Hvað gæti maður látið til endurgjalds fyrir sálu sína?

Vonandi er ekki öll von úti fyrir þennan Walter Scott! 

Markúsarguðspjall 8
³⁴Og Jesús kallaði til sín mannfjöldann ásamt lærisveinum sínum og sagði: „Hver sem vill fylgja mér afneiti sjálfum sér, taki kross sinn og fylgi mér. ³⁵Því að hver sem vill bjarga lífi sínu mun týna því og hver sem týnir lífi sínu vegna mín og fagnaðarerindisins mun bjarga því. ³⁶Hvað stoðar það manninn að eignast allan heiminn en glata sálu sinni? ³⁷Eða hvað gæti maður látið til endurgjalds fyrir sálu sína? ³⁸Þegar Mannssonurinn kemur í dýrð föður síns með heilögum englum mun hann blygðast sín fyrir hvern þann sem blygðast sín fyrir mig hjá þessari ótrúu og syndugu kynslóð.“

Svo það komi fram þá er sál í Biblíulegum skilningi líkaminn plús lífsandinn svo líklegast hefur þessi Walter eitthvað að gera við sitt eigið líf.

Fyrsta Mósebók 2
⁷Þá mótaði Drottinn Guð manninn af moldu jarðar og blés lífsanda í nasir hans. Þannig varð maðurinn lifandi vera. 

Síðan ef einhver misskilningur á hvað helvíti er samkvæmt Biblíunni, sjá: Hugmyndin um Helvíti á ekki heima í Biblíunni

 

Fékk 300 þús. fyrir sálina sína

Athugasemdir

[...désú (IP-tala skráð) 3.7.2008 kl. 17:23]

Eflaust má kaupa sér kímnigáfu á EBay líka...

[DoctorE (IP-tala skráð) 3.7.2008 kl. 20:33]

Ég er til í að selja þér eða öðrum sál mína, hvað bjóðið þið?

[Egill, 3.7.2008 kl. 23:39]

DoctorE, íslendingar eru ekki alvöru trúaðir. þeir vilja bara þykjast vera það, annað hvort því þeir treysta ekki sjálfum sér fyllilega, eða til að öðlast virðingu þeirra sem þeir umgangast sem eru þá einnig trúaðir því varla ber nokkur ótrúaður virðingu fyrir trúuðum aðila fyrir þá staðreynd eina að hann trúir. 

[Mofi, 4.7.2008 kl. 00:39]

DoctorE
Ég er til í að selja þér eða öðrum sál mína, hvað bjóðið þið?

Góð spurning... það gæti verið ágætur slatti en þú veist að ég myndi senda hana beint í kirkju eða enn frekar biblíuskóla :)

Egill, ég upplifi miklu frekar að trúaðir vilja ekki opinberlega tala um sína trú. Kristnir oftar en ekki virðist vera frekar feimnir og skammist sín frekar en hitt sem er auðvitað mjög slæmt.

Lúkasarguðspjall 9
²⁶Þegar Mannssonurinn kemur í dýrð sinni og dýrð föðurins og
heilagra engla mun hann blygðast sín fyrir þann sem blygðast sín fyrir mig og mín orð

[Sigurður Rósant, 4.7.2008 kl. 14:50]

Flestir selja sálu sína eða sannfæringu sína og halda lífi í staðinn.

Þannig seldi Galíleo Galilei sannfæringu sína um gang himintungla og fékk að halda lífi sínu í staðinn.

Flest öll börn kristinna manna selja sálu sína og játa trú á Jesúm Krist til að þóknast foreldrum sínum og samfélagi. Að auki fá þau gjafir, athygli og viðurkenningu. En mest um vert er að þau eru áfram í samfélaginu og kaupa sér ákveðna tryggingu gegn einelti eða leiðinda spurningum og athugasemdum.

Það er skynsamlegt að selja sálu sína, jafnvel fyrir eitt jarðarber.

[Inga Helgadóttir (IP-tala skráð) 5.7.2008 kl. 21:34]

Ef við erum eitt með guði þá er sálinni ofaukið.  Og þá situr eftir spurningin, höfum við sál til að selja?  Höfum við upp til hópa eitthvað sem kallast sál?  Eða er sálin upphugsuð af mönnum?

[Mofi, 7.7.2008 kl. 12:00]

Rósant
Það er skynsamlegt að selja sálu sína, jafnvel fyrir eitt jarðarber

Því miður getur það verið að þú komist að því að þetta er rangt þegar það er orðið of seint.

Sigmar
P.S. Gaman að sjá að þú skulir hafa opnað bloggið þitt aftur Halldór, já eða svoleiðis, hvað kemur til?

Þetta var ekki að ...breyta neinu :)

Sigmar
Ef við erum eitt með guði þá er sálinni ofaukið.  Og þá situr eftir spurningin, höfum við sál til að selja?  Höfum við upp til hópa eitthvað sem kallast sál?  Eða er sálin upphugsuð af mönnum?

Fyrir kristni einstakling þá er það Biblían sem ákveður skilgreiningu um hvað sál er. Biblían skilgreinir sál sem aðeins líkami með lífsanda, þ.e.a.s. lifandi einstakling.  Önnur skilgreining á hvað sál er, er sannarlega upphugsuð af mönnum.