Aðventisti í framboði til að verða forseti Bandaríkjanna

Það er ekki oft sem að einhver sem kemur af fátækum ættum er í framboði til forseta Bandaríkjanna. Aftur og aftur sjáum við atvinnu pólitíkusa sækjast eftir þessu starfi, fólk sem hefur litla sem enga reynslu af venjulegri vinnu, reynslu af því að hafa ekki ættingja sem geta hjálpað þeim til að öðlast frama. Ben Carson er maður sem ólst upp hjá fátækri einstæðri móður sem gat varla lesið en með mikilli vinnu þá varð hann einn virtasti taugaskurðlæknir heims. Hann er einnig aðventisti svo ég vona að hann verði kirkjunni til sóma og enn sem komið er þá finnst mér hann hafa gert það.  Það verður mjög forvitnilegt að fylgjast með þessum kosningum en líkurnar að aðili sem er fyrir utan valda klíkuna verði kosinn forseti er eitthvað sem er mjög ólíklegt. 

 

Tveir nýir frambjóðendur repúblikana

Athugasemdir

[Tómas Ibsen Halldórsson, 5.5.2015 kl. 16:21]

Mér líst vel á Ben Carson og vona svo sannanlega að hann nái langt, jafnvel alla leið.  Hann virkar málefnalegur og yfirvegaður og það kæmi mér ekki á óvart að hann næði að hrífa kjósendur með sér.  Ég vona það alla vega.

[Mofi, 6.5.2015 kl. 08:34]

Já, verður gaman að sjá hvernig hann stendur sig í kappræðum og hvort hann fær eitthvað fylgi. Það er erfitt fyrir þá sem eru ekki atvinnu pólitíkusar að keppa við þá en svakalega vantar almenningi menn sem eru þarna af hugsjón en ekki að þetta er þeirra atvinna.