Náttúrulaust Ísland

Það er eins og íslendingar viljum land sem er án dýra. Það er ekki mikið af dýrum á Íslandi en þau fáu sem eru á klakanum virðast vera óvelkomin af ótrúlega mörgum vælukjóum. Refir mega varla kíkja úr sínum holum án þess að hópur af bænda bjánum reyna að drepa þá og kettir mega varla ganga um einhverja garða eins þess að ónáttúrulegt fólk byrjar að væla yfir því að það sé eitthvað líf á sementaða garðinum þeirra.  Það virðast vera ótrúlega margir sem vilja lifa í líflausum heimi, náttúrulausum heimi. 

Þegar búið er að sjá til þess að engir kettir séu út í náttúrunni, hvað er þá næst? Fuglarnir sem skíta líka á lóðirnar?  Og eftir það... ekki mikið því að listinn af dýrum sem eru á klakanum er afskaplega stuttur.

Ég að minnsta kosti vil ekki búa í líflausum heimi sem er fjandsamlegur dýrum. Ef að þú vilt ekki ketti eða önnur dýr í garðinum þínum þá skaltu bara byggja nógu háa múra í kringum þitt steypu hús og steypu garð og halda þig þar inni þar sem ekkert líf er. Persónulega vildi ég senda svona fólk út í sveit í samfélagsþjónustu, moka kúaskít það sem eftir er.

„Ég er enginn kattahatari“

Athugasemdir

[Friðrik Friðriksson, 19.7.2013 kl. 12:00]

Algjörlega sammála þessu.

[Matthildur Jóhannsdóttir, 19.7.2013 kl. 12:17]

Það á að sekta fólk sem hendir dýrunum sínum út á Guð og gaddinn alla nóttina, svo þau eru að dauða kominn og skríða inn til nágrana.

[Mofi, 19.7.2013 kl. 12:20]

Matthildur, ég er alveg sammála þér að dýr sem búa hjá fólki á ekki að þurfa að reyna að lifa af ískaldar nætur á Íslandi; það er bara virkilega illa gert og fullkomlega eðlilegt að sekta slíka hegðun.

[Hörður Halldórsson, 19.7.2013 kl. 12:20]

Hundar og kettir eru eigendum mikill gleðigjafi .Auðvitað þarf aðhald og reglu í dýrahaldi eins og öðru. Bjó einu sinni á 1hæð/ jarðhæð í blokk og áttum við kött sem hoppaði inn og út um gluggann hjá okkur og fór sinna ferða sjálfur.Samt þurfti kona á efstu hæð blokkarinnar að kvarta yfir honum.Bar það fyrir sig að við gætum borið með okkur kattarhár fram á gang .Steríl hugsun út í gegn.

[Mofi, 19.7.2013 kl. 12:45]

Sumt fólk lifir á kvörtunum, það er eins og það er eina sem þeim dettur í hug til að fá athygli. 

[Linda, 19.7.2013 kl. 14:21]

Besta leiðinn til að halda öðrum kisum úr garinum hjá þér er að eiga einn slíkann sjálf/ur kettir eru svæðisfrekir. Hafa kattasand inni og kisi mun nota hann. Ég er með lítinn garð og það koma ekki kettir til mín, sjálfsagt vegna kisu og ekki síst hundana (báðir litlir) Svo er annað ráð, það er að strá kanil lauslega yfir beðin, Kettir hata víst lygtina af kanil.

Eflaust er það ágæta fólk sem vælir hvað mest að nota eytur til að halda öllu fullkomnu í garðinum og því fáum við ekki að njóta þess að sjá Maríu hænuna sinna verki sínu að éta blaðlús og önnur og önnur skordýr :(

Hinsvegar þetta með páfagaukinn var ekki gott :( Ég mundi prufa að bynda kanil stangir þar sem gluggar eru opnir.

PS kettir grafa skítinn sinn, skilja hann yfirleitt ekki á glámbekk of fínir með sig fyrir slíkt. ;)

[admirale, 19.7.2013 kl. 16:11]

Þetta er nú eitthvað undarlegt, mofi, ég held ég sé sammála þér :)

[Brynjólfur Þorvarðsson, 19.7.2013 kl. 16:35]

Admirale, segjum tveir! O tempora, o mores!

[Davíð Gíslason (IP-tala skráð) 19.7.2013 kl. 18:56]

Bíddu við Moffi, ert þú ekki einn af þessu ónáttúrulegu vælukjóum, það eru ekki nema fáar vikur síðan þú lagðir til hér á síðunni þinni að við ættum að fækka mávum verulega vegna þess að þér finnst þeir ljótir og leiðinlegir?

[Mofi, 19.7.2013 kl. 19:11]

admirale og Brynjólfur, partý hjá mér til að fagna þessum tímamótum :)

Davíð, jebb, akkúrat :)    

[Theódór Gunnarsson, 19.7.2013 kl. 20:35]

Þetta er skemmtileg tilbreyting. Það er ekki oft sem ég er sammála Mófa.

[Theódór Gunnarsson, 19.7.2013 kl. 20:36]

Davíð,

Ég var einmitt að hugsa þetta með mávana.

[Mofi, 19.7.2013 kl. 21:50]

Theódór, þá átt við, þú vilt losna við mávana líka? :)     Ég meina, ég vil ekkert losna við þá alla, fínt að hafa einn tvo eftir, og þá helst af sama kyni :)

[Högni Elfar Gylfason, 20.7.2013 kl. 09:31]

Elsku kallinn minn.

Ég held að þú ættir aðeins að líta upp úr biblíunni og horfa í kringum þig. Ef þú vilt hafa fjölbreytilegt dýralíf, þá lætur þú ekki rándýrategundir fjölga sér út í hið óendalega. Fjöldi refa hefur margfaldast á síðustu kannski tíu til fimmtán árum og afleiðingarnar eru fátæklegra mófuglalíf, ásamt miklu álagi á rjúpnastofninn, æðarvórp og í talsvert er einnig drepið af lömbum fyrir bændum. Og já... Ég er einn af þessum bændabjánum, en ég hef ekki áhuga á að útrýma neinum dýrategundum, heldur aðeins að skekkja ekki jafnvægið í náttúrunni með aðgerðum eða aðgerðaleysi sbr. friðun refs út um allt land í svokölluðum þjóðgörðum.

Bestu kveðjur

[Mofi, 20.7.2013 kl. 18:40]

Eins og Davíð hérna var að skjóta á mig þá vil ég halda mávum í skefjum og   hið sama að mínu mati á við refi. Hef ekkkert rannsakað það neitt hvort að refir séu orðnir of margir, aldrei séð ref á Íslandi svo frá mínum sjónarhóli virðist ekki vera mikið af þeim.  Ég held að það væri snilld að vera með þjóðgarð þar sem alls konar dýr væru friðuð, held að slíkur staður yrði algjör paradís.

[Theódór Gunnarsson, 21.7.2013 kl. 09:45]

Sá þjóðgarður er til. Friðlandið á hornströndum. Þar morar reyndar allt í ref og hann er svo gæfur að ég heyrt að hann taki góðgæti úr lófa.

[Theódór Gunnarsson, 21.7.2013 kl. 09:48]

Mófi, varðandi mávana, þá verð ég að viðurkenna að mér finnst þá skorta sjarma. Gargið í þeim er t.d. bæði ljótt og hávært.

[Mofi, 21.7.2013 kl. 17:08]

Theódór
Sá þjóðgarður er til. Friðlandið á hornströndum. Þar morar reyndar allt í ref og hann er svo gæfur að ég heyrt að hann taki góðgæti úr lófa.

Þá fer ég pottþétt þangað næst þegar ég fæ tækifæri! Gaman að heyra þetta.

Sömuleiðis gaman að heyra að þú ert sammála mér að mávurinn er ekki beint sjarmerandi dýr.

[Jón Bjarni Steinsson (IP-tala skráð) 25.7.2013 kl. 09:54]

Þú gerir þér grein fyrir því er það ekki Mofi að Refir eru drepnir einmitt í þeim tilgangi að viðhalda fjölbreyttu dýralífi.

Hvað þessa kattaumræðu varðar þá skiptast þar á öfgar, auðvitað á ekki að banna kattahald, eða banna þeim að fá að vera úti.. en mætti ekki skylda menn til þess að skrá kettinna sína, vana ketti sem fá að vera lausir úti og hugsanlega rukka eigendur um eitthvað gjald fyrir að fá að halda þá í þéttbýli. Þá peninga mætti nota til að t.d. þrífa kattaskít úr sandkössum sem börn leika sér í, auk þess sem slík gjaldtaka myndi kannski draga úr því að ábyrgðarlaust fólk væri að fá sér ketti sem það hefði ekkert með að gera eða gæti ekki sinnt almennilega