16.4.2013 | 12:02

Mega kristnir hafa samband við miðla?

Í fyrstu Samúelsbók, 28. kafla er saga af Sál konungi þar sem hann fer til miðils. Vegna þess að Sál hafði óhlýðnast Guði þá hafði spámaðurinn Samúel sagði við Sál að Guð hefði ákveðið að gefa öðrum manni konungstignina. Mörgum árum seinna þá stendur Sál frammi fyrir óvina her og byrjar að örvænta og í örvæntingu sinni þá fer Sál til konu sem var miðill í þeirri von að ná sambandið við Samúel spámann sem var dáinn þá. Sál talar við konuna sem segist tala við Samúel en fréttirnar sem Sál fær er að herinn mun tapa og Sál sjálfur deyja og þetta rættist í bardaganum daginn eftir.

Það sem Sál var þarna að gera var sérstaklega bannað í lögmáli Móses:

^{3. Mósebók 19:31}Leitið eigi til særingaranda né spásagnaranda, farið eigi til frétta við þá, svo að þér saurgist ekki af þeim. Ég er Drottinn, Guð yðar

En kristnir hafa tekið þá afstöðu að lögmál Guðs sem Hann gaf Móses á ekki við þá og ekkert í Nýja Testamentinu fjallar um þetta. Flestir kristnir samt pikka þetta upp frá Móses og segja að kristnir eiga ekki að hafa samskipti við miðla eða reyna að tala við hina dánu. Enda mjög órökrétt að tala við hina dánu þar sem þeir vita ekki neitt.

^{Predikarinn 9:5}Því að þeir sem lifa, vita að þeir eiga að deyja, en hinir dauðu vita ekki neitt og hljóta engin laun framar, því að minning þeirra gleymist.

Fyrir mitt leiti er svarið skýrt, kristnir eiga ekki að hafa nein samskipti við miðla; hvort sem það er markaðsset sem líkamsrækt eða hvað annað.