Ótrúleg tilviljun

Árið 1898, fjórtán árum áður en Títanic fór í sína jómfrúarferð þá gaf út maður að nafni Morgan Robertson bókina "Futility of the Wreck of the Titan".  Þetta var saga af ósökkvanlegu risa skipi eins og Titanic og fór í sína jómfrúarferð frá Bretlandi til New York í apríl mánuði með 2000 manns um borð.  Skipið í sögunni reyndi að fara þessa ferð á met tíma og lenti á ísjaka og sökk alveg eins og Titanic.  Ekki nóg með að nafnið á skipinu í bókinni hefði verið svipað eða "Titan", þá fórust flestir um borð vegna þess að það vantaði björgunarbáta.

Sagan af Titanic hefur ákveðnar hliðstæður við hjálpræðis áform Guðs fyrir mannkynið.  Alveg eins og lúxus skipið Titanic sökk í kalda gröf, fullt af fólki sem var að njóta lífsins þá er þessi heimur hægt og bítandi að sökkva í hendur dauðans.  Alveg eins og aðeins þeir sem voru um borð sem trúðu því að þeirra líf væri í hættu leituðu að björgunarbátum þá eru aðeins þeir í þessum heimi sem skilja að þeirra líf er í hættu að leita að björgunarbáti í þessu lífi.  Stóri ísjakinn sem dregur þennan heim og alla í honum niður í ískalda gröf er Lögmál Guðs eða Boðorðin Tíu eða frekar okkar brot á þeim.  Hérna eru sannanir fyrir því að við erum að sökkva: Jesús sagði að ef við bara horfum með losta til annars en maka okkar þá erum við að halda fram hjá í hjarta okkar og ef við höfum hata einhvern þá erum við morðingjar í hjarta okkar. Sá sem síðan brýtur eitthvað af Boðorðunum Tíu er orðin sekur hvort sem það eru lygar, þjófnaður eða öfund. Enginn sem er sekur getur öðlast eilíft líf.  Ef við yfirgefum ekki þetta sökkvandi skip þá munum við farast á dómsdegi þegar allar okkar syndir, jafnvel þær sem við aðeins hugsuðum, munu koma fram sem sönnunargögn fyrir okkar sekt. 

Sem betur fer er Guð kærleiksríkur og tilbúinn að gefa okkur náð. Í staðinn fyrir að yfirgefa þennan heim og leyfa honum að eyða sjálfum sér og öllum sem búa í honum þá ákvað Guð að senda Son Sinn til að borga fyrir gjald syndarinnar. Dauðinn og þjáningarnar sem ættu að lenda á þér og á mér lentu á Jesú Kristi og á þriðja degi þá reis Kristur upp frá dauðum og sigraði þannig dauðann fyrir mig og þig. Þannig geta allir þeir sem iðrast sett traust sitt á Jesú og það sem Hann gerði öðlast fyrirgefningu og eilíft líf.  Andartakið sem við biðjum Guð um fyrirgefningu og setjum traust okkar og trú á Krist þá förum við af vegi sem liggur til glötunnar yfir á veg sem liggur til lífs.  Enginn veit hvenær sinn tími kemur svo það er ekki eftir neinu að bíða. Það var sagt frá því að sumir björgunarbátarnir fóru hálftómir frá Titanic en það var vegna þess að sumir hreinlega neituðu að trúa því að hið ósökkvanlega skip væri að sökkva.  Þeir fórust vegna þess að þeirra trú var afvegaleidd, vertu viss um að gera ekki hið sama!  Lestu Matteusarguðspjall og reyndu að meta af fullri alvöru hvort að Jesú var ekki að segja satt því ekkert er mikilvægara en þitt eigið líf.

Markúsarguðspjall 8:36
Hvað stoðar það manninn að eignast allan heiminn en glata sálu sinni?

Titanic-farmiði seldist fyrir metfé

Athugasemdir

[Ellinn (IP-tala skráð) 20.4.2008 kl. 21:20]

Segdu svo Mofi minn gódur ad heimurinn hafi ekki getad ordid til fyrir tilviljun ;)

[Mofi, 20.4.2008 kl. 23:02]

Heimurinn gat ekki orðið til fyrir tilviljun Ellinn :)

[Svanur Gísli Þorkelsson, 21.4.2008 kl. 00:18]

Sæll Moffi.

Gaman að sjá að fleirum en mér finnst þetta merkileg tilviljun; Titan Mér hefur ætíð þótt sagan af Títanic svona eins og Babel nútímans.Ofmetnaður mannsins kemur honum í koll. Gerðist svo aftur þegar að Challenger geimferjan sprakk í loft upp. Fólk var farið að halda að þetta væri eins og að skreppa í bíltúr.

Ekki að ég vilji meina að um beina íhlutun Guðs hafi verið að ræða, því slys verða. En þau þjóna samt þeim tilgangi að minna okkur á hvar við stöndum í sköpunarverkinu

[Mofi, 21.4.2008 kl. 00:28]

Svanur, sammála að þarna var á ferðinni merkileg tilviljun.  Einnig sammála að þarna var Guð ekkert endilega að skerast í leikinn en sannarlega gott fyrir okkur að læra af svona mistökum.