Þegar siðir manna leiða illsku af sér

Í gegnum aldirnar þá hefur mannfólkinu dottið í hug alls konar siðir og reglur til að lifa eftir. Því miður þá verða sumir af þessum siðum að gífurlegri bölvun eins og í þessu tilfelli. Augljóst þykir mér að við mannfólkið þurfum á leiðbeiningum að halda og svona harmleikir halda áfram að gerast nema breyting á siðum þessa þjóðfélags eigi sér stað.

Minnir mig á ástandið í Kína þar sem hátt hlutfall kvenna fremur sjálfsmorð á hverju ári, sjá: http://www.rfa.org/english/news/social/2003/09/17/115741/

Eins og fram kemur í þessari frétt þá er það algengt að stelpur fái enga ástúð frá fjölskyldunni, erfitt að ímynda sér þannig líf. Sömuleiðis vegna þess hve eftirsóknarvert það er að eignast strák þá er kynjahlutfallið komið úr skorðum og gífurlegum fjöldi karla mun aldrei giftast.  Það eru svona fréttir sem láta mann vera þakklátann að búa hérna á klakanum.

Ungabarn grafið lifandi

Athugasemdir

[Predikarinn - Cacoethes scribendi , 6.7.2007 kl. 02:32]

Það er merkilegt að flestir þeir sem eru alveg missa andann af heilagri vandlætingu á þessum útburði eru fóstureyðingarsinnar ! Þvílík hræsni - þvílík tvöfeldni!

[Mofi, 6.7.2007 kl. 10:21]

Takk fyrir copy peistið, alveg sammála þér.

[Mofi, 6.7.2007 kl. 23:07]

Ég sé nú ekki alveg afhverju það ætti að gefa manni hamingju. Óneitanlega eru hræðilegir hlutir í þessum heimi en mér finnst nú frekar eitthvað sem gæti gefið manni hamingju er loforð Guðs um að enda þessar þjáningar og illsku og koma á fót sínu ríki.

[Janus Hafsteinn Engilbertsson, 7.7.2007 kl. 00:58]

Þetta segir okkur líka að við búum í syndugum heimi. Og að svona lagað mun viðgangast þangað til að Hann kemur sem sagði: "Leyfið börnunum að koma til mín, varnið þeim eigi, því að slíkra er Guðs ríki." Já, það verður dásamlegt þegar Jesús kemur og stofnar sitt ríki. Því þar mun verða friður, réttlæti og mannvirðing.

Ég er líka sammála Prédikaranum. Það er hræsni og tvöfeldni að gráta eitt barn á meðan þeir samþykkja að börn séu deydd í móðurkviði. Og bara hér á yfir 800 börn á ári.