Billy Graham fór ekki til himna

Billy Graham er eins og spámaðurinn Daníel í Gamla Testamentinu, hann sefur í dufti jarðar til efsta dags.  Svo að er mín trú að Billy Graham muni fara til himna en það gerist ekki þegar við deyjum heldur gerist við upprisuna. Miðað við það sem ég hef heyrt frá Billy Graham þá var hann einlægur maður Guðs og mun erfa eilíft líf þegar að því kemur. Þrátt fyrir það sem margir halda að aðeins þeir sem eru þeim sammála munu erfa eilíft líf þá er það að mínu mati kolrangt. Fólk sem fylgir í einlægni því ljósi sem það hefur uppgvötað eða gefið er það fólk sem Guð mun kalla fólk eftir Hans hjarta. 

Hérna er stutt myndband sem útskýrir hvað Biblían segir um hvað gerist þegar við deyjum.

 

Billy Graham látinn

Athugasemdir

[Gunnlaugur Hólm Sigurðsson, 26.2.2018 kl. 22:08]

Fór hann ekki til Helvítis eins og hinir? Flest trúarbrögð halda því fram að ef þú ert ekki hluti af þeirra trú, þá farir þú til helvítis. Þar sem það eru fleiri en ein trúarbrögð í heiminum og þar sem fólk tilheyrir ekki fleiri en einum trúarbrögðum í einu, má ganga útfrá að allar sálir fari til helvítis.

[Mofi, 27.2.2018 kl. 09:04]

Það eru sumir sem trúa slíku, þar sem ég trúi ekki einu sinni á helvíti þá er það langsótt fyrir mig. Frá mínum sjónarhóli er Guð að reyna að ná til allra og þeir sem öðlast eilíft líf eru ekki þeir sem ná sem flestum spurningum á einhverju prófi rétt.