Lexía - réttlæting fyrir trú

Eitt af því sem mér þykir mjög vænt um í Aðvent kirkjunni er lexían. Þetta er tími þar sem meðlimir tala saman um eitthvað ákveðið efni þó að það sé ekkert heilagt og umræðurnar fara oft um víðan völl. Það er nokkuð magnað að hugsa til þess að sirka 16 miljón manns sem tilheyra Aðvent kirkjunni gætu fræðilega verið að lesa sömu lexíuna á sama tíma.

Ég verð með lexíuna í Reykjavík á morgun ( 24. júlí - Ingólfsstræti 19 klukkan ellefu) og allir velkomnir.

Lexían að þessu sinni fjallar um réttlætingu fyrir trú. Minnisversið er að finna í Rómverjabréfinu 3:28 ^"Vér ályktum því, að maðurinn réttlætist af trú án lögmálsverka."

Þessi tenging milli náðar, verka og lögmáls hefur verið eitthvað sem kristnir hafa glímt við í mörg hundruð ár. Í Rómverjabréfinu er Páll að glíma við þetta mál og þá sérstaklega við þá hugmynd margra gyðinga að þeir gætu réttlætt sjálfan sig með því að halda lögmálið.

Þægileg útskýring á þessu gæti verið á þessa leið: þú ert að keyra milli Keflavíkur og Reykjavíkur og ert að flýta þér og þú keyrir hraðar en leyfilegt er. Lögreglan mælir þig á 120 km og stöðvar þig. Þegar þú ert inn í bílnum og búinn að skrúfa niður rúðuna og löggan ásakar þig um að hafa keyrt á 120 km; er þá rökrétt að benda á umferðaskiltið sem segir 90 km og biðja það um hjálp?  Eina sem umferðaskiltið gerir er að segja þér hvað þú hefðir átt að gera en það getur ekkert gert í því að þú braust lögin.  Það er svipað með lögmál Guðs, það réttlætir okkur ekki heldur sakfellir; bendir á það sem við hefðum átt að gera en gerðum ekki.

Út frá þessu þá segir Páll að við getum orðið saklaus frammi fyrir Guði í gegnum trú. Að vegna þess sem Jesú gerði á krossinum þá er búið að borga gjaldið fyrir þín afbrot og réttlæti Krists verða þitt. Það mun vera eins og þú hafir aldrei gert neitt rangt og getur þannig öðlast eilíft líf. Það má segja að þetta eru góðu fréttirnar sem Guð hefur beðið kristna menn að boða um allan heim; að það er búið að sigra dauðann.

En síðan flækjast málin og hvíldardagurinn er gott dæmi um það. Margir kristnir sem eru ekki aðventistar saka aðventista um að reyna að réttlæta sjálfan sig með því að halda hvíldardaginn. Þetta er samt frekar öfugsnúin lógík. Það er ekki eins og að aðrir kristnir reyni að réttlæta sig með því að leggja nafn Guðs ekki við hégóma eða að drýgja ekki hór og þannig öðlast réttlæti Guðs. Að brjóta lög Guðs eftir að hafa fengið fyrirgefningu er að traðka á blóði náðarinnar ( Hebreabréfið 10 ).

Páll glímir við þetta á margvígslegan hátt í Rómberjabréfinu, eitt gott dæmi er þetta hérna:

Rómverjabréfið 6
¹Hvað eigum vér þá að segja? Eigum vér að halda áfram í syndinni til þess að náðin aukist?
²Fjarri fer því. Vér sem dóum syndinni, hvernig ættum vér framar að lifa í henni?

Það er margt hérna til að skoða og kafa dýpra í. Sérstaklega það sem Biblían segir um helgun. Að Guð vill umbreyta þeim sem koma til Hans. Hann vill endurgera samvisku viðkomandi út frá orði Guðs.  Hérna falla margir, þeir vilja tilheyra Guði en vilja ekki lúta valdi Guðs. Vilja fara sínar eigin leiðir og ekki hlýða því sem orð Guðs biður þá um að gera. Þetta er löng ganga og alltaf virðist vera eitthvað nýtt sem Guð bendir manni á sem þarf að fara betur og þá þarf hugarfarið að vera í lagi og alltaf að vera tilbúinn að segja "allt í lagi, Guð þú ræður".

Hérna er hægt að sjá fyrirlesara að nafni Doug Bachelor fara yfir lexíuna: http://www.amazingfacts.org/Television/CentralStudyHour/tabid/76/Default.aspx

Síðan sjálf lexían á ensku, sjá: http://www.ssnet.org/qrtrly/eng/10c/less04.html

Athugasemdir

[Brjánn Guðjónsson, 23.7.2010 kl. 17:28]

Eitt sinn kenndi ég vini mínum lexíu, en hvorki guð né ésú komu að því :)

[Sigurður Rósant, 23.7.2010 kl. 18:18]

Mofi - Það er nokkuð magnað að hugsa til þess að sirka 16 miljón manns sem tilheyra Aðvent kirkjunni gætu fræðilega verið að lesa sömu lexíuna á sama tíma.

Miðað við að mannkyn teljist 6.000.000.000 í dag eru þetta aðeins um 0,27% sem álpast til þess að lesa þessa lexíu.

Finnst þér það magnaður fjöldi, Mofi?

Mér finnst hins vegar dapurlegt að þarna geti verið um 5 milljónir barna og unglinga undir 18 ára aldri sem lepja þessa lífslygi í sig.

Hver er réttur barna til að sleppa við eina trúarinnrætingu umfram aðra hjá Aðventistum, Mofi?

[Mofi, 23.7.2010 kl. 18:49]

Brjánn, Guð kemur að öllu Brjánn :)

Rósant,  sú trúainnræting sem ég er mest á móti er guðleysis trúin. Þetta er síðan aðeins fólk að útskýra fyrir öðrum hvernig það sér heiminn fyrir sér, það sem það telur vera satt. Ef það er rétt þá von í þessum heimi og fólk eins og þú að leiða fólk til eilífrar glötunnar.

^{Markúsar guðspjall 9
42}Hverjum þeim, sem tælir til falls einn af þessum smælingjum, sem trúa, væri betra að vera varpað í hafið með mylnustein um hálsinn.

Ertu virkilega svona sannfærður Rósant?

[Sigurður Rósant, 23.7.2010 kl. 19:57]

Ég er sammála þér í því, Mofi, að "guðleysis trú" á ekki að halda að börnum né ungmennum.

Það á einfaldlega að sleppa börnum og ungmennum við innrætingu af hvaða tagi sem er ef það snertir eitthvað sem varðar trú, stjórnmálaafstöðu, þjóðernisást, kynþáttahatur eða -isma af hvaða tagi sem er.

Ég hef kosið að beita mér ekki gegn sannfæringu barna eða ungmenna, en fullorðið fólk sem ber á borð fyrir mig lífslygi af fyrrnefndu tagi, reyni ég að tæla til falls frá sinni sannfæringu.

Svo sannfærður er ég um ósannindi þín sem annarra, Mofi minn.