Christopher Hitchens látinn ( 1949-2011 )

Christopher Hitchens hafði í lægri hlut í baráttuna við krabbamein þann 15 desember, aðeins 62 ára gamall. Sem rithöfundur og fréttamaður öðlaðist Hitchens frægð sem maður sem barðist fyrir sínum hugsjónum og sú sem var mest áberandi var hans guðleysi.  Mælskur með flotta rödd gerði Hitchens að öflugum mótherja í rökræðum en það er hægt að finna margar þannig á netinu. Ólíkt flestum guðleysisngjum sem ég kannast við þá var Hitchens á móti fóstureyðingum.

Hans sýn á kristni var mjög neikvæð, gott dæmi er viðtal við Todd Friel en í því benti Hitchens á hve óréttlát og ókærleiksrík hugmyndin um helvíti er, sjá: http://www.youtube.com/watch?v=EZB0lLIcXIA  Svakalega langaði mig að fá að tala við Hitchens þegar ég hlustaði á þetta og útskýra fyrir honum hvað Biblían segir um helvíti og hvernig þetta er aðeins heiðin hugmynd sem því miður hefur læðst inn í margar kirkjur.

Þrátt fyrir andúð á kristni þá sýndi Hitchens þeim sem báðu fyrir honum virðingu.  Mér líkaði alltaf vel við Hitchens og vona að hann hafi sæst við Guð áður en hann dó. Að Hitchens hafi iðrast og sett sina von á Krist virkar ekki líklegt en það eru engin lög sem banni manni að vona. Það væri að minnsta kosti mikil upplifun að fá að spjalla við hann á himnum.

Langar að benda á fallega grein eftir David Berlinski um Hitchens, sjá: A Flower of Chivalry: Berlinski on Hitchens, 1949-2011

Síðan Hitchens að rökræða við William Lane Craig

Athugasemdir

[Rebekka, 17.12.2011 kl. 23:24]

Ég er gífurlega svekkt yfir að Hitchens hafi tapað baráttunni við krabbameinið, það er mikill missir að honum  :(  Hann sagði oft upphátt það sem aðrir þorðu varla að hugsa í hljóði.  

Cristopher Hitchens var ekki á móti fóstureyðingum í þeim skilningi að þær ættu að vera bannaðar, t.d. var hann andvígur því að Roe v. Wade dómnum yrði snúið.  Hann vildi að reynt yrði að koma í veg fyrir þær eftir fremsta megni með því að auka aðgang að getnaðarvörnum og bæta kynfræðslu.  Hann var hins vegar á þeirri skoðun, líkt og margir "pro-life" stuðningsmenn, að líta ætti á fóstur sem ófætt barn.

Að lokum vil ég segja að ég tel það ekki einungis ólíklegt, heldur hreint út sagt ómögulegt að Hitchens hafi  "sæst við Guð" áður en hann dó.  Það myndi ganga algerlega á móti öllum hans karakter og núlla út allt sem hann hefur sagt um trúarbrögð á ævinni.  Hitchens var staðfastari en svo, og hann sagði það sjálfur við fjölmörg tækifæri eftir að hann greindist með krabbamein.

Að Hitchens hafi tekið kristni á dánarbeðinu væri svipað og ef þú, Mofi, myndir afneita Jesú á þinni dánarstundu :P

[Mofi, 18.12.2011 kl. 00:09]

Maður má vona.

[Mofi, 18.12.2011 kl. 13:54]

Bara til að vera nákvæmur þá dó Hitchens úr lungnabólgu en það var hluti af glímunni við krabbamein.