Lambið að verða að dreka

Samkvæmt mínum skilningi á spádómum Biblíunni þá átti ríki að koma upp eftir að Kaþólska kirkjan varð fyrir miklum áföllum og hætti að geta ráðskast með kónga Evrópu og þetta ríki átti að vera kristilegt vald. Þetta veldi er Bandaríkin og sannarlega byrjuðu þau með kristin gildi enda nokkurn veginn kristið mótmælenda land í upphafi. En síðan átti það að breytast og byrja að hegða sér og tala eins og dreki en dreki er táknmynd djöfulsins í Biblíunni.

Saga Bandaríkjanna endurspeglar þetta mjög vel. Þau byrja sem lýðræði þar sem mannréttindi og trúfrelsi eru grundvölluð í stjórnaskrá landsins. En síðan hafa Bandaríkin breyst mjög mikið og hafa hegðað sér í engu samræmi við þetta með stríðum út um allan heim og með puttana í framtíð ótal þjóða og oftar en ekki með miklum fantaskap.  Að fylgjast með símanotkun miljónum manna er í samræmi við þessa breytingu þar sem lýðræði, samviskufrelsi og trúfrelsi munu smá saman hverfa og það sem stendur eftir verður vald sem ofsækir.

Ef að þessi skilningur á þessi spádómi er réttur þá er það sem eftir á að gerast er að Bandaríkin munu þvinga fólk til að brjóta hvíldardagsboðorðið, að halda sjöundadaginn heilagan og ofsækja þá sem neita að hlýða. Ég sé ekki betur en að það getur ekki verið langt þangað til vegna þess að máttur Bandaríkjanna er sífelt að minnka og kannski ekki of langt þangað til að Bandaríkin hafa ekki bolmagn til að geta gert þetta.

Sumir hugsa að ef að þeir sjá þetta virkilega gerast þá munu þeir skipta um skoðun og fara að fylgja Guði en það getur verið að þá verði það of seint; að þegar þessi spádómur rætist að þá verði búið að loka dyrum náðarinnar. Að þá hafa allir hafa innsiglað sína ákvörðun, hvort þeir vilja fylgja og hlýða Guði eða ekki.

Til að skilja þessa spádóma þá mæli ég með þessari fyrirlestraröð hérna: http://www.hopevideo.com/david_asscherick.htm

Fylgst með símtölum Bandaríkjamanna