Illska og vilji Guðs

Það er alltaf jafn sorglegt og ergilegt þegar einhver sem kallar sig kristinn segir eitthvað sem er af hinu illa vera vilja Guðs. Biblían samt talar um að Guð geti látið alla hluti verka til góðs fyrir þá sem ganga á Hans vegum svo í erfiðum aðstæðum þá er hægt að leita til Guðs í bæn og biðja Hann um hjálp og handleiðslu.

Varðandi fóstureyðingar þá hefur Aðvent kirkjan ákveðna opinbera afstöðu sem er að finna hérna: http://www.adventist.org/beliefs/guidelines/main-guide1.html

Persónulega finnst mér þessi afstaða veikburða og ég myndi vilja algjöra fordæmingu á fóstureyðingum nema í þeim tilfellum að líf móðurinnar er í hættu. Ég á voðalega erfitt með að leggja blessun mína yfir fóstureyðingu í tilfelli nauðgunar en sömuleiðis líka erfitt að fordæma fóstureyðingu í tilfelli nauðgunnar. Síðan má aldrei gleyma að iðrandi og leitandi sál á alltaf að nálgast með kærleika og skilningi.

En varðandi illsku og vilja Guðs. Biblían talar um að það er annað afl en Guð sem er prins þessa heims og að hérna fer fram barátta góðs og ills þar sem prins þessa heims fær að stjórna í smá tíma til að allir munu vita eðli illskunnar og taka sína afstöðu hvort þeir vilja líf með Guði eða ekki.  Þannig að þegar eitthvað slæmt gerist, þá er ekki um vilja Guðs að ræða.

En fyrir Mitt Romney þá gæti þetta kostað hann kosningarnar, þetta er það tæpt að svona gæti dugað til að eyðileggja möguleika hans til að verða forseti.

Ummæli um nauðganir vekja reiði