Hinir seku en frjálsu

Ég skil mæta vel reiðina í þessu máli en mér finnst miklu stærri spurning vera að ræða hérna sem er, hvenær ertu saklaus og hvenær ertu sekur.  Þegar fólk hlýtur dóm og afplánar sína refsingu, á að halda áfram að refsa því eftir að það kemur aftur út í samfélagið?

Mitt svar er nei. Það er hvorki réttlátt né heilbrygt fyrir samfélagið að hafa fólk frjálst ferða sinna en samt útilokað og refsað á einn eða annan hátt vegna glæpa sem það er búið að sitja inni fyrir.  Kjarninn í kristinni hugmyndafræði er frelsun frá synd, að fá fyrirgefningu og geta byrjað upp á nýtt. Í þessu eru aðeins tveir hópar manna, þeir sem gera sér grein fyrir því að þeir þurfa á þessu að halda og þeir sem gera sér ekki grein fyrir því.

„Höfum ekki tæmt úr réttlætisbrunninum“