Vísindi eru ekki ákveðin skoðun heldur aðferðafræði

29.11.2019 | 17:02

Vísindi eru ekki ákveðin skoðun heldur aðferðafræði

Andri Snær virðist halda að vísindi séu ákveðin skoðun og aðeins sú skoðun má koma fram í fjölmiðlum. Kannski jafnvel ef fólk eins og hann mætti ráða, þá mætti þannig skoðun hvergi koma fram. Andri eins og margir aðrir halda að allir vísindamenn séu sammála um gróðurhúsaáhrif. Hið sama fólk telur örugglega líka að allir vísindamenn séu sammála um allt milli himins og jarðar og ef maður vill hinn hreina sannleika, þá spyr maður vísindamann, því ef þú spyrð einn, þá ertu í rauninni búinn að spyrja þá alla.

Það kann að koma mörgum á óvart en það eru tugþúsundir vísindamanna með gráður í þessum fræðum sem hafa aðra skoðun á hlýnun jarðar vegna mannkyns. Hérna er t.d. verkefni þar sem 31.487 vísindamenn hafa skrifað undir að þeir efast um þessar hamfarir. Af þeim eru níu þúsund sem hafa doktorsgráður, sjá: http://www.petitionproject.org/

Því miður vill fólk einföld svör. Það vill hafa hlutina á hreinu og alls ekki glíma sjálft við gögnin og rökin, báðu megin enda hver hefur tíma fyrir öll þau málefni sem vísindamenn glíma við.

Fyrir mitt leiti þá fannst mér einmitt það vera hálfgerður heilaþvottur af RÚV að hafa aðeins einn tvö aðila sem hafa einhverjar efasemdir að taka þátt í umræðunni. Þannig myndi fólk halda að það er búið að heyra hina hliðina og það vera alveg viss um að það eru engnir alvöru vísindamenn sem efast um það sem er verið að fjalla um.

	Óboðleg umræða afneitunarsinnna
Ábyrgðarmaður færslu Tilkynna um óviðeigandi tengingu við frétt

Meginflokkur: Trúmál og siðferði | Aukaflokkar: Stjórnmál og samfélag, Umhverfismál | Facebook

Athugasemdir

Já, þetta eru 0,3% af þeim Bandaríkjamönnum sem hafa einhverja háskólagráðu í einhverjum raunvísindum. Hversu stór hluti þessa fólks hefur einhverja þekkingu á loftslagsmálum veit ég ekki. Sé því ekki hvaða máli þetta skiptir. Það sem skiptir máli í vísindum eru rannsóknir og rök, ekki einhverjir undirskriftalistar.

Þorsteinn Siglaugsson, 29.11.2019 kl. 22:56

Þorsteinn, þetta er einfaldlega að mæta þessari hugmynd um að allir vísindamenn hafi ákveðna skoðun. Alveg sammála að það sem skiptir máli í vísindum eru rannsóknir og rök en ég er ekki að sjá það í þessari loftslagsumræðu, sé bara þau rök að allir vísindamenn segja þetta og þar af leiðandi er þetta satt svo þess vegna eigum við að gera... vanalega, láta ríkið fá peninga því að aðeins Guð og ríkið geta leyst vandamál.

Mofi, 30.11.2019 kl. 14:45

Alveg sammála að það eru RANNSÓKNIR OG RÖK sem skipta máli. Og það eru rannsóknir og rök sem segja okkur hvað er að gerast í heiminum. Og sem segja okkur að loftslag er að hlýna af manna völdum. Það er ekki bara einhver *skoðun*.

Einar Karl, 3.12.2019 kl. 13:10

Ég sé ekkert slíkt og allir þeir sem eru einmitt að boða þetta gera eins og þú, bara fullyrða en geta ekki bakkað það upp með einhverju haldbæru.

Mofi, 3.12.2019 kl. 13:24