Biblían er með bestu útskýringuna á hvernig Miklagljúfur myndaðist

Einn skemmtilegur leikur sem ég hef spilað nokkrum sinnum er þannig að maður fær smá upplýsingar um sögusvið og síðan þarf maður að spyrja spurninga sem aðeins má svara með já eða nei. Ein skemmtileg saga er þannig að langt inn í eyðimörk er nakinn maður haldandi á brotinni eldspýtu. Engin fótspor í kringum og engin mannabyggð eða neitt þannig í sjónmáli.  Hvað gerðist? 

Það er skemmtileg "aha" stund þegar maður fattar söguna á bakvið atburðinn og allt í einu þá skilur maður hvernig öll púsluspilin raðast saman og ráðgáturnar leysast.

Hið sama getur gilt um ráðgátur í jarðfræðinni. Maður horfir á gljúfur, setlög og steingervinga og maður reynir að skilja hvaða saga útskýrir öll þessi gögn.  Þegar maður skilur sögu Biblíunnar varðandi hvað gerðist í fortíðinni þá getur maður upplifað svona "aha" stund og öll þessi gögn eru skiljanleg út frá Biblíunni og í rauninni gögn sem styðja sögu Biblíunnar.

Út frá sögu Biblíunnar um flóðið þá mynduðust nærri öll setlög jarðar í syndaflóðinu. Þegar síðan öll jörðin var hulin vatni þá rann vatnið af jörðinni og að stórum hluta skar út yfirborð jarðar. Hérna er fyrirlestur sem fer ýtarlega yfir myndun Miklagljúfurs.

Google kortleggur Miklagljúfur