Óðalsbændurnir steyta hnefann

Í gegnum aldirnar hafa verið til óðalsbændur sem áttu jarðir sem síðan fátækir bændur unnu bakbrotnu til að hafa efni á því að borða og borga óðalsbóndanum leigu fyrir að mega yrkja landið hans.

Óréttlætið í þessu er öllum augljóst, að einhver eigi jarðir og þær ganga í arf og upp koma kynslóðir sem þurfa aldrei að vinna heldur einfaldlega lifa af striti annarra. Fyrst að þetta er augljóst af hverju er þá ekki augljóst að hið sama er í gangi með núverandi sægreifa?  Þeir eiga fiskinn í sjónum og síðan þurfa aðrir að fara út og veiða og borga þeim hlut fyrir vegna þess að þeir eiga fiskinn í sjónum.

Ég segi að þjóðin eigi fiskinn í sjónum og hún á að gefa atvinnu sjómönnum leifi til að veiða gegn vægu gjaldi. Þannig getur líka myndast tækifæri fyrir nýja aðila að komast inn í greinina, eitthvað sem er mjög erfitt í dag.

Sá stjórnmálaflokkur sem ætlar sér að afnema þetta kerfi fær mitt atkvæði. Verst að ég hélt að núverandi flokkar ætluðu að gera einmitt það en... annað hvort eru hérna svik á ferðinni eða heigulskapur eða ég er að misskilja þetta allt saman.

Segir aðgerðir útgerðarmanna ólögmætar

Athugasemdir

[Ingibjörg Guðrún Magnúsdóttir, 4.6.2012 kl. 14:25]

Kvótanum er úthlutað árlega gegn gjaldi held ég örugglega...

[Mofi, 4.6.2012 kl. 14:33]

Menn hafa verið að kaupa og selja kvóta í mörg mörg ár, kvóta sem var upprunalega úthlutað miðað við aflareynslu nokkura ára.