Vegna þess að lögleysi magnast mun kærleikur flestra kólna

Svona fréttir eru ekki hollar fyrir sálina. Það hreinleg nýstir í mann að horfa á myndbandið, get ekki mælt með því að horfa á það. Vil ekki hafa myndbandið hérna en bloggarinn Gunnar Th. Gunnarsson er með link á það, sjá: Hér er myndbandið

Í spádómi Jesú um tíma endalokanna þá segir Hann þetta:

^{Matteusar guðspjall 24:12}
Og vegna þess að lögleysi magnast mun kærleikur flestra kólna

Fyrir mitt leiti þá er hinn kristni heimur, heimur lögleysis. Ef maður talar við aðra kristna um rétta hegðun og boðorðin tíu þá eru þeir alveg harðir á því að þetta eru lög Guðs og okkur ber að fylgja þeim. En, ef maður talar við kristna um fjórða boðorðið, hvíldardaginn þá allt í einu er búið að afnema lögmálið. Þá eru hinir kristnu dánir lögmálinu og við höfum frelsi í Kristi til að... ja, líklegast gera það sem okkur dettur í hug.  Í einu orði munu kristnir segja að þeir eru að reyna að fara eftir vilja Guðs eins og þeir best geta en þegar maður bendir á að lögmálið er yfirlýsing Guðs um hver Hans vilji sé og hvíldardagurinn er þarna í miðjunni á því þá vilja þeir ekkert hafa með það að gera og vilji Guðs breytist í þeirra eigin vilja. Enn aðrir segja að þeir vilja losna við alla synd úr lífi sínu en þegar maður bendir á að synd er lögmálsbrot ( 1. Jóhannesarbréf 3:4 ) þá breyttist tónninn algjörlega.

Í gegnum Gamla Testamentið þá kemur orðið "lögmál" eða Torah fyrir yfir tvö hundruð sinnum. Í nærri því öllum þessum tilvikum er Guð að biðja fólk sitt um að ekki brjóta lögmálið. Ég gerði stutta grein um lögmálið hérna: Eiga kristnir að fara eftir Móselögunum?

Mín trú er að kærleikur manna er gjöf frá Guði en Guð mun ekki láta anda sinn endalaust vera hjá því fólki sem neitar annað hvort Honum eða að fara eftir Hans lögum. Þegar það gerist þá munu þeir sem vilja elska, ekki einu sinni geta það því að uppspretta kærleikans mun hafa yfirgefið þá.

 

Hundsuðu barn sem varð fyrir bíl