Níu ástæður til að trúa ekki á Guð Biblíunnar?

22.12.2010 | 13:34

Níu ástæður til að trúa ekki á Guð Biblíunnar?

1. Skilyrðislaus kærleikur - með skilyrðum.

Það er ekki kærleikurinn sem er skilyrðislaus heldur eilíft líf sem er háð skilyrðum. Guð mun ekki gefa eilíft líf þeim sem vilja það ekki eða þeim sem munu misnota það eins og þeir misnotuðu þetta líf eða þeir sem hafna Guði sjálfum.

2. Frjáls vilji - en þú verður að hlýða

Upplifir virkilega einhver lífið þannig að hann hafi ekki frjálsan vilja þó hann megi ekki stela, myrða, ljúga eða halda fram hjá? Við höfum frjálsan vilja en ekki alfrjálsan.

3. Guð gerði heiminn fyrir menn - 70% saltvatn

Of heimskulegt til að eiga skilið svar.

4. Skapaði manninn með forhúð en skipaði honum síðan að skera hana af

Mér einfaldlega finnst þetta afar ómerkilegt, lítið meira um það að segja.

5. Óvart gerði fólk of klárt til að trúa á Guð

Það eru ekki gáfur sem koma í veg fyrir að fólk trúir ekki á Guð.

6. Bannar fóstureyðingar en veldur síðan fósturláti

Við höfum einfaldlega ekki vit til að velja hver á að fá að lifa og hver ekki, Guð aftur á móti veit framtíðina og veit allt þar af leiðandi treysti ég að minnsta kosti Guði fyrir þessu.

7. Drepur miljónir í náttúruhamförum - þeir sem lifa af þakka lífgjöfina

Það mun koma sá dagur þar sem Guð mun eyða fólki og sá dagur er kallaður dómsdagur. Í augum Guðs þá er dauði hér á jörð aðeins stuttur svefn þar sem að viðkomandi mun lifna aftur við. En, sumir munu standa andspænis dómi og fá ekki eilíft líf en enginn á skilið eilíft líf, það er dýrmæt gjöf sem enginn á tilkall til.

8. Gyðingar útvalda fólk Guðs - Helförin

Gyðingarnar voru aðeins útvaldir til þess að geyma orð Guðs og síðan taka á móti Jesú Kristi. Allir fólk á meðal allra þjóða eru börn Guðs sem Guð vill að öðlist eilíft líf.

9. Fela steingervinga í jörðinni - tröll vísindamenn

Steingervingarnir eru til minningar um dóm Guðs á þessari jörð og viðvörun að þessi jörð mun aftur verða dæmd. Veit ekki alveg hvað viðkomandi á við með "tröll" vísindamenn. Kannski fer það í taugarnar á viðkomandi að það eru ekki allir vísindamenn guðleysingjar sem kaupa öll þau ævintýri sem þeir skálda upp.

Meginflokkur: Trúmál og siðferði | Aukaflokkur: Trúmál | Facebook

Athugasemdir

Það er verið að tala um að guð sé að trolla vísindamennina með því að setja steingervinga í jörðina sem benda til þróunar.

Það er ekki kærleikurinn sem er skilyrðislaus heldur eilíft líf sem er háð skilyrðum.

Þetta er svolítið ruglingslegt hjá þér. "Það er ekki kærleikurinn sem er skilyrðislaus" = kærleikurinn er háður skilyrðum.

Hjalti Rúnar Ómarsson, 22.12.2010 kl. 22:56

Hjalti, en þar sem þeir benda ekki til þróunnar þá er þetta dáldið kjánaleg rök. Ef að steingervingarnir bentu til þróunar þá hefðum við ekki Kambríum spreninguna eða þá reglu að tegundir birtast og síðan breytast ekkert eftir það.

Steven J. Gould, Harvard
The evolutionary trees that adorn our textbooks have data only at the tips and nodes of their branches; the rest is inference, however reasonable, not the evidence of the fossils

Hjalti
Þetta er svolítið ruglingslegt hjá þér. "Það er ekki kærleikurinn sem er skilyrðislaus" = kærleikurinn er háður skilyrðum.

Eilíft líf er háð skilyrðum og mjög sanngjörnum skilyrðum. Þeir sem öðlast ekki eilíft líf, Guði þykir vænt um það fólk þó Hann geti ekki veitt því eilíft líf.

Mofi, 23.12.2010 kl. 09:27

Hjalti, en þar sem þeir benda ekki til þróunnar þá er þetta dáldið kjánaleg rök.

Ertu búinn að fá svar frá AiG sem útskýrir hvers vegna allar sjávar-risaeðlurnar eru fyrir neðan nútíma spendýr, á meðan allir hvalir eru fyrir ofan allar risaeðlur?

Eilíft líf er háð skilyrðum og mjög sanngjörnum skilyrðum. Þeir sem öðlast ekki eilíft líf, Guði þykir vænt um það fólk þó Hann geti ekki veitt því eilíft líf.

Mofi, þú vilt sem sagt segja að kærleikurinn sé ekki háður skilyrðum. Í blogginu þínu segirðu að hann sé háður skilyrðum.

En hvernig passar þessi skilyrðislausi kærleikur við þau vers sem tala um að guð hati syndara?

Hjalti Rúnar Ómarsson, 23.12.2010 kl. 17:21

Hjalti
Ertu búinn að fá svar frá AiG sem útskýrir hvers vegna allar sjávar-risaeðlurnar eru fyrir neðan nútíma spendýr, á meðan allir hvalir eru fyrir ofan allar risaeðlur?

Nei, sendi annann póst. Heldur þú að ef þetta reynist rangt hjá þér að það geri einhverja dæld í þína trú eða er hún byggð á miklu betri dæmum en þessu?

Hjalti
Mofi, þú vilt sem sagt segja að kærleikurinn sé ekki háður skilyrðum. Í blogginu þínu segirðu að hann sé háður skilyrðum.
En hvernig passar þessi skilyrðislausi kærleikur við þau vers sem tala um að guð hati syndara?

Hvar segi ég að kærleikurinn er háður skilyrðum? Hvar eiginlega segi ég að hann er skilyrðislaus? Ég bara kannast ekki við að hafa fullyrt um þessa hluti þar sem ég er ekki alveg með þetta á hreinu sjálfur.

Ég skal alveg viðurkenna það að kannski verð ég að komast að þeirri niðurstöðu að kærleikur Guðs er ekki skilyrðislaus og að Guð í rauninni hati sumt fólk en þá auðvitað vegna góðra ástæðu og viðkomandi er farinn yfir þann punkt að hann mun aldrei iðrast og snúa til betra vegar. Ekki alveg kominn þangað en rökin eru ágæt fyrir þessu.

Mofi, 24.12.2010 kl. 13:12

"Nei, sendi annann póst. Heldur þú að ef þetta reynist rangt hjá þér að það geri einhverja dæld í þína trú eða er hún byggð á miklu betri dæmum en þessu?"

Hvað reynist rangt? Raðast steingervingarnir ekki nákvæmlega eins og hann lýsir?

Ninja Nótt (IP-tala skráð) 24.12.2010 kl. 18:06

Ninja Nótt, að þetta með sjávar risaeðlur eru allar fyrir neðan nútíma spendýr. Ég þarf að heyra báðar hliðar málsins til að vita hvað mér finnst um þetta.

Mofi, 24.12.2010 kl. 18:48

Mofi, þú gerir þér grein fyrir að þessar myndir eru að öllum líkindum upphaflega frá 4chan.org/b forums? (varúð: mikið af klámi og ljótum myndum, en einstaka góður húmor líka).

Mestu. Tröll. Ever. búa þar. Einnig er það virkilega gott dæmi um hvað hægt er að gera í gegnum internetið.

Allavega, það er samt eitthvað til í þessum myndum. Þér finnst kannski nr. 3 og 4 heimskulegar fullyrðingar, en samt. Af hverju halda margir kristnir að það eigi að fjarlægja forhúðina af karlmönnum? Hvernig í ósköpunum getur heimurinn verið sérstaklega skapaður fyrir okkur, þegar jörðin er (hingað til) EINI lífvænlegi staðurinn fyrir okkur. Veistu hvað alheimurinn er stór!? (hint: hann er mjög stór).

Meira að segja tröllin efast.

Rebekka, 24.12.2010 kl. 21:27

Rebekka, það kom einhver hér á bloggið og benti á þetta svo ég ákvað að svara því með stuttri færslu.

Rebekka
Af hverju halda margir kristnir að það eigi að fjarlægja forhúðina af karlmönnum?

Guð gerði samkomulag við Abraham og síðan gyðinga sem var innsiglaður með þessari athöfn, skrítið, óh já en það er margt heilsufarslega gott við þetta svo...

Rebekka
Hvernig í ósköpunum getur heimurinn verið sérstaklega skapaður fyrir okkur, þegar jörðin er (hingað til) EINI lífvænlegi staðurinn fyrir okkur

Ég trúi því að það eru fleiri staðir og það eru fleiri lífverur út í geimnum, það sem gerir okkur sérstök er að þetta er staðurinn sem deilan milli góðs og ills fer fram.

Efi er mjög góðu þegar viðkomandi trú býður aðeins upp á svartnætti og vonleysi.

Mofi, 25.12.2010 kl. 10:38