Er trú aðventista áreiðanlegri en annara?

Fyrir nokkru gerði ég grein um kristni og afhverju ég trúi að hún er áreiðanlegri en önnur trúarbrögð á jörðinni, sjá: Er kristni áreiðanlegri en önnur trúarbrögð?

Nú er komið að minni trú, af hverju ég er aðventisti.  Þeir sem komast til trúar á Krists spyrja sig flestir þessu "hvaða kirkju á ég að tilheyra?". Þar sem kirkjudeildirnar eru ótrúlega margar þá virðist þetta vera mjög erfið og flókin spurning.  Ég tel að þetta vandamál er miklu minna en það virðist vera við fyrstu sýn.

Í Opinberunarbókinni 14. kafla er að finna lýsingu á þremur englum sem hafa síðasta boðskapinn sem Guð hefur að færa jörðinni fyrir endurkomuna. Rétt á eftir þeirra boðskapi er að finna lýsingu á því fólki eða kirkju sem er fólk Guðs á tímum endalokanna.

^{Opinberunarbókinni 14:12}
Hér reynir á þolgæði hinna heilögu, þeirra er varðveita boð Guðs og trúna á Jesú.

Virkar mjög einfalt enda flestar kirkjur líklegast telja að þetta eiga við sig en það er einfaldlega ekki rétt. Flest allar kirkjur varðveita níu boðorð af boðorðum Guðs en sleppa hvíldardagsboðorðinu.

Annað vers sem gefur líka góða vísbendingu varðandi hvað einkennir kirkju Guðs á síðustu tímum er þetta hérna:

^{Opinberunarbókin 19:10}
Og ég féll fram fyrir fætur honum til að tilbiðja hann og hann segir við mig: "Varastu þetta! Ég er samþjónn þinn og bræðra þinna, sem hafa vitnisburð Jesú. Tilbið þú Guð. Vitnisburður Jesú er andi spádómsgáfunnar."

Þessi kirkja hefur fengið spámannlega leiðsögn. Alveg eins og við flest alla stóra viðburði í sögu Ísraels þá sendi Guð spámann til að leiða Hans fólk.  Það eru alls ekki margar kirkjur sem trúa að Guð hafi sent spámann til þeirra. Mér dettur í hug tvö dæmi, Mormóna kirkjan og Baháí söfnuðurinn en hvorug þeirra heldur öll boðorðin tíu svo þær koma ekki til greina.

Á meðal stofnenda Aðvent kirkjunnar var kona að nafni Ellen White sem fékk sýnir frá Guði varðandi ótal margt og meðal annars hafa hennar sýnir varðandi heilsu aukið lífslíkur aðventista umfram það sem gengur og gerist.

Fyrir mig er enn annað sem skiptir miklu máli en það er hugmyndin um helvíti og eilífar kvalir syndara sem deyja. Þessi hugmynd er virkilega gróf árás á lyndiseinkunn Guðs að ég afskrifa allar kirkjur sem halda í þessa kenningu en þær eru mjög margar.

Enn annað sem skiptir mig miklu máli er að finna í boðskapi fyrsta engilsins í Opinberunarbókinni 14. kafla er að boða tilbeiðslu á skaparanum. Þar af leiðandi mun kirkja Guðs kenna sköpun samkvæmt Biblíunni. Aðvent kirkjan hefur alltaf haldið fast í sköpun enda mjög erfitt að halda í hvíldardaginn og sleppa sköpun.

Þannig út frá mínum sjónarhól er mjög einfalt að vita hvaða kirkju ég á að tilheyra, það þarf ekki svo mikla rannsókn eða íhugun, liggur bara nokkur skýrt fyrir. Kirkjan þarf að trúa á Jesú, halda boðorðin tíu, þar á meðal að halda sjöunda daginn heilagann og hafa fengið leiðsögn spámanns.  Allt of margir leita að kirkju út frá hvaða kirkja er næst þeim, hvaða kirkja er með bestu tónlistina, hvaða kirkja hefur fólk sem manni líkar vel við eða líkar vel við prestinn eða er með gott barnastarf.  Mín skoðun er að Guð og Hans sannleikur á að vera í fyrsta sæti og svo kemur allt hitt á eftir.

Hérna fer Doug Batchelor yfir hans reynslu af því að leita að sannleikanum og finna sitt heimili í Aðvent kirkjunni.

Athugasemdir

[Jón Ragnarsson, 6.12.2012 kl. 23:15]

Nei. Ekki frekar en trú á Seif eða Osíris.

[Mofi, 7.12.2012 kl. 08:24]

Ég held að ég hafi ekki enn séð athugasemd með eitthvað innihald frá þér Jón Ragnarsson.