Geta guðleysingjar farið í heilagt stríð?

Þar sem aðal trúarbrögð Norður Kóreu eru búddismi og Konfúsíusismi þá virkar frekar skrítið að ætla að fara í heilagt stríð.  Þessi trúarbrögð trúa ekki á tilvist Guðs svo þá kemur spurningin, geta guðleysingjar farið í heilagt stríð?

Ég hef alltaf tengt heilagleika við Guð en kannski er það misskilningur hjá mér.

Að vísu samkvæmt wikipedia þá kenna skólar í Norður Kóreu að Kim Jong og pabbi hans komu frá himnum ofan og eru nokkurs konar guðir; að minnsta kosti er Kim Jong ýkt góður í gólfi, sjá: Kim Jong-il: Best Golfer in the World 

Það verður mjög forvitnilegt að sjá hvað gerist þarna milli Norður og Suður Kóreu og bara vona að þetta endi vel og vonandi losnar almenningur Norður Kóreu undan þessu einræðisherra fyrirkomulagi.

N-Kórea hótar heilögu stríði

Athugasemdir

[Axel Jóhann Hallgrímsson, 24.7.2010 kl. 12:32]

Hafa kristnir menn einkrétt á því að eitthvað sé þeim heilagt?

[Mofi, 24.7.2010 kl. 13:19]

Axel, ekki svo ég viti.

[Helga Lúthersdóttir (IP-tala skráð) 25.7.2010 kl. 13:22]

sæll Mofi

ég lít þannig á að ekki fæst friður með ofbeldi og heilagt stríð er það stríð sem Guð heyjir sjálfur gegn óréttlætinu og gegnum bænir okkar.

við eigum að launa illt með góðu. annað er á Guðs valdi og í Guðs hendi, það segir hann sjálfur í Orði sínu.

[Sigurður Rósant, 25.7.2010 kl. 14:13]

Ef kristnir, muslimir, Búddistar, Hindúar eða aðrir stórir trúsöfnuði segja okkur trúleysingjum stríð á hendur, þá erum við að sjálfsögðu lentir í "heilögu stríði", er það ekki, kæri Mofi?

[Mofi, 25.7.2010 kl. 14:44]

Helga, já, mikið rétt. Spurning hvort þú ert að vísa til þess sem Páll segir en það eru með mínum uppáhalds versum, vers sem fara á móti mínu eðli en ég veit að eru rétt og til þess að sækjast eftir.

^{Rómverjabréfið 12
9}Elskan sé flærðarlaus. Hafið andstyggð á hinu vonda, en haldið fast við hið góða.
¹⁰Sýnið hver öðrum bróðurkærleika og ástúð, og verið hver yðar fyrri til að veita öðrum virðing.
¹¹Verið ekki hálfvolgir í áhuganum, verið brennandi í andanum. Þjónið Drottni.
¹²Verið glaðir í voninni, þolinmóðir í þjáningunni og staðfastir í bæninni.
¹³Takið þátt í þörfum heilagra, stundið gestrisni.
¹⁴Blessið þá, er ofsækja yður, blessið þá, en bölvið þeim ekki.
¹⁵Fagnið með fagnendum, grátið með grátendum.
¹⁶Berið sama hug til allra, hreykið yður ekki, en haldið yður að hinum lítilmótlegu. Ætlið yður ekki hyggna með sjálfum yður.
¹⁷Gjaldið engum illt fyrir illt. Stundið það sem fagurt er fyrir sjónum allra manna.
¹⁸Hafið frið við alla menn að því leyti sem það er unnt og á yðar valdi.
¹⁹Hefnið yðar ekki sjálfir, þér elskaðir, heldur lofið hinni refsandi reiði Guðs að komast að, því að ritað er: "Mín er hefndin, ég mun endurgjalda, segir Drottinn."
²⁰ En "ef óvin þinn hungrar, þá gef honum að eta, ef hann þyrstir, þá gef honum að drekka. Með því að gjöra þetta, safnar þú glóðum elds á höfuð honum."
²¹Lát ekki hið vonda yfirbuga þig, heldur sigra þú illt með góðu.

[Mofi, 25.7.2010 kl. 14:45]

Rósant, já, lentir í en gætu guðleysingjar efnt til heilags stríðs á móti múslimum að fyrra bragði?

[Sigurður Rósant, 25.7.2010 kl. 14:57]

Mofi - Rósant, já, lentir í en gætu guðleysingjar efnt til heilags stríðs á móti múslimum að fyrra bragði?

Við guðleysingjar/trúleysingjar erum sem fagurlitaðar rósir með þyrnum innan um arfann og illgresið. Njótum bara góðs af nærveru ykkar trúaðra sem haldið jarðveginum rökum og komið í veg fyrir uppblástur.

[Sigurður Rósant, 25.7.2010 kl. 15:12]

Ef við heimtum að illgresiseitrinu Casoron sé miskunnarlaust beitt gegn arfa og illgresi í kringum rósir, þá deyja rósirnar líka.

Þannig er því líka farið með okkur trú-/guðleysingja. Þess vegna höfum við enga ástæðu til að segja trúuðum stríð á hendur. Þeir berjast innbyrðis en þora ekki að ráðast á okkur rósirnar vegna hinna oddhvössu þyrna sem við höfum.

[Mofi, 25.7.2010 kl. 15:28]

Þetta meikaði ekkert sens :)

[Sigurður Rósant, 25.7.2010 kl. 17:25]

Nú, hvar eru trú-/guðleysingjar í þessari veröld staðsettir sem eitt sameinað afl með stríðsmaskínu á bak við sig, tilbúnir að ráðast gegn stríðsmaskínum kristinna, búddískra,múslimskra eða hindúískra ríkja, að fyrra bragði eins og þú vilt meina?

Eru grillurnar í hausnum á þér, Mofi, eitthvað að stíga þér til höfuðs?

[Styrmir Reynisson, 25.7.2010 kl. 18:21]

Ég er hræddur um að fátt "meiki sens" í henni Norður-Kóreu.

Það er ekki beint hægt að kalla það sem fólki er kennt þar annað en trúarbrögð. Þetta land er í rauninni bara risa stór sértrúarsöfnuður sem trúir á Kim Jong Il og Kim Il Sung. Þeir eru "heilagir" á einhvern hátt og til dæmis er faðirinn enn forseti. Það verður forvitnilegt að sjá hvað gerist þegar Kim Jong il er dauður, sem gerist fjótlega, og sjá hvoer þeir fái þrenningu.

Það er í sjálfu sér mótsögn að lýsa yfir heilögu stríði ef þú ert guðlaus. En ef þú sjálfur ert guð hlítur það að vera heilagt ef þú fyrirskipar það. Það er ótrúleg þvælan sem vellur upp úr stjórnvöldum þarna.

[Sigurður Rósant, 25.7.2010 kl. 19:28]

Mofi - Þessi trúarbrögð trúa ekki á tilvist Guðs.....

Finnst þér ekki eitthvað bogið við svona yfirlýsingu, Mofi? Geta trúarbrögð trúað einhverju? Á lesandinn bara að vita hvað þú ert að meina?

En Búddistar og Konfúsíistar hafa bara aðeins öðru vísi guðshugmynd en kristnir, Gyðingar og múslimir. Engu að síður eins konar 'alheimsorku' eða 'alheimsafl' sem stjórna allri tilverunni og geta jafnvel ráðið örlögum einstaklinga eins og þið eingyðistrúarmenn gera.

Þar af leiðandi er það villandi að tala um að Búddistar og Konfúsíistar séu 'guðleysingjar' eða 'trúleysingjar'.

[Mofi, 25.7.2010 kl. 21:18]

Rósant, ennþá minna sens, hvert ertu að fara með þessu? 

Styrmir,  þetta er magnað dæmi. Ég býst við að fyrst þeir eru hálfgerðir guðir þá geti þeir lýst yfir heilögu stríði. Ég var aðalega að velta fyrir mér hvað þarf til að fara í heilagt stríð; mín tilfinning er að það hljóti að vera einhvers konar guðdómur á bakvið slíkt en ég hef ekki meira en einhverja tilfinningu til að styðja það.

Rósant
Finnst þér ekki eitthvað bogið við svona yfirlýsingu, Mofi? Geta trúarbrögð trúað einhverju? Á lesandinn bara að vita hvað þú ert að meina?

Kannski illa orðið; hefði frekar átt að segja "aðhyllast"... 

Rósant
Þar af leiðandi er það villandi að tala um að Búddistar og Konfúsíistar séu 'guðleysingjar' eða 'trúleysingjar'.

Ég veit ekki betur en þetta er eitt af þeirra trúar atriðum, þ.e.a.s. að alheimurinn var ekki skapaður af neinum guði, sjá: http://www.religionfacts.com/buddhism/beliefs/basic_points.htm

[Sigurður Rósant, 26.7.2010 kl. 18:02]

Mofi - Ég veit ekki betur en þetta er eitt af þeirra trúar atriðum, þ.e.a.s. að alheimurinn var ekki skapaður af neinum guði, sjá: http://www.religionfacts.com/buddhism/beliefs/basic_points.htm 

Skv. þessum yfirlýsingum mætti halda að þú hafir rétt fyrir þér. En ég hef kynnst nokkrum Búddistum og þeir tala alltaf um eins konar 'alheimsorku' eða 'samsara' eins og það er kallað. Ef þú lest yfir þá skilgreiningu sem Wikipedia gefur, þá sérðu kannski það sama og ég. Þarna er verið að tala um eins konar 'Heilagan Anda' eða 'Guð'. Ég sé engan mun á skilgreiningu kristinna á því hvað er 'Heilagur Andi' og þessari skilgreiningu á 'samsara'.

Fyrir mér er þetta sami grautur í sömu skál.

[Mofi, 26.7.2010 kl. 20:22]

Rósant, þú sérð muninn á persónu og síðan bara einhverju afli eins og vatnsafli eða rafmagni er það ekki?

[Sigurður Rósant, 26.7.2010 kl. 20:48]

Að sjálfsögðu sé ég mun á persónu og einhverju afli eins og þú nefnir.

En ef þú talar við trúaða, t.d. múslimi, getur þú fengið það svar að það viti enginn hvað 'guð' er, og þess vegna er rangt að reyna að gera myndir af 'guði', eða skilgreina hann á einhvern máta.

Þá ertu kominn skref í átt til hugsunarháttar Búddista, Confúsísta o.s.frv.

Hvernig skilgreinir þú t.d. 'Heilagan Anda'?  Og svo fullyrðinguna um að allar syndir verði þér fyrirgefnar, en lastmæli gegn Heilögum Anda verði þér ekki fyrirgefnar?

Vangaveltur um þessar spurningar leiða mig t.d. að því sem ég hef sagt áður. "Sami grautur í sömu skál".

Meikar þetta 'sens' fyrir þér?

[Mofi, 26.7.2010 kl. 20:59]

Ég myndi segja að það er nauðsynlegt að skilgreina hvað átt er við Guð. Gamla Testamentið gefur nafn Guðs Jahóva og síðan lýsir hvernig Hann er og hvað Hann vill og svo framvegis. Lýsing á persónu.  Heilagur Andi er líka persóna og Guð eins og Jesú og Jahóva. Ekki beint fyrir menn að skilja Guð til hlýtar. Lastmæli gegn Heilögum Anda skil ég þannig að Heilagur Andi talar til allra manna og þegar þeir loka á Hann þá er það það sem kallað er lastmæli gegn Heilögum Anda. Já, ég viðurkenni að ég hérna er um túlkun að ræða sem gæti hæglega verið röng.

Fyrir utan að komandi horfir úr fjarlægð þá líta margir einstalingar eins út; þarft að nálgast viðkomandi og kynnast honum til að sjá muninn á einni persónu frá annari. 

[Jakob Andreas Andersen, 27.7.2010 kl. 23:55]

Vaknaðu upp, Mofi. Rósant kemur með rósa yfirlysing:

"Við guðleysingjar/trúleysingjar erum sem fagurlitaðar rósir með þyrnum innan um arfann og illgresið. Njótum bara góðs af nærveru ykkar trúaðra sem haldið jarðveginum rökum og komið í veg fyrir uppblástur."

Hér viðurkennir hann að trú þinn er nauðsýnleg (fyrir hann). Þú haldir "jarðveginum rökum og komið í veg fyrir uppblástur." Fallegt, ekki satt? Ég helt samt að Rósant var búinn drekkja of mikið þegar hann skrifaði það. Hann áttir sig kannski ekki á því að rósin blómstrar stutt og kannski kemur annan fræ sem nota goðs af jarðvegi þínum. Hó, hó.

[Mofi, 28.7.2010 kl. 14:30]

Jakob, lol, vá, hvernig gat ég misst af þessu :)