Er tungutal biblíulegt?

Í stuttu máli, nei!  Til að vera á sömu blaðsíðu þá er best að skilgreina hvað ég á við með "tungutal". Tungutalið sem ég er að tala um er þegar fólk bablar eitthvað sem enginn skilur, það er ekki eitthvað þekkt tungumál hérna á jörðinni. 

Við sjáum hvergi í Biblíunni fólk tala tungum sem babl sem enginn skilur; nema kannski einhverjir útvaldir og ég spyr sjálfan mig hvort að það fólk sem segist vera að skilja þetta babl sé ekki hreinlega að ljúga.  Það tungutal sem við sjáum í Biblíunni er þegar fólk getur komið mikilvægum upplýsingum á framfæri við fólk sem varðar þeirra sáluhjálp þrátt fyrir að tala ekki þeirra tungumál. Besta dæmið um slíkt er að finna í Postulasögunni öðrum kafla þar sem postularnir tala tungum og fólk hvaðan af gat skilið þá. Kraftaverk sem byggði upp trú og þekkingu á vilja Guðs en ekki eitthvað babl sem bara lætur fólk líta út fyrir að vera kjána. Hérna er myndband sem fer ýtarlega í biblíuversin sem fjalla um þetta.

Losaði sig við Marilyn og talaði tungum

Besti borgarinn?

Fyrir nokkrum mánuðum síðan þá ákvað ég að gerast grænmetisæta. Aðallega vegna þessa fyrirlesturs hérna Ertu að valda þjáningum?  og síðan þessi bók hérna: 80/10/10

Þegar ég kom fyrst til Englands þá borðaði ég ótal hamborgara á ótal pöbbum hérna en ég varð alltaf fyrir miklum vonbrigðum; þeir voru algjört drasl, að minnsta kosti miðað við American Style og Hamborgara Fabrikuna.

Þegar ég síðan gerðist grænmetisæta þá kom að því að prófa að gera bara hamborgara heima og nota einhver grænmetisbuff.  Mér til mikillar undrunnar þá fannst mér þessi grænmetis hamborgarar miklu betri en þeir sem ég hafði verið að fá á pöbbunum hérna. Þannig að mínir heimatilbúnu borgarar voru margfalt betri en þeir sem ég hafði verið að fá á veitingastöðunum. Ég er ekki alveg viss hvort þeir eru betri en mitt fyrrverandi uppáhald sem var hamborgarinn á American Style en góðir eru þeir. Í dag er miðvikudagur og ég vanalega borða hamborgara á miðvikudögum og mig hreinlega hlakkar til.

Fyrir misskilning þá fékk ég mér kjöt í hamborgarann minn fyrir mánuði síðan, keypti einhverja tegund sem kallast "FreeFrom" og ég var alveg viss um að um væri að ræða grænmetisborgara en svo var alls ekki. Mér til mikillar undrunar þá var þessi borgari margfellt verri en grænmetisborgarinn. Þannig að ég vil endilega hvetja fólk til að prófa að skipta út kjöti fyrir svona grænmetisbuff í alls konar réttum til að prófa. Fyrir þá sem vilja minnka kjöt þá gæti það komið þeim á óvart að í sumum tilfellum þá líkar þeim grænmetisútgáfan betur.

Svo fyrir mitt leiti, grænmetisborgari með tómatssósu, steiktum lauk, tómati og ananas er besti borgarinn!  :)

Hrossakjöt í hamborgurum