Er venjulegt salt í lagi?

Hérna er áhugavert myndband um salt, sögu salts og tenginguna við heilsu. Það sem mér finnst áhugavert er að venjulegt borðsalt skortir það sem náttúrulegt salt hefur. Ekki að venjulegt salt sé óhollt en eins og búið er að predika í mörg ár þá er slæmt að nota of mikið af því. Vegna þess að náttúrulegt salt sem ekki er búið að vinna þá inniheldur það alls konar steinefni sem líkaminn þarf og er þar af leiðandi hollt á meðan venjulegt borðsalt hefur ekki þessi steinefni.

1 poki af iðnaðarsalti á KFC

Athugasemdir

[Guðmundur Ásgeirsson, 17.1.2012 kl. 21:48]

Hreint salt er allt eins.

Ef eitthvað salt er sagt vera öðruvísi en annað salt þá gildir annað af tvennu: það er í raun nákvæmlega eins eða það er ekki salt.

Hinsvegar er fullt af efnablöndum sem innihalda efnasambandið natríumklórið ásamt öðrum efnum, seldar undir allskonar vöruheitum eins og "sjávarsalt", "náttúrusalt" o.s.frv.

Að sama skapi er eitt vatn ekkert hollara eða betra en annað vatn, því vatn er annaðhvort efnasamband vetnis og súrefnis eða ekki. Hinsvegar eru margir vökvar seldir undir ýmsum vörumerkjum sem innihalda það í bland við ýmis önnur efni. Mjólk er til dæmis ekki vatn þú það sé bróðuparturinn af innihaldi hennar.

[Mofi, 17.1.2012 kl. 22:46]

Hreint salt já en ekki náttúrlegt salt. Því fylgir alltaf helling af steinefnum sem eru góð fyrir mann en vantar vanalega í þetta venjulega borðsalt.

[Guðmundur Ásgeirsson, 18.1.2012 kl. 04:14]

Þá er það ekki salt heldur blanda af salti og "einhverju öðru".

Ef slík blanda hefur einhver önnur áhrif við neyslu en hreint salt, þá er það ekki saltið sem veldur því heldur þetta "eitthvað annað".

Að segja að þetta salt sé betra en hitt saltið er hinsvegar rökleysa.

[Mofi, 18.1.2012 kl. 08:46]

Þannig kemur salt fyrir út í náttúrunni og þannig hafa menn notað salt í árþúsundir. Það sem við höfum sem borðsalt er unnið salt þar sem þessi náttúrulegu steinefni eru ekki lengur í.

Hérna er ágæt grein sem útskýrir þetta: 8 Health Benefits of Unrefined Natural Salt

Guðmundur
Að segja að þetta salt sé betra en hitt saltið er hinsvegar rökleysa. 

Ef að tvö matvæli eru mismunandi, innihalda mismunandi efni og annað er hollara en hitt, hvernig er það þá rökleysa að segja að annað sé betra en hitt?

[Jón Ragnarsson, 18.1.2012 kl. 12:20]

http://www.quackwatch.com/11Ind/mercola.html

[Karl Jóhann Guðnason, 19.1.2012 kl. 08:55]

Mæli með sjávarsalti, það inniheldur þessi steinefni. Mjög einfalt að skipta út venjulegu salti fyrir það.

Held ekki það sé mikil munur á því og himalayasalti og auk þessu miklu ódýrara.

[Karl Jóhann Guðnason, 19.1.2012 kl. 09:04]

Samanburður á sjávarsalti og borðsalti:

http://www.naturalnews.com/029212_sea_salt_sodium.html

[Mofi, 19.1.2012 kl. 10:52]

Ég hef lesið að sjávarsalt sé verri kostur en himalayasalt en er búinn að steingleyma ástæðunum.  Takk fyrir linkinn, þetta er forvitnilegt.