatur marg oft alla að sýna öðrum umburðarlindi og kærleika. Þetta virkar aðeins sem ómerkileg árás á Biblíuna.  

Ásthildur Cesil ÞórðardóttirÞað er þá svona sem komið er fyrir mér, hugsaði hann.  Ég hef bara horft á eina hlið á sannleikanum, en lokað allt annað úti.  Ég gleymdi því að sagt var; leitið og þér munuð finna, knýjið á og fyrir yður mun upplokið verða. 

Er þá "leitið og þér munuð finna" bókstafir sem er í lagi að lesa?  Voru það þessir bókstafir sem presturinn las og trúði og leiddi prestinn í allar þessar ógöngur eða einhver annar texti?  Að mörgu leiti þá má segja að hérna er gefið til kynna presturinn horfði greinilega ekki á þessa hlið sannleikans eða Biblíuna. Hvað hann var þá að lesa og hvaða texti er svona hættulegur er þá alveg á huldu.

 Ásthildur Cesil ÞórðardóttirÉg hef sem betur fer fengið dálítinn frest til að endurskoða líf mitt, og biðjast fyrirgefningar.  Fyrir það er ég óendanlega þakklátur. Að biðjast fyrirgefningar, að iðrast og snúa við blaðinu er kjarninn í kristni.

Athugasemdir

[Arnar, 29.7.2008 kl. 11:56]

Mófi:
Eins og ég benti á þá er það einmitt brot á Boðorðunum Tíu, þú skalt ekki drýgja hór, sem orsakar HIV faraldur heimsins.

Þetta er ofureinföldun hjá þér mófi, HIV smitast líka eftir öðrum leiðum (Sjá : http://aids.is/smitleidir.html).

Og hvernig fékk fyrsta manneskjan HIV?  Var hún einhverstaðar að drýgja hór og bara *BOOM*.. kominn með HIV?

[Jón Valur Jensson, 29.7.2008 kl. 12:19]

Þakka þér samantektina, Halldór (Mofi). Já, það stendur ekki steinn yffir steini í þessari sjálfvöldu, heimasmíðuðu dæmisögu hennar Ásthildar. Það mætti heita í meira lagi óupplýstur prestur í kristnum sið, sem hefði viðhorf eins og margt af því, sem hann er látinn hafa hjá Ásthildi. Saga hennar birtir þar að auki ýmsa fordóma gegn kristinni trú, og það er alveg vert að hluta hana niður í eindir sínar til að sýna fram á það, eins og þú gerir hérna. Þótt ég hafi ekki haft tíma til að lesa þetta í heild hjá þér, sé ég, að þú ert með mörg mótrökin á hreinu og tek þar með fram, að þau eru í reynd ennþá fleiri, eins og þú munt væntanlega sjálfur vita.

Ljótt var líka við þessa vefsíðu Ásthildar, að presturinn í sögunni virtist þar tengdur við persónu Gunnars í Krossunum. Það fór Ásthildi, meintum gagnrýnanda hræsni og kærleiksleysis í garð náungans, ekki vel að veitast með þeim hætti að þessum þekkta manni, sem hræsnislaust hefur reynt að boða Krist og Guðs orð eins og hann hefur fundið sig knúinn til og eins og hann skilur það í einlægri viðleitni sinni og viljugri undirgefni við Guðs vald. Þótt hann eigi það sameiginlegt með þér að hafa takmarkaðan skilning á sumum atriðum kaþólskrar trúar, lít ég á hann sem kristinn bróður og saklausan af þeim óvægna dómi sem Ásthildur fellir yfir honum.

[Mofi, 29.7.2008 kl. 12:46]

Arnar, þú ert nú sammála að ef það væri farið eftir þessu boðorði þá væri ekki um farald að ræða ekki satt?  Veit ekki hvernig fyrsta manneskjan fékk HIV, það eru til kenningar en ég veit ekki hver af þeim er rétt.

Jón Valur, takk.  Það er hægt að segja miklu meira um þessa dæmisögu hennar Ásthildar en þetta var orðið nógu langt.  Það sem hvatti mig til að skrifa þetta var aðalega til að verja Biblíuna og þeim sem byggja trú sína á henni en ekki til að verja Gunnar. Mér fannst mjög gaman að sjá þig verja Gunnar og þetta viðhorf að hann er bróðir í Kristi.  Það er viðhorf sem kristnir þurfa að tileinka sér miklu meira.

[Arnar, 29.7.2008 kl. 12:54]

Mofi:
Arnar, þú ert nú sammála að ef það væri farið eftir þessu boðorði þá væri ekki um farald að ræða ekki satt?

Já og nei, ekki beint fylgjandi því að neinn fari eftir neinu sem stendur í biblíunni.  Efast stórlega um að 'þú skalt ekki drýgja hór' hafi verið samið með HIV í huga.  Áreiðanleiki þessara banna og boða í biblíunni er nú ekki alltaf sá áreiðanlegasti, smb. svínakjöts umræðunni hérna um daginn.

Kynlífs- og getnaðarvarnafræðsla á samt forvörnum væri líklega málið, einnig þyrfti að útvega sprautufíklum hreinar nálar og blóðskimun (eða hvað sem það heitir) hefði hugsanlega byrja fyrr.

[Guðrún Sæmundsdóttir, 29.7.2008 kl. 13:18]

Góð samantekt hjá þér Mofi.

þessi pistill hennar Ásthildar er einsog þú bendir réttilega á er fullur af ranghugmyndum um biblíuna og kristið fólk 

hún Ásthildur tilheyrir greinilega nýaldartrúnni sem hefur "hannað" sinn óskaguð,  (minnir svolítið á jólasveininn) það verður henni erfitt á efsta degi að finna óskaguðinn sinn.

[Jón Valur Jensson, 29.7.2008 kl. 14:32]

Góður þessi, Guðrún!

Því má bæta við, að vísast gengur Ásthildi eitthvað gott til: að standa með fólki sem eigi erfitt eða undir högg að sækja; slíkt áhyggju- og umhyggjuefni á vitaskuld fullan rétt á sér. Aðferðin í svarinu (þ.e. dæmisögu hennar) var hins vegar feilskot hið mesta. Og vilji einhver alhæfa það um rétttrúaða presta, sem hún skrifar þar um gamla prestinn, þá eru viðkomandi greinilega haldnir megnum fordómum gegn kristinni kirkju og ekkert hrósvert við þá afstöðu. Allir þeir, sem taka vilja þátt í því að "bjarga heiminum", þurfa að skoða grandgæfilega og fyrir fram meðölin, aðferðirnar og málflutninginn, sem þau ætla sér að nota, ella er hætt við, að þau lendi í sömu súpunni og margir aðrir, sem ruðzt hafa fram með hugmyndafræði sína og stefnu og valdið meira skaðræði en allt það óréttlæti getur heitið, sem þeir hugðust leiðrétta. Og þótt sagt sé, að nýir sópar sópi bezt, er þar ekki átt við nýaldarfræðin, enda var a.m.k. allt fullt af gömlum klisjum í þessari ádeilusögu hennar Ásthildar.

Það er líka enginn vandi að teikna skrattann á vegginn, setja einhverja tilbúna sögupersónu þannig fram, að öllum finnist hún ógeðþekk í flestum atriðum, en minnizt þess, að Kristur varð sjálfur fyrri til að deila hart á hræsni og sjálfsupphafningu manna. Orðið 'hræsnari' kemur t.d. fyrir 18 sinnum í samstofna guðspjöllunum, í öllum tilfellum eftir honum haft (sumt af því tví- eða þrítekið milli guðspjallanna), sjá HÉR (leitið með leitarstrengnum); og allir eiga að þekkja sögu hans af faríseanum og tollheimtumanninum í helgidómnum.

[Mofi, 29.7.2008 kl. 15:31]

Takk Guðrún og góður punktur hjá þér að hún Ásthildur er þarna aðeins að búa sér til guð sem hentar henni.

Ég er sammála þér Jón að Ásthildur meini vel með þessu en þetta eru ljót strámannsrök hjá henni og ógeðfeld árás á þá sem eru kristnir og reyna að fylgja Biblíunni eftir því sem þeirra samviska segir þeim.  Takk fyrir að taka betur á hræsnara dæminu, það var full þörf á að fara betur í það.

[Mofi, 2.8.2008 kl. 10:56]

Árni, ef menn myndu ekki drýgja hór og ekki nota eiturlyf, heldurðu að alnæmi væri mikið vandamál í dag?

Alnæmi er dæmi um þar sem eitthvað hefur skemmst í sköpunarverkinu og er af hinu vonda.

[Mofi, 2.8.2008 kl. 16:31]

Árni, ég spurði aðeins, svo hvað finnst þér?

Nei, ég sgaði ekki að hluti af sköpunarverkinu sé af hinu vonda heldur að það gat bilað; Guð gaf okkur frjálsan vilja til að skemma það.