Þakklæti gott heilsunni

Rannsókn í "new science of gratitude" sýndi að þakklæti er góð heilsubót.  Vísindamenn við  UC Davis og "Mississippi University for Women" fylgdist með 12 kvenkyns sjúklingum sem héldu dagbók af þeirra dvöl á spítalanum.  Einn stýrihópur átti aðeins að skrá niður hvaða áhrif lyfin hefðu og hvernig þeim leið yfirhöfuð, hvernig þeim líkaði meðferðin og þess háttar.  Hinn hópurinn átti að skrifa um hið sama en áttu líka að segja frá fimm atriðum sem þau voru þakklát fyrir.

Eftir 21 dag þá hafði heilsu hópsins sem fékk spurningarnar um þakklæti batnað mælanlega.  Fréttin um þetta hérna: http://www.news.ucdavis.edu/search/news_detail.lasso?id=8288

Biblían er full af ábendingum um að við eigum að vera þakklát, sjá 1 Þessalóníku bréf 5, Fillipibréfið 4 og Kólossusbréfið 3.  Við höfum svo margt til að vera þakklát fyrir, sérstaklega við hérna á okkar friðsama velmegunarlandi.  Verðum að muna að hver dagur er gjöf frá Guði sem enginn okkar á skilið en fáum samt. Það sem við eigum skilið er dóm fyrir okkar verk, öll okkar brot á lögum Guðs, boðorðunum tíu.

Athugasemdir

[Sigurjón, 18.8.2007 kl. 21:42]

Þetta er alveg rétt hjá þér Halldór.  Við höfum fyrir margt að þakka, sérstaklega hér á Vindskeri.  Ég þakka oft fyrir það hversu gott ég hef það.  Ég þakka snúningi Jarðar fyrir hvern nýjan dag og möndulhalla hennar fyrir árstíðirnar.

Ég fór að skoða hug minn varðandi brot á boðorðunum 10 og ég get ekki séð að ég hafi brotið eitt einasta nema kannske það 7. örsjaldan þegar ég var yngri og óreyndari.  Ég er þó alveg hættur þeirri iðju og sé ekki að ég fari að taka upp á henni aftur.

[Mofi, 18.8.2007 kl. 22:03]

Takk fyrir það Sigurjón og takk fyrir innlitið.  Miðað við mína eigin reynslu af sjálfum mér þá á ég dáldið erfitt með að trúa að þú hefur aðeins brotið hið sjöunda.  Þrátt fyrir mikla löngun að ljúga ekki og stela ekki og hata ekki þá virðast alltaf af og til yfir árið koma tilfelli þar sem ég er sekur um þessa hluti.

Bara svo þú vitir þá er ég vinur Torfa og ég kíkti nokkur sinnum á ykkur þegar þið voruð að vinna í ykkar lokaverkefni og í skólanum líka.  Bloggaðir þú eitthvað um braselíu ferðalagið þitt?

[Sigurjón, 19.8.2007 kl. 04:19]

Jamm, ég skrifaði um ferðalagið á: http://blog.central.is/sudur-amerika

Reyndar eru myndirnar ekki inni eins og er, en vonandi lagast það.

Ég vil taka það skýrt fram að ég þekkti þig strax frá byrjun vefbókarfærzlu þinnar, en legg ekki fæð á skoðanir þínar, þrátt fyrir að ég sé ósammála þeim.  Ég vil meina að ég hafi umburðarlyndi gagnvart skoðunum náungans (sem n.b. er ekki eitt af boðorðunum 10).

Varðandi þau blessuðu boðorð, er ekki talað um hatur þar á bæ.  Það er óljóst talað um lygi, eða öllu heldur ljúgvitni gagnvart náunga þínum, en ekki t.d. hvíta lygi.  Ég vil því meina að ég hafi aðeins gerzt brotlegur gagnvart 7. boðorðinu.  Ekki að mér sé ekki nákvæmlega sama; þetta vara bara pæling af minni hálfu.

Ég hef samband við Torfa bráðum og við munum hittast fljótlega.  Kannske þú hefðir áhuga á að koma saman og stunda samdrykkju?

Skál! 

[Mofi, 19.8.2007 kl. 17:06]

Hljómar vel og takk fyrir linkinn.

Varðandi boðorðin, það er á öðrum stað talað um að hatur er eins og morð í hjartanu. Á öðrum stað þá er löngunin að halda fram hjá talin hið sama og að halda fram hjá því það skiptir Guð máli er hvort að manns langanir eru góðar eða vondar.

Torfi er í Portúgal þessa daganna, kemur aftur eftir sirka viku held ég. Hefði gaman að kíkja með ykkur.